Ex 25:29 - Chuj San Sebastian Bible

²⁹ Tza'n b'o yuc'b'al, scucharail, xalual yet' svasoal 'aj tzchax ofrenda to yalil yaji. Oron̈ej tz'aj smasnil.

Chuj San Mateo Bible

²⁹ Sb'opax plato, nivac cuchara, xalu yed' uc'ab' b'aj schaji ofrenda a' yaji. Nab'a oro tz'och d'a juntzan̈ tic smasanil.

Ex 25:29 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:50

'Ix ya'n pax b'o jun tzo'n̈ vaso, jun tzo'n̈ q'uen 'icha texlex, jun tzo'n̈ niwc 'uc'ab', jun tzo'n̈ niwc cuchara, yet' pax jun tzo'n̈ tz'ab'c'ac', to nab'a oro smasnil. Oro pax svisagreil spuertail jun Lugar to cojn Dios 'ay yico', yet' pax yic spuertail yatut Dios.

2 Cr 4:22

jun tzo'n̈ 'icha texlex, jun tzo'n̈ niwc vaso, jun tzo'n̈ niwc cuchara, yet' jun tzo'n̈ tz'ab'c'ac'. A smasnil jun tzo'n̈ tic, oron̈ej smasnil, oro wal to caw wach'. An̈jtona', oro pax 'aych 'a spuertail 'aj tzon̈ 'och 'a yol yatut Dios, yet' 'a spuertail jun Lugar to cojn Dios 'ay yic cha.

Ex 25:28

Tza'n b'o eb' te scan̈nub'l chi 'a te acacia, eb' te 'oj 'och sb'achnub'alc te mexa cha, tza'n 'ajxoc 'och oro 'a eb' te'.

Ex 37:16

An̈jtona', xya'n b'o pax smasnil syamc'ab'il jun mexa cha, nab'a oro x'aji, atn yuc'b'al, scucharail, xalual yet' svasoal 'aj tzchax ofrenda to yalil yaji.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Nm 4:7

Tzeya'n q'ue pax junc q'uic'mucnac nip 'a yib'n̈ mexa 'ay 'a wojltac, ax 'a yib'an̈, ata tzeyac' q'ue jun tzo'n̈ 'uc'ab', jun tzo'n̈ q'uen niwc cuchara, jun tzo'n̈ vaso, jun tzo'n̈ xalu yic yal uva tz'ajx ofrendail, yet' 'ixm pan to tz'ajx xoni.

Nm 7:84

Yuj cha, a smasnil ofrenda 'ix yac' eb' yajl yaj 'a eb' yin̈tl Israel, yic 'ix 'ochcn yopiso jun yet'l xajmb'al cha, atn jun tzo'n̈ tic: Lajchwe q'uen plato b'ob'il yet' plata, lajchwe pax xalu b'ob'il yet' plata, yet' pax lajchwe q'uen niwc cuchara nab'a oro.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.