Ex 13:18 - Chuj San Sebastian Bible

¹⁸ Yuj cha, 'ix 'ec' oyyoc eb' yuj Dios 'a lum cusltac lu'um, yet' 'a sti a Chac Mar. A yic 'ix 'elt eb' israel 'a yol yic Egipto, yet' eb' syamc'ab' yic owal, 'icha yic eb' soldado.

Chuj San Mateo Bible

¹⁸ Yuj val chi', ix ec'n̈ej oyoyoc eb' yuj Jehová d'a tz'inan luum yed' d'a stitac a' Chacchac Mar. Ayic ix el eb' d'a yol yic Egipto chi', yed'nac syamc'ab' eb' yic oval.

Ex 13:18 ပူးပေါင်းရင်းမြစ်များ

Gn 50:25

Xlajw cha, xyaln 'a eb' yican cha, to tzyac' eb' sti 'a 'a; xyaln 'a eb' 'ixtic: Wal yel a Dios 'oj jawc colwjoc eyet'oc. A yic 'oj ujc jun cha, yic tzex 'at cha, tzeyij 'at in niwnal tic eyet'oc, xchi José.

Salmos 107:7

Xlajw cha, 'ix yi'n b'ey eb' 'a jun b'e tojl sc'och 'a jun chon̈b' 'aj wach' xcan cajn eb'.

Salmos 136:16

'A x'i'n b'ey eb' schon̈b' 'a lum cusltac lu'um. A schamc'ojlal Dios 'ayn̈j 'a smasnil tiempo.

Salmos 68:8

A yic cha, caw x'ib'x lum lum o'oj, 'ix cot n̈ab' 'a satcha'an̈. X'ib'x lum tzaln Sinaí 'a ojltac ach qui Diosal an̈ israel on̈ tic on̈.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Ex 14:2

Al 'a eb' et israelal tic, to tzmeltzj eb' jac 'a spatic, axta tz'och wan eb' 'a Pi-hahirot, 'a snan̈l Migdol yet' a mar, 'a yojltac Baal-zefón, ata tze b'o e mantiado 'a sla'nil sti a mar cha,

Ex 14:9

'Ix cot win sreyl Egipto yet' eb' soldado 'a spatc eb' israel, yet' no chej to'jnac jun tzo'n̈ caruaje cha, til wal 'anma ajun yet'oc. Axta 'ix yamchj eb' israel yuj ewin 'a sti a mar, 'a sla'nil Pi-hahirot 'a yojltac Baal-sefón, yujto ata b'ob'il chan̈ smantiado eb' israel cha.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.

Josué 1:14

Ax ticnec jun, 'actjec can eyistzil, eyunnal yet' smasnil e cajb'en noc' 'a sat lum lum 'aj ex yactj can Moisés, atn lum 'ay 'a stojlal 'aj tzq'uel c'u 'a a Jordán tic. Palta ax xo e masnil ex winc to smoj e at 'a owal, 'ijec eyamc'ab' yic owal. Tzex b'ab'lj yuj eb' quit chon̈b'ec tic, yic tzex colwj yet' eb',

Josué 4:12

An̈jtona', 'ix 'e't pax eb' soldado yic Rubén, eb' yic Gad yet' spacl eb' yic Manasés. A eb' cha, yet'n̈j eb' syamc'ab' yic owal, xb'ab'lj eb' yuj jun tzo'n̈ xo eb' yit israelal, 'icha yaj yaln can Moisés 'a eb'.

Josué 4:13

'Aym junc chawinc mil eb' winc chi xyac' lista sb'a yet' syamc'ab' yic owal. 'Ix b'ab'lj eb' yuj eb' 'anma chi 'a yojltac Jehová, axta x'och wan eb' smasnil 'a lum ya'lical chon̈b' Jericó.