Ex 14:12 - Chuj San Sebastian Bible

¹² 'Ix cal 'ayach, yic 'ayn̈to 'ec' 'a cha, man̈ e'c qui tiempo, xqui chi. Tzqui nib'j munljoc qui b'a 'a eb' 'aj Egipto cha, yel xo wach' a 'a eb' 'aj Egipto chi tzon̈ munljn̈ej, yic pax a 'a lum cusltac lum tic 'oj wul qui chami, xchi eb'.

Chuj San Mateo Bible

¹² Ixto cal d'ayach ayic ayon̈to ec' ta' to man̈ iq'uec' tiempo d'ayon̈. B'ecan co c'ol co munlaj d'a eb' aj Egipto chi'. Yelxo val vach' to d'a eb' aj Egipto chi' tzon̈ munlajn̈ej, d'a yichan̈ pax to d'a lum tz'inan lum tic tzul on̈ chamoc, xchi eb'.

Ex 14:12 ပူးပေါင်းရင်းမြစ်များ

Salmos 106:7

A yic 'ayc' eb' qui mam quichm 'a Egipto on̈, 'icha to may yel'ch tas xa b'o 'a sat eb'; 'ix ya'n sat eb' sc'ojl 'a a niwn chamc'ojlal, ax 'a sla'nil sti a Chac Mar, ata x'och eb' 'ajc'ojlal 'ayach.

Ex 13:17

A yic 'ix 'ajx 'elt chon̈b' Israel yuj win rey 'a yol yic Egipto, ma'ix yal sc'ojl Dios to xyij 'at eb' 'a jun b'e tz'ec' 'a yic ewin filisteo. Wach'xam tojl jun b'e cha, palta 'ix sna Dios, lemb'il tzyac' eb' filisteo chi owl yet' eb' israel cha, toq'ue tzmeltzj eb' 'a Egipto, yic 'oj yilnc eb' to 'ay owal.

Ex 3:9

Caw wal tzq'ue'ch yaw eb' et israelal yawj 'ayin, yujto til wal tz'aj eb' yixtx 'a 'aj 'aych mosoal cha.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

Ex 6:9

A smasnil tas 'ix yal Jehová, a 'ix yal Moisés 'a eb' yit israelal, palta matz chaj eb' yab'i', yujto caw 'ay somc'ojlal eb', caw 'aych eb' 'a syal munljel.

Os 4:17

A pax eb' chon̈b' yic Efraín, 'ix 'och eb' 'emmquilal 'a jun tzo'n̈ yechel, palta yil sb'a eb'.

Jonás 4:3

A ticnec, tzin tew 'aych Mamin Jehová, to tzej 'ec' in q'uinal. Yel xo wach' to tzin chami, yic pax to an̈j 'ijnoc pitzn in, xchi Jonás.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.

Mr 1:24

—¿Tas aln ec 'ayn̈ ach Jesús 'aj Nazaret? ¿Tom tzach jaw wul on̈ a satcn 'el on̈? Wojc ach, ach tic, sic'b'ilch 'el yuj Dios, xchi win 'a 'a.

Mr 5:7

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.