Ex 26:1 - Chuj San Sebastian Bible

¹ 'Ix yaln pax Jehová 'ixtic: Tza'n b'o in cajnub' yet' lajn̈e te cortina. A te lino ch'al ch'umb'il sat tz'och 'a 'a. Tza' b'o yet' te q'uic'mucnac ch'al, te púrpura yet' te chac. Tzlajw cha, tza'n tz'isxoc 'och yechl eb' querubín 'a eb' te'. A junc mach jeln stz'iswi, a tz'isn 'ochi.

Chuj San Mateo Bible

¹ Tza b'oanpax in cajnub' d'a lajun̈eoc jen̈an c'apac c'apac nab'a lino b'ayb'il te vach'. Sb'ojioch yechel querubín d'a c'apac yuj junoc mach jelan sb'oani. A d'a an̈ ch'al q'uic'mutz'inac, an̈ ch'al yaxmaquinac yed' d'a an̈ chac ch'al sb'ojioch yechel querubín chi'.

Ex 26:1 ပူးပေါင်းရင်းမြစ်များ

A Ch'an̈ Schab'l Libro Samuel 7:2

'ix yaln David 'ixtc 'a win Natán atn win schecb' Dios: —'In tzela, to nab'a c'ute stel watut 'aj cajn in 'eq'ui, ya' sb'a ax te scaxail strato Dios, ata 'aych te 'a yol jun mantiado, xchi.

A Ch'an̈ B'ab'el Libro Yic Yab'ixal Eb' Rey 6:29

'Ix ya'n 'ajxoc 'och yechl querubín, yet' yechl te palma, yet' pax yechl te nichte' yelwnub'loc sat smasnil yich n̈a cha, 'a yojol yet' 'a spatquil.

1 Cr 17:1

A 'a yic cajn xo 'ec' David 'a yol jun sdespacho 'a'to, 'ix yaln 'ixtc 'a Natán, atn win schecb' Dios: —'Ilto, an tic 'ayn xo 'och 'a yol in despacho to nab'a c'ute 'aych 'a 'a, palta ax pax scaxail strato Jehová, ata 'ay 'a yol jun mantiado, xchi.

1 Cr 21:29

Wach'xam a jun mantiado yic Jehová b'ob'il chan̈ yuj Moisés 'a lum cusltac lu'um, yet' jun yet'l xajmb'al 'aj tz'ajx xajmb'al, ata 'ay 'a jolm witz yic Gabaón,

Ex 25:18

Tza'n b'o yechl chawn̈ querubín nab'a oro tz'aji, tztenx b'o yet' martillo, sec tz'och 'a yib'n̈ sti schicn smac te caxa cha.

Ex 25:8

Tze b'on junc in cajnub', sec wach' tzin can cajn 'a e cal.

Ex 26:2

Smasnil te cortina cha, lajnn̈ej tz'aj yechl eb' te', nan̈l yoxlajn̈il metro tz'aj snajtil yoc, chab' metro tz'aj slewnal sat.

Ex 26:31

Tzlajw cha, tza'n b'o junx te cortina yet' te q'uic'mucnac ch'al, te púrpura, te chac yet' te lino ch'umb'il, tza'n tz'isxoc 'och yechl eb' querubín 'a te'.

Ex 26:36

Tza'n b'o junx te cortina tz'och smacloc sti Mantiado, tzb'o yet' te q'uic'mucnac ch'al, te púrpura, te chac yet' te lino ch'umb'il, wach' tz'aj yoch yelwnub'l yuj mach tzb'oni.

Ex 31:7

Mantiado 'aj tzin chaj in b'a eyet'oc yet' smasnil syamc'ab'il, te scaxail in trato yet' smacl yib'an̈, te mexa yet' syamc'ab'il, jun yet'l cantil nab'a oro yet' syamc'ab'il, yet'l xajmb'al yic incienso; yet'l xajmb'al 'aj tz'a smasnil no xajmb'al yet' smasnil syamc'ab'il, q'uen palagan yet' sb'achnub'al yalan̈, te pichl caw wach' tz'aj sjalxi, atn te 'oj ya'ch Aarón yet' eb' yunnal, yic 'aych eb' 'a yopiso ya'n 'och sti eb' 'anma 'ayin.

Ex 35:11

Sb'o cab' eb' jun cajnub' chi yet' smantiadoal, tzb'on eb' yib'n̈ mantiado cha, tzb'on eb' slocnub'al, ya'nte'al, scan̈nub'al, yoyal yet' sb'achnub'al yaln̈ te 'oy cha.

Ex 35:35

'Ix 'ajx sjelnal eb', yic tzb'on eb' smasnil tas wach' yilxi, sec wach' tzlaj yutc 'och eb' yechel, mto yelwnub'l jun chi yet' te q'uic'mucnac ch'al, te púrpura, te chac yet' te lino caw wach', jeln eb' sjalw nip, mto jeln eb' sch'oxn yechl junc xo munljel.

Ex 36:35

Sb'on pax eb' jun te cortina x'och 'a yol scajnub' Dios. Xb'o te yet' te q'uic'mucnac ch'al, te púrpura, te chac yet' te lino ch'umb'il. Xlajw sb'o te', stz'isn 'och eb' yechl eb' querubín 'a te nip cha.

Ex 39:3

'Ix tenx chojc jaypachn̈ q'uen oro, cotc xoj x'aj't q'uen 'a scal te ch'al x'och yelwnub'loc te q'uic'mucnac ch'al, te púrpura, te chac yet' te lino.

Ex 40:2

A wal 'a b'ab'l c'u yic b'ab'l 'uj, ata tzac' b'o chan̈ in cajnub', atn jun Mantiado 'aj tzin chaj in b'a eyet'oc.

Nm 3:25

A eb' tz'iln jun tzo'n̈ smacl yib'n̈ Mantiado yet' te cortina 'aych smacloc sti 'aj tzon̈ 'ochi,

Nm 4:25

Yowlal a eb' tz'i'n 'at jun tzo'n̈ cortina 'ay q'ue smacloc yib'n̈ in cajnub' yet' chab' xo smacl yib'an̈; no tz'um caw tzlab'b'i, yet' te cortina 'aych 'a spuertail;

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 2:21

A jun caw yatut Dios 'ix yal snan ewinac. Ticni a sniwnal 'ix yala.

A Ch'an̈ Carta D'a Eb' Hebreo 8:2

Wan ya'n 'och qui tic 'a 'a. 'Ayc' 'a yojl jun caw yel yatut Dios, atn jun mun b'ob'il yuj Cajlilec cha. Man̈ 'anmac b'ojnac.

A Ch'an̈ Carta D'a Eb' Hebreo 9:2

'Ixtc 'ajnc sb'o jun scajnub' cha. A jun b'ab'l cuarto, tzcuch Yic Dios. Ata 'ay jun yet'l cantil, 'ay pax jun mexa, yet' jun tzo'n̈ pan 'ac'b'il 'a Dios.

A Ch'an̈ Carta D'a Eb' Hebreo 9:9

A jun tzo'n̈ cha, ch'oxnb'il yaj 'ayn̈ec 'a jun tiempoal tic. A eb' 'anma 'ixta tzyutj yaln sb'a 'a Dios, matz tac' sb'o snab'en eb' yuj jun tzo'n̈ ofrenda, yet' jun tzo'n̈ xajmb'al cha.

Apoc 19:8

yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'. A spichl caw sac cha, tzyal 'el'chi, atn swach'l eb' yic xo Dios.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.