Ex 20:1 - Chuj San Sebastian Bible

¹ 'Ix paxtin Jehová, xyaln smasnil jun tzo'n̈ checnb'il tic 'ixtic:

Chuj San Mateo Bible

¹ Ix lolon Dios d'a eb' israel, ix yalan d'a eb' icha tic:

Ex 20:1 ပူးပေါင်းရင်းမြစ်များ

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Ex 19:25

'Ix paxx 'emt Moisés 'a lum jolm witz cha, xwul yalnc 'a eb' yit chon̈b' cha, tas xyal Jehová 'a 'a.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

A Tas Sc'ulejnac Eb' Schecab' Jesús Hechos 7:38

Atn Moisés chi 'e'nc yet' eb' 'anma 'a lum cusltac lu'um. 'Ayc' pax jun ángel yet' eb', atn jun xpaxtin yet' Moisés chi 'a lum Sinaí. Ata 'ayc' pax eb' qui mam quichmec yet'oc. A 'a Moisés cha, ata ya'jnac can Dios jun tzo'n̈ spaxti tzyal yuj qui q'uinlec. Yuj cha, a 'a'jnac can pax 'ayn̈ec.

A Tas Sc'ulejnac Eb' Schecab' Jesús Hechos 7:53

Wach'xam 'ac'b'il jun tzo'n̈ schecnb'il Dios yuj eb' ángel, chab'il cujec, palta matz eyiclej, xchi Esteban 'a eb'.

Dt 10:4

'Ix stz'ib'n pax 'och Jehová jun tzo'n̈ lajn̈e checnb'il chi 'a eb' q'ue'en. 'Icha wal yutjnac stz'ib'n eb' q'uen b'ab'l cha, atn jun tzo'n̈ yaljnac pax 'ayn̈ec 'a scal te c'ac', yic yamnon̈c 'a yich lum witz cha. A 'a sjolm lum witz cha, ata 'ac'b'il eb' q'uen 'ayn yuj Jehová.

Dt 4:33

¿'Ayx am wal junc chon̈b' tox xyab' spaxtin 'elt Dios 'a scal c'ac', 'icha wal xcab'c spaxtini, palta ma'on̈ chamec?

Dt 4:36

A 'a satcha'an̈, ata 'ix paxtin 'emta yic on̈ scuyni. Ax 'a sat lum tic, c'ac' 'ix sch'ox quila'. 'Ix cab' spaxtin 'elt 'a scal jun c'ac' cha.

Dt 5:22

'Ix yaln pax Moisés 'ixtic: Atn jun tzo'n̈ schecnb'il Jehová tic, caw 'ip 'ix yutj yaln 'elt 'a scal c'ac' yet' 'a scal jun q'uic' 'asun, yic yamnon̈c 'a yich lum witz cha, man̈x 'a junc xo checnb'il 'ix yala. Xlajw cha, stz'ib'n can 'och jun tzo'n̈ paxti tic 'a chapachn̈ q'uen q'ue'en, xya'n 'ayin.

Dt 5:4

A Jehová 'ix paxtin 'elt 'a scal c'ac' 'a 'ayn̈ec 'a lum jolm witz cha, q'uelc'mb'a x'aj spaxtin quet'ec.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.