Ex 13:21 - Chuj San Sebastian Bible

²¹ A 'a c'ual, b'ab'l Jehová yuj eb' 'a scal jun topn̈ 'asun, a tzch'oxn b'e 'a eb'. Ax 'a 'ac'wal, a 'a scal jun topn̈ c'ac' ata 'aychi. A tz'a'n sacq'uinl 'a eb' 'anma cha, sec wach' sb'ey eb' 'a c'ual mto 'a 'ac'wal.

Chuj San Mateo Bible

²¹ A d'a c'ualil, b'ab'el Jehová d'a yichan̈ eb', sch'oxan sb'a d'a jun topan̈ asun, a' sch'oxan b'e d'a eb'. Axo d'ac'valil, an̈eja' d'a jun asun chi' b'aj sch'ox sb'a Jehová, ayoch sc'ac'al jun asun chi' yic syac'an saquilq'uinal d'a eb' anima chi', yic vach' syal sb'ey eb' d'a c'ualil ma d'ac'valil.

Ex 13:21 ပူးပေါင်းရင်းမြစ်များ

Nehemías 9:12

'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Nehemías 9:19

palta ach tic, yuj a niwquil chamc'ojlal, ma'ix actjcan eb' 'a lum cusltac lu'um. A jun niwquil 'asun, ma'ix 'el 'a yojltac eb' yic tz'ijx b'ey eb' 'a c'ul yu'uj, yet' jun niwquil c'ac' ma'ix 'el 'a yojltac eb' 'a 'ac'wal, yic tzictajx sb'e eb' 'ajtil tz'ati.

Salmos 105:39

Xya'n cot Dios jun 'asn yen̈loc eb', ax 'a 'ac'wal, a jun c'ac' a tz'a'n sacq'uinl 'a yib'n̈ eb'.

Salmos 68:7

Ach qui Diosal on̈, a wal yic ach 'elt 'a yojltac eb' a chon̈ab', 'ix a yamn 'och b'eyl yet' eb' 'a lum cusltac lu'um.

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Salmos 78:14

A 'a c'ual, xyij b'ey eb' yet' jun 'asun, ax 'a 'ac'wal xyij b'ey eb' yet' sacq'uinlal jun c'ac'.

Salmos 99:7

A Dios 'ix sc'umj sb'a yet' eb' 'anma chi 'a scal jun topn̈ 'asun, 'ix syiclni eb' jun tzo'n̈ schecnb'il yet' sley xya'cn 'a eb'.

Ex 10:10

Yuj cha, xyaln win rey chi 'ixtic: —Wach'xam 'aych Jehová e Diosal chi eyet'oc, palta toxn to ma'oj ex in chaj 'at yet' eyistzil yet' eb' eyunnal cha. 'In to chuc tas wan e nani.

Ex 16:10

Wanto spaxtin Aarón 'a eb' 'anma cha, 'ix 'at q'ueln eb' smasnil 'a lum cusltac lu'um, axta sch'ox sb'a stzictznil Jehová 'a scal jun 'asun.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Nm 10:34

A yic xb'ey eb' 'a c'ual, c'ojnc'ojnil sb'ey eb', yujto 'aych jun 'asn yic Jehová 'a yib'n̈ eb'.

Nm 14:14

Caw wal 'oj yal eb' a peclal 'a eb' 'anma 'ay 'a lum Canaán. An̈jtona eb' cha, 'ix yab' pax eb' yab'xil, to ach Jehová ach, 'aych 'ec' 'a qui cal on̈. Q'uelc'mb'a tzach 'aj a paxtin quet' on̈. Ax jun 'asn eco', a 'ayc' 'a quib'n̈ on̈. A 'a c'ual b'ab'l a 'at cuj 'a scal jun 'asn cha, ax 'a 'ac'wal, 'aych 'och 'a scal jun c'ac' b'ab'l s'at cuj on̈.

Dt 1:33

A Dios b'ab'l scot cujec, yic sayn 'aj wach' on̈ 'ochcwa'an. A 'a 'ac'wal, a jun c'ac' tzon̈ 'i'nec b'eyoc, ax 'a c'ual, a jun 'asn tzon̈ 'i'nec pax b'eyoc, xchi Moisés.

Dt 31:8

A Jehová 'oj b'ab'ljoc o'oj, caw 'ayc'n̈ej et'oc. Man̈ a na to tzach yactj can a ch'ocoj. Yuj cha, man̈ ach xiwoc, man̈ ach meltzjoc 'a a patic, xchi Moisés.