Ex 25:22 - Chuj San Sebastian Bible

²² A 'a yib'n̈ smac te caxa cha, ata 'oj in ch'ox in b'a 'ayach, 'a snan̈l yechl chawn̈ querubín 'aych 'a yib'n̈ sti smac te scaxail trato, ata 'oj wac' ojcoc 'el smasnil in checnb'il 'a eyib'n̈ ax israel ex tic, xchi Dios.

Chuj San Mateo Bible

²² A d'a scal juntzan̈ yechel querubín ay d'a yib'an̈ smacul te' caxa chi', ata' ol in ch'ox in b'a d'ayach, ol vac' ojtaquejel smasanil checnab'il ol vac' a c'anab'ajej yed' eb' etisraelal.

Ex 25:22 ပူးပေါင်းရင်းမြစ်များ

Gn 18:33

Ax yic xlajw spaxtin eb' cha, 'ix 'at Jehová. Ax Abraham 'ix meltzj can pax 'a smantiado.

A Ch'an̈ Schab'l Libro Samuel 6:2

Xlajw cha, 'ix 'at David 'a Baala 'a yol yic Judá, ajun smasnil eb' soldado yet'oc yic tz'at yi'noc cot eb' te scaxail strato Dios, atn jun 'aj tzb'inax sb'i Jehová tztac' yuj smasnil, jun 'ay sdespacho 'a snan̈l eb' querubín.

A Ch'an̈ Schab'il Libro Yic Yab'ixal Eb' Rey 19:15

'Ix leslwi win 'ixtic: Mamin Jehová, qui Diosal ach an̈ israel on̈ tic on̈, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

1 Cr 13:6

Ajun smasnil eb' yit israelal David chi yet'oc, 'ix q'ue'ch 'a lum Quiriat-jearim, sec wach' to tz'ijx cot te scaxail strato Jehová Dios, atn jun 'ay q'ue sdespacho 'a yib'n̈ sjolm eb' querubín 'a 'aj tzb'inax sb'i.

Salmos 80:1

Ach quilmal an̈ israel on̈ tic, ach 'aych 'och yilmalc eb' yin̈tl José, eb' 'icha a calnelu yaji, 'aych 'ec' 'a a despacho 'a snan̈l eb' querubín, 'ab' wal tas tzwala.

Salmos 80:2

Checlj ach cab' 'el 'a eb' yin̈tl Efraín, 'a eb' yic Benjamín yet' 'a eb' yic Manasés. Cotn̈ muc'uc, wul coln̈ 'el yet' a poder.

Salmos 90:1

Mamin, 'a yictax pecti', yic xlaj 'ec' jun tzo'n̈ tiempo 'a yalan̈, toxn to qui Colmal aj on̈.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Ex 30:36

Tza tenn chojc jab'oc jun tzo'n̈ cha, tza'n 'och 'a yol Mantiado cha, 'a yojltac 'elt scaxail in trato. A jun incienso tic, niwn cab' yel'ch 'a e sat.

Ex 30:6

Tzlajw cha, tza'n 'och jun yet'l xajmb'al chi 'a yojltac 'elt te cortina 'aych yen̈loc scaxail in trato, 'a 'aj 'ay smacl te caxa 'a 'ajtil tzin chaj in b'a eyet'oc.

Ex 31:18

A yic 'ix lajw spaxtin Jehová yet' Moisés chi 'a lum jolm witz Sinaí, 'ix ya'n chapachn̈ q'uen q'uen 'a 'a, q'uen 'ajtil tz'ib'b'il 'och schecnb'il. Caw a Dios 'ix tz'ib'n 'och jun tzo'n̈ checnb'il chi 'a eb' q'ue'en.

Ex 31:6

Ax 'a scal eb' yin̈tl can Dan, ata xin sic' 'elt pax win Aholiab yunnal Ahisamac, a 'oj colwjoc yet'oc. Smasnil eb' 'ay xon sjelnal, 'ix in wach' 'a'j sjelnal eb', sec a eb' 'oj b'onc jun tzo'n̈ xwal 'aych tic:

Is 37:16

Mamin Jehová, qui Diosal ach an̈ israel on̈ tic, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Ez 43:6

Xwiln paxi to lin̈n pax 'ec' jun winc chi 'a in tz'ey, xwab'n yawj 'elt Dios 'a yol yatut cha,

Lv 1:1

'Ix yawtn Jehová Moisés 'a yol Mantiado 'aj tzchaj sb'a yet' eb' 'anma', 'ix yaln 'a 'ixtic:

Lv 16:2

Yuj cha, xyaln 'ixtc 'a Moisés: Al 'a o'tac Aarón, to man̈ comnoc tz'och 'a yol jun cuarto wicn̈ej yaj in ch'ocj 'a yol in cajnub' 'a tzann̈j tiempoal, atn 'a jun lugar 'ay 'a spatquil 'och te cortina. Matz comn c'och 'a stz'ey 'aj 'ay smacl sti te scaxail trato, sec ma'oj chamoc, yujto a 'a scal jun 'asn 'ay 'a yib'n̈ smac te caxa cha, ata 'oj in paxtin yet'oc.

Nm 17:4

Tzlajw cha, tza'n can 'och eb' te 'a yojl Mantiado 'aj tzin chaj in b'a eyet'oc, 'a yojltac 'elt te scaxail in trato, 'a 'aj tzin ch'ox in b'a 'ayex.

Nm 7:89

A yic tz'och Moisés paxtinc yet' Dios 'a yol Mantiado, tzyab' spaxtin 'elt Dios chi 'a snan̈l chawn̈ yechl querubín 'a yib'n̈ smacl scaxail trato 'a 'aj tz'ajx lajwc mul.

Jueces 20:27

A yic jun tiempoal cha, a te scaxail strato Jehová, ata 'ayc' te 'a scajnub' Dios. A win Finees yunnal Eleazar yixchicn Aarón, a 'aych ya'malc 'och sti eb' 'anma 'a Dios. 'Ix sc'anb'n eb' israel 'ixtc 'a Jehová: —¿Tom caw yowlal tzcac' owl yet' eb' quit israelal yin̈tl Benjamín jun 'ejm xo, mto tztac' cab' qui lajw 'el 'ixta'? xchi eb'. 'Ix yaln Jehová 'a eb' 'ixtic: —'A'c owl yet' eb', yujto 'oj wac' eb' 'a yol e c'ab' q'uic'an, xchi.

A Ch'an̈ B'ab'el Libro Samuel 4:4

Yuj cha, 'ix ya'n 'at eb' chon̈b' chi nan̈l eb' israel 'a Silo. 'Ix 'at yi'nc cot eb' te scaxail strato Jehová tztac' yuj smasnil, yujto ata sch'ox sb'a stzictznil 'a snan̈l yechl chawn̈ querubín 'ay 'a yib'n̈ te caxa cha. Ax chawn̈ eb' yunnal Elí, tza'n 'och eb' yuj te caxa cha, atn win Ofni yet' win Finees.