Ex 23:7 - Chuj San Sebastian Bible

⁷ Man̈ eya'ch e b'a eya'n 'och 'es 'a yib'n̈ junc 'anma'. Man̈ eya'ch pax chaml 'a yib'n̈ junc 'anma may smul, yujto an 'oj wac' syailal eb' 'ixta tzb'o cha.

Chuj San Mateo Bible

⁷ Man̈ e cha junoc esal lolonel d'a spatic junoc anima. Man̈ eyac'och chamel d'a yib'an̈ junoc anima malaj smul, yujto a in ol vac' spac d'a mach icha chi' sc'ulej.

Ex 23:7 ပူးပေါင်းရင်းမြစ်များ

Gn 18:23

'Ix snitzn 'o'ch sb'a jab'x 'a stz'ey Dios, 'ix sc'anb'n 'a 'ixtic: —¿Tom 'oj a satl eb' 'anma may smul yet' eb' 'ay smul?

Job 22:23

Toto tzej 'ejm a b'a 'a Dios jun tztac' yuj smasnil, tzach meltzj pax 'a 'a, 'oj ejx pax chan̈ yu'uj, ax yel smasnil yailal chi 'a yol atut.

Salmos 119:29

'Ij in 'el 'a jun b'eyb'al yic 'a'j 'es, yuj a wach'c'ojlal tzin a cuyn 'a a cuynb'il.

Salmos 94:21

Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.

Ex 20:13

Man̈ ex milwoc cham 'anma'.

Ex 20:16

Man̈ eya'ch 'es 'a yib'n̈ eyit 'anma'il.

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.

Pr 11:21

Wal yel, a eb' maysch'olnil sb'eyb'al, yowlal 'oj jawc yailal 'a yib'n̈ eb', ax eb' tojl sb'eyb'al, may tas 'oj jawc 'a yib'n̈ eb'.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Is 5:20

'Oltac wal eb' tzcob' alnoc to a tas tu', a chi tzyal eb' wach'il, ax tas wach', a chi tzyal eb' tu'al; a sacq'uinal, a chi q'uic'q'uinl 'a eb', ax q'uic'q'uinal, a chi sacq'uinl 'a eb'. A tas chi', 'icha to c'a tzyab' eb', ax tas c'a, a chi tzyal eb' chi'al.

Lv 19:11

Man̈ ex 'elc'woc, man̈ eyac' 'es, man̈ eyixtc paxti e b'a junjn ex.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Nahúm 1:3

A Jehová, man̈ c'unoc scot yowal, palta caw 'ay spoder, yowlal tzya'ch yailal 'a yib'n̈ eb' tz'och smul. A 'a yib'n̈ chacxuxm'ic', ata tzb'eyq'ui, ax 'asun, 'icha spoccal yoc tzq'ue wa'an, 'ixta yaji.

Lc 3:14

'Ay pax jaywn̈ eb' soldado xc'och c'anb'noc 'a 'ixtic: —An̈ xo tic on̈, ¿tas tzcutj qui b'eyb'al on̈? xchi eb' 'a 'a. —Man̈ e xib'tc eb' 'anma', man̈ eya'ch 'es 'a yib'n̈ eb', yic tzeyi'n 'ec' tas 'a eb'. Colb'iln̈ej cab' tze chaj e tojol, xchi 'a eb'.

Ro 1:18

Cojtac a Dios tz'a'n cot yowl sc'ojl 'a satcha'an̈, tzjaw 'a yib'n̈ jantcn̈ej eb' 'anma matz ya'ch snab'en 'a 'a, atn eb' maysch'olnil sb'eyb'al. A eb' cha, maysch'olnil eb'. Yuj cha, matz chaj eb' alxc 'el jun cuynb'il caw yel.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Dt 27:25

Catb'tzaxc cab' eb' tzchan tumin, yic tzmiln junc 'anma may jac smul, xchi eb' levita. 'Ixta cab' tz'aji, 'oj xchic eb' chon̈ab'.

1 Ts 5:22

Smasnil tas maysch'olnil, caw man̈ e cha eyab'i'.