Ex 21:6 - Chuj San Sebastian Bible

⁶ toto 'ixta', ax win spatron̈ win cha, ax win tz'i'n 'at win 'a yojltac eb' juez. Tznitzx 'och win 'a stz'ey smarcoal smac sdespacho eb' juez cha, axta tzolx can schicn win yet' junc q'uen niwquil 'acxa', sch'oxnb'il yic tzcancn win yet' spatron̈ chi 'a jun 'ejmn̈ej.

Chuj San Mateo Bible

⁶ tzeyic'b'at vin̈ d'a yichan̈ eb' yajal. Tz'och lin̈an vin̈ d'a smarcoal spuertail sdespacho eb' vin̈ yajal chi', tzeyolan schiquin vin̈ d'a q'uen ol-lab', tz'ochcan yechel vin̈ to scan vin̈ eyed'oc d'a juneln̈ej.

Ex 21:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 12:7

—Toto tzyal a c'ojl tzac' servil jun chon̈b' tic, wach' tzotj ta'wc a b'a 'a eb', toto 'ixta', 'oj ach yac' servil eb' 'a smasnil tiempo, xchi eb' 'ichmtac winc cha.

Salmos 82:1

A Dios 'ayc' 'a scal syamnil eb' 'ay yopiso, xb'eyc'ojlwi 'a scal eb'.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Ex 21:22

Q'uinloc 'ay chawn̈oc winc tzyac' owal: A yic wan ya'n eb' owl cha, tzyamchj c'och junc 'ix 'ix sma'n ewinac. Toto 'ayx tz'i'n pax 'ix, tz'ec' yune 'ix cha, palta may tas tzlajw 'a 'ix, ax win tz'och smul cha, yowlal tzyac' win smulta, a tzyal jantc tzc'an win yichmil 'ix 'ix cha. An̈jtona', a tzyal tas tzyutj eb' juez sb'on yaji.

Ex 21:5

Palta toto a win moso chi matz yal sc'ojl tzpaxi, yujto 'ay schamc'ojlal win 'a yistzil, 'a eb' yunnal, yet' 'a spatron̈,

Ex 21:7

Toto 'ay mach tzchon̈l yisil, yic tz'och 'ix ya'malc servil junc mach, matz tac' yel 'ix 'a libre 'icha eb' winac.

Ex 22:28

Man̈ eyal tu paxti 'a yib'n̈ eb' juez, mto 'a yib'n̈ eb' yajl yaj 'a yol e chon̈ab'.

Is 1:26

Ax wa'n pax 'och eb' juez tojl snab'en 'a e cal jun 'ejm xo, yet' eb' 'a'm nab'en yaj 'a e cal 'icha xon eyaj 'a yic pecti'. Ax yajx sb'ic jun chon̈b' tic, Tojol, Yiclum.

Lv 25:23

A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Lv 25:40

Palta wach' tzeyutj e b'a 'a 'a, 'icha cab' junc e munljum, mto junc 'anma ton̈j 'e'lb'a yec' 'ayex. Munlj cab' eyet'oc masnto tzjaw jun ab'il yic tz'el jun tzo'n̈ tas 'a libre.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Dt 1:16

Xlajw cha, xwa'n can snab'enoc eb' eyajlil cha, xwaln 'a eb' 'ixtic: Wach' tzeyutj eyiln eyopiso, wach' tzeyutj e b'onyaj eb' quit chon̈ab', yet' pax eb' chuc chon̈b'al 'ayc' 'a qui calec.

Dt 15:16

Palta toto a junc e moso cha, may sgana ex yactn cani, yujto tzc'ay eyet'oc, mto tzc'ay yet' eb' eyunnal, yujto wach' pax yaj eyu'uj.

Dt 15:17

Toto 'ixta snab'en junc e moso cha, tzeyij 'och 'a yol sti spuertail eyatut, axta tzeyolcn schicn yet' junc q'uen niwquil 'acxa'. 'Ixta tzeyutej, sec tzcan e mosooc 'a smasnil tiempo. An̈jtona', 'ixta pax tz'aj eb' 'ix 'ix tz'ochcn 'a'j servil cha.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

A Ch'an̈ B'ab'el Libro Samuel 1:22

Palta ma'ix 'at 'ix Ana chi yet' eb', xyaln 'ix 'a win yichmil chi 'ixtic: —A ticnec ma'oj in 'ati, masnto 'oj 'el win 'unn tic 'a yim. 'Ixta to b'i'an, ax 'at wa'nc can win 'a yojltac Jehová, ax scan win ta 'a jun 'ejmn̈ej, xchi 'ix.

A Ch'an̈ B'ab'el Libro Samuel 27:12

'Ix ya'ch win Aquis David yipc sc'ojol, 'ix snan win 'ixtic: A eb' yit israelal, tox x'och eb' 'ajc'ojlal 'a 'a, yuj cha, caw 'oj cann̈j in yac' servil, xchi winac.

A Ch'an̈ B'ab'el Libro Samuel 28:2

—Inye. A ticnec mamin rey, 'oj wac' ojcoc 'eli, tastc tztac' wuj an a checb' in tic, xchi David cha. —Toto 'ixta jun, ach tzach wa'ch in tan̈malc 'a jun 'ejmn̈ej, xchi win Aquis cha.