Ex 20:8 - Chuj San Sebastian Bible

⁸ Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in.

Chuj San Mateo Bible

⁸ Nivanocab' yelc'och sc'ual ic'oj ip d'ayex yuj in eyic'anchaan̈.

Ex 20:8 ပူးပေါင်းရင်းမြစ်များ

Gn 2:3

'Ix si'n can 'el Dios jun yucl c'u chi yico'oc sec tz'ilj pax eb' 'anma 'a jun c'u cha, yuj yoch swach'loc eb', yujto a 'a jun c'u chi 'aj xb'o 'el'ch smasnil tas yuj Dios.

Nehemías 13:15

A 'a yic jun tiempoal cha, xwila to 'ay eb' 'a yol yic Judá tic, ste'l eb' yalil yuva 'a sc'ul 'iljelal. 'Ay pax eb' tz'ec' cuchj trigo, tz'ec' e no b'uro cuchj yal uva, cuchj uva 'a sc'ojlab'il, cuchj higo yet' tzann̈j 'ictzal. An̈jtona', tzyi'n pax cot eb' jun tzo'n̈ chi schon̈ 'a sc'ul 'iljelal 'a Jerusalén. Yuj cha, in owx 'a eb', yujto tz'ec' eb' 'a yib'an̈.

Nehemías 9:14

'Ix a cuyn eb', sec tzyiclj eb' sc'ul 'iljelal yuj ach yi'n chan̈ eb'. 'Ix a'n a checnb'il, a cuynb'il caw yel yet' a ley 'a win a checb' Moisés, sec tzyiclj eb'.

Ex 23:12

Waquen̈ej c'u tzex munlji, ax 'a yucl c'ual tzex 'ilji, sec tz'ilj pax no e wacx tzmunlji, e b'uru, eb' e moso, yet' eb' chuc chon̈b'al cajn 'ec' eyet'oc.

Ex 31:12

'Ix yaln pax Jehová 'a Moisés 'ixtic:

Ex 35:1

'Ix ya'n Moisés syam sb'a smasnil eb' israel cha, xyaln 'a eb' 'ixtic: A Jehová 'ix yac' jun tzo'n̈ checnb'il tic 'ayin, ax ticnec to 'oj eyicloc.

Is 56:2

Caw tzaljc'ojlal yic eb' tzyiclni jun tzo'n̈ checnb'il tic, tzb'eylb'an eb', tzyiclni pax eb' sc'ul 'iljelal, matz 'ec' eb' 'a yib'an̈, caw tzya'ilj sb'a eb', matz comn 'a'j 'at sb'a eb' 'a scal maysch'olnil, xchi Dios.

Is 58:13

An Jehová in an tzwala: Toto tzeyiclj sc'ul 'iljelal, man̈oc eyic tzlaj e b'o 'a jun c'u to wic yaj cha. Wach' cab' tz'aj snachj 'el eyu'uj, to yic tzaljc'ojlal yaji, to wic yaj an Jehová in, 'ay cab' yel'ch jun c'u chi 'a e sat. Man̈ e say tas tze b'o 'a jun c'u cha, man̈ eyal comn paxti'.

Jeremías 17:21

A 'a yic sc'ul 'iljelal, man̈ e cuch eyicatz, caw man̈ eyic' 'oxt 'a spuertail Jerusalén tic, sec matz jaw yailal 'a eyib'n̈ yuj jun tzo'n̈ cha.

Jeremías 17:22

An̈jtona', man̈ eyic' 'elt pax junc eyictz 'a yol eyatut 'a yic sc'ul 'iljelal. Man̈ ex munljoc pax 'a jun c'u cha, yuj e ch'oxn 'eli to wic jun sc'ul 'iljelal cha, 'icha wal wutjnac waln can 'a eb' e mam eyicham.

Jeremías 17:24

An Jehová in, an tzwala: Yicljec wal tas tzwala, man̈ eyi' cot eyictz 'a spuertail chon̈b' tic 'a sc'ul 'iljelal. May junc munljel tze b'o'o, yuj e ch'oxn 'eli to wic yaj jun sc'ul 'iljelal cha.

Ez 20:20

Tzeyiclni sc'ul 'iljelal yujto wic yaji, ch'oxnb'il tz'ajcn jun c'u chi 'a in cal eyet'oc, sec tzeyojquej 'eli, to e Diosal in, xin chi 'a eb'.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lv 19:30

An Jehová in, an tzwala to yowlal tzeyiclj sc'ul 'iljelal. 'Ay cab' yel'ch in cajnub' 'a e sat.

Lv 23:3

Waque c'u tzex munlji, ax 'a yucl c'ual, ata tzeyam e b'a yic tzex 'och 'emmquilal 'ayin. Yaln̈ej 'ajtil 'ayx 'eq'ui, may xon junc mach tzmunlji, yujto sc'ul 'iljelal yic tzin eyi'n cha'an̈.

Lv 26:2

An Jehová in, an tzwala. Yowlal tzeyiclj sc'ul 'iljelal, yujto wic yaj jun c'u cha. Niwn cab' pax yel'ch in cajnub' 'a e sat.

Nm 15:32

A yic 'ayc' eb' israel 'a lum cusltac lu'um, 'ix yiln sb'a eb' 'a jun win winac, to wan sayn sc'atztz 'a sc'ul 'iljelal.

Dt 5:12

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in, 'icha wal yaj waln can 'ayex.