Ex 15:6 - Chuj San Sebastian Bible

⁶ Mamin Jehová, caw wal 'ay a poder, 'ix a satl eb' 'ajc'ojl cha.

Chuj San Mateo Bible

⁶ Mamin Jehová, yelxo val ay a poder. Ix ac' ganar eb' ayoch ajc'olal d'ayon̈.

Ex 15:6 ပူးပေါင်းရင်းမြစ်များ

Salmos 17:7

Ch'ox wal a chamc'ojlal to caw satjub'tac yilx 'ayin, yujto ach tza col eb' 'anma tzsayn 'ec' a colwal yuj eb' 'ajc'ojl yajch 'a 'a.

Salmos 2:9

'Oj ac' cuenta eb' chon̈b' yet' yowl a c'ojol, 'icha wal tz'aj spoj junc lum chen yuj junc q'uen c'ococh, 'ixta wal 'oj 'ajcn eb' o'oj, xchi 'ayin, xchi Yunnal Dios.

Salmos 24:8

¿Mach jun Rey caw niwn yel'ch cha? Atn Jehová caw 'ay spoder, caw jeln ya'n owal.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Salmos 44:4

Ach qui Diosal on̈, caw yel qui Reyl ach on̈. Ach tzac' cac' ganar an̈ a chon̈b' on̈ tic on̈.

Salmos 60:5

Ta'wan̈ 'ayn̈ on̈, coln̈ yet' a poder, col eb' 'anma tza chamc'ojlej.

Salmos 74:11

¿Tas yuj tza c'ub'j 'el a poder 'ayn̈ on̈? ¿Tas yuj matz ac' 'ip a satn 'el eb'?

Salmos 77:10

A wal jun tas yel xo tzwab' syail, yujto tzin na'a, to a Dios yel xo niwn yel'chi, man̈xtzac on̈ snib'j tzon̈ scol yet' spoder 'icha 'a yic yaln̈taxi.

Salmos 89:14

A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.

Salmos 98:1

B'itn coyc 'a Jehová yet' junc 'ac' b'it, yujto caw satjub'tac yilx tas tzb'o'o. 'Ix yac' ganar owal, yujto caw 'ay spoder.

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 15:12

'Ix a'n cot yowl a c'ojl 'a yib'n̈ eb' 'anma yet' a poder, ax lum lum 'ix b'u'n 'ejm eb'.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

Ex 18:8

Xyaln Moisés 'a sn̈i cha tas x'aj win sreyl Egipto yet' smasnil eb' 'anma yuj Jehová, yic xcolchj 'elt eb' israel yu'uj. 'Ix yaln paxi, jantc wal syal 'ix laj yil eb' 'a yol b'e yet' tas xyutj colwjoc sb'a Jehová yet' eb'.

Ex 3:20

Yuj cha, 'oj in ch'ox in poder, 'oj wac' yailal to satjub'tac yilx 'a yib'n̈ jun nacion̈ cha, 'ixta 'oj wutoc, sec 'oj ex yac' 'elt win rey chi 'a libre.

Ex 6:1

'Ix ta'w Jehová 'a Moisés 'ixtic: —'Ojt el wal nab'an tas 'oj wutc win sreyl Egipto tic yet' in poder. Teb'il 'oj ex ya'l 'a yol schon̈b' tic, palta caw a win 'oj alnoc ax eyeli, xchi.

Is 30:14

'Oj e satx 'eli. Lajn 'oj eyaj 'icha junc niwquil xalu to tzma'x pojoc, man̈x 'a niwnc'ojlal 'a 'a. Caw choc' tz'aj spoji. A jun tzo'n̈ sc'axpil cha, man̈x 'a c'axpoc tztac' yoch lechlab'ilc a', man̈x 'a pax c'axpoc tztac' yi'n 'at stzac'ac' 'a yol cusnu, xchi Dios.

Is 51:9

Mamin Jehová, colwjan̈ yet' a poder, q'uen̈ wan yet' yipl a c'ab', 'icha otjnac 'a yictax pecti'. Ach a ch'iychtejnac no Rahab, atn no dragón sb'i 'a yojl a mar.

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Apoc 2:27

'Icha yutjnac in Mam ya'n Wopiso an tic, 'ixta 'oj wutc wa'n yopiso eb'. Yuj cha, 'oj yac' eb' yajlil yet' junjn sq'uen c'ococh. Ax junjn nacion̈ cha, 'icha junc lum chen tzma'x pojoc, 'ixta 'oj 'aj yuj eb'.

A Ch'an̈ B'ab'el Libro Samuel 2:10

Mamin Jehová a eb' 'ajc'ojl yajch 'ayach, choc' tz'ajcn eb' o'oj. A 'a satcha'an̈, ata 'oj smac' sb'a c'u scot 'a yib'n̈ eb'. 'Oj a b'eyc'ojloc smasnil tas 'ay 'a sat lum lum tic; ax a'n sjelnal jun rey sic'b'il 'el o'oj, xchi 'ix.