Ex 14:28 - Chuj San Sebastian Bible

²⁸ 'Ixta 'ix 'aj a schan can pax sb'a, 'icha xon yaji. 'Ix mucchj can 'ejm scaruaje ewinac, ewin 'et'jnac e no chej yet' smasnil eb' soldado win rey cha, atn eb' xcob' 'och tza'n yuj eb' israel cha; c'uxn 'ix 'atcn eb' 'a yojl a', man̈x 'a junc eb' xcani.

Chuj San Mateo Bible

²⁸ Icha chi' ix aj yil-lanxi sb'a a' ichataxon yaji. Yuj chi' a scarruaje eb' vin̈ yed' eb' ayq'ue d'a yib'an̈ chej yed' masanil eb' soldado vin̈ rey ix b'at tzac'an yuj eb' israel chi', ix mucchajcan eb' d'a yol a'. Man̈xo junoc ix cani.

Ex 14:28 ပူးပေါင်းရင်းမြစ်များ

Gn 50:9

'Ay pax eb' soldado xcot yet' scaruaje, 'ay pax eb' 'ay q'ue 'a yib'n̈ schej, yuj cha, til wal 'anma xcot yet' José cha.

2 Cr 20:24

A yic 'ix c'och eb' soldado yic Judá 'a jun lugar 'a 'aj checl yilx 'at lum cusltac lu'um, ax xyiln 'at eb', to a eb' soldado 'ajc'ojl cha, latz'mtac yaj eb' scham 'a sat lu'um. Man̈x 'a junc eb' xyac' ganar yelcni.

Nehemías 9:11

'Ix ac' spoj sb'a snan̈l a mar 'a sat eb', 'ix 'ec' eb' 'a stacn̈il lu'um; ax eb' pechjnac eb', 'ix 'atcn eb' 'a xab'l yich a', 'icha junc q'uen tzjulx 'at 'a yojl junc a sutb'il a'.

Salmos 106:22

Caw wal satjub'tac yilx tas xa b'o 'a lum slum eb' yin̈tl Cam, caw wal yel xo 'ay smay tas xa b'o 'a yol a Chac Mar.

Salmos 136:15

A 'ix 'a'n can 'at win faraón yet' eb' soldado 'a yich a Chac Mar. A schamc'ojlal Dios 'ayn̈j 'a smasnil tiempo.

Salmos 78:53

'Ix yij b'ey eb' wal 'a caw wach', sec matz xiw eb'. Palta ax eb' 'ajc'ojl yajch 'a eb', 'ix mucchj can eb' yuj a mar.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 15:10

A yic 'ix otz'n 'at ec' 'a yib'n̈ a mar, 'ix mucchj can 'ejm eb' 'ajc'ojl chi yuj a'; 'icha q'uen plomo, 'ixta 'ix 'aj eb' s'atcn 'a yich a'.

Ex 15:19

A yic x'e't scaruaje win sreyl Egipto yet' jun tzo'n̈ xo eb' 'et'jnac no chej 'a yojl a mar, 'ix schan sb'a a 'a yib'n̈ eb' yuj Jehová. Ax pax eb' israel, caw wach' 'ix 'aj ye't eb' 'a stacn̈il lum lum 'a yojl a mar cha.

Habacuc 3:13

Ach 'elt colwjoc 'a a chon̈ab', yet' 'a win rey sic'b'il 'el o'oj, ax win syajlil eb' 'anma maysch'olnil 'ix a te'cn 'ejmi. 'Ix a satn 'el schon̈b' winac, masnto sat 'ejm yopiso winac.

Dt 11:4

Quiljnaquec wal tas 'ajnc eb' soldado yic Egipto cha, yic cob' yoch tza'n eb' cujec. Lajwnac 'el schej eb', scaruaje eb' yic owal, 'ix mucchj can 'at eb' 'a yojl a Chac Mar. A Jehová satn 'el eb' smasnil 'a jun 'ejmn̈ej.

A Ch'an̈ Carta D'a Eb' Hebreo 11:29

A eb' israel cha, ya'jnac 'och eb' Dios 'a sc'ojol. Yuj cha, yec' eb' 'a snan̈l a Chac Mar, 'icha yic tzon̈ b'ey 'a tacn̈ lu'um. Palta ax eb' 'aj Egipto, yic cob' ya'lni eb' yeq'ui, c'uxn laj jic'w cham eb' yuj a'.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.