Ex 23:13 - Chuj San Sebastian Bible

¹³ Yicljec smasnil tas 'ix wal 'ayx tic. Man̈ eyal e b'a 'a jun tzo'n̈ tzalx 'och diosal, man̈ e b'inoc sb'i eb'.

Chuj San Mateo Bible

¹³ C'anab'ajejec masanil tas ix val tic d'ayex. Man̈ eyal e b'a d'a juntzan̈ comon dios, man̈ e locpax sb'i.

Ex 23:13 ပူးပေါင်းရင်းမြစ်များ

Salmos 16:4

'Oj niwtjoc syailal eb' tz'a'n servil junc xo comn dios. Ma'oj wa'ch in b'a wa'n schic'l no xajmb'al yet' eb'. May xon b'a'n̈ 'oj in b'inoc sb'i sdiosal eb' cha.

Salmos 39:1

An tic, tox xwala to tzin tan̈wj in b'a yet' in b'eyb'al, sec wach' matz 'och in mul yuj tas tzwala. 'Oj in tan̈wc in b'a 'a tas tzwala, ya' sb'a 'ayc' eb' 'anma tu sb'eyb'al 'a wojltac.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Ex 23:32

Man̈ e b'o junc e trato yet' eb', man̈ ex 'och 'emmquilal pax 'a sdiosal eb' cha.

Jeremías 10:11

(Ex wit israelal, alc 'a eb' chuc chon̈b'al 'ixtic: A jun tzo'n̈ comn dios, man̈oc eb' xb'on satcha'an̈ yet' lum lum tic, yuj cha, yowlal 'oj satcn 'el eb' 'a yolyib'n̈q'uinl tic. Man̈x 'a junc 'oj canoc, xe chi 'a eb'.)

Os 2:17

Jun 'ejmn̈ej 'oj wi'cn 'el 'a sti sb'inan sb'i eb' Baal cha, man̈x 'a 'oxlajn̈b'a'n̈ 'oj sb'inoc coti.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Ef 5:12

Yujto a jun tzo'n̈ tas tzlaj sb'o eb' 'a c'ultaquil, caw q'uixweltac yalxi.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

Dt 12:3

Ma'c poj yet'l xajmb'al eb', tze juln poj q'uen q'uen 'aj tzlaj yal sb'a eb', tze n̈usntz'a te te tzb'o eb' sdiosalc cha. Tze satl smasnil, sec man̈x 'a 'aj 'oj b'inaxc eb' 'a jun tzo'n̈ lugar cha.

Dt 4:15

A yic xpaxtin 'elt Jehová 'a scal c'ac' 'a 'ayn̈ec 'a lum witz Sinaí, a 'a jun c'u cha, ma'ix eyila.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.

1 Ti 4:16

Caw tzac' cuenta a b'a yuj a b'eyb'al ta'. An̈jtona', tzac' cuenta a b'a yuj jun tzo'n̈ cuynb'il tzac' scuy eb'. Te'n tzotj a b'a 'a smasnil tiempo, sec 'oj a colcn 'el a b'a, yet' eb' tz'ab'n tas tzala, 'oj colchjoc pax 'el eb'.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

Josué 22:5

Cojn jun tas tzwal 'ayex, to tzeyicljn̈ej jun tzo'n̈ checnb'il, yet' jun tzo'n̈ ley xya'cn Moisés 'ayn̈ec, atn win schecb' Jehová. Tzyal 'el'chi, to caw tze chamc'ojlej Jehová qui Diosalec, b'eylb'ejc sb'eyb'al, tzeyiclni pax schecnb'il 'a smasnil e c'ojol, yet' wal 'a smasnil e nab'en, xchi 'a eb'.

Josué 23:11

Caw tze tan̈wj e b'a, tze chamc'ojlan Jehová qui Diosalec.

Josué 23:7

Caw man̈ junc tzeyutj e b'a yet' eb' 'anma cajnto 'ec' 'a e cal ticnec. Man̈ eyac' 'emmquilal 'a sdiosal eb', man̈ eyiclc tas tzyal eb', man̈ e b'inoc pax sb'i jun tzo'n̈ comn dios cha, man̈ ex 'em cumn 'a yojltac.