Ex 12:28 - Chuj San Sebastian Bible

²⁸ Yajn̈j wal cha, syamn 'och eb' syiclni mto sb'on 'icha 'ix yutj Jehová yaln 'a Moisés yet' 'a Aarón.

Chuj San Mateo Bible

²⁸ A val d'a jun rato chi' ix sc'anab'ajan eb' icha val ix aj yalan Jehová d'a vin̈aj Moisés chi' yed' d'a vin̈aj Aarón.

Ex 12:28 ပူးပေါင်းရင်းမြစ်များ

A Ch'an̈ Schab'l Libro Samuel 5:25

'Ix syiclj David tas xyal Jehová 'a 'a, yuj cha, 'ix 'em eb' filisteo yu'uj, x'eln̈j yich spechn 'el eb' 'a Gabaón masnto xc'och 'a Gezer.

A Ch'an̈ B'ab'el Libro Yic Yab'ixal Eb' Rey 17:5

'Ix syiclni Elías tas xyal Jehová, 'ix 'at sc'ub'nc 'el sb'a 'a sti a Querit cha, 'ix can cajn ta'.

Ex 12:27

Ax eyaln 'ixtc 'a eb': A jun q'uin̈ tic, yic snanb'il cot queltec 'a libre 'a Egipto, atn yic scham no calnelu xajmb'al-l 'a Jehová, yic 'ec' smilnc cham Jehová eb' b'ab'l 'unn 'a Egipto cha. Ax 'a sti catutec, c'ax'e'l x'eq'ui. 'Ixta 'ix yutj Jehová scoln can 'el eb' 'unnab'il 'ayn̈ 'a yic jun tiempoal cha, 'oj e chic 'a eb', xchi Moisés. A yic 'ix lajw yaln jun tzo'n̈ tic, 'ix 'em n̈ojnjoc eb' yit israelal ya'n 'emmquilal 'a Jehová.

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

Ex 12:35

'Ix syiclni eb' israel chi tas 'ix yal Moisés, sc'ann eb' oro, plata yet' pichl 'a eb' 'aj Egipto cha.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 36:1

Yuj cha, a win Bezaleel, yet' win Aholiab, yet' pax smasnil jun tzo'n̈ xo eb' xyac' Jehová sjelnal, atn eb' 'oj b'onc jun tzo'n̈ tas wach' yilxi. A eb' 'oj b'onc smasnil tas 'oj c'anlb'axc 'a yol scajnub' Dios. 'Oj sb'o eb' 'icha wal 'ix yutj Jehová yalni, xchi Moisés.

Ex 39:32

'Ixtn tic wal x'aj sb'o 'el'ch scajnub' Dios, atn jun Mantiado 'aj tzchaj sb'a yet' eb' 'anma'. Sb'o eb' israel smasnil tas 'ix yac' Jehová b'o'oc, 'icha wal yaj yaln 'a Moisés, 'ixta 'ix 'aji.

Ex 39:42

A eb' israel cha, 'ix syiclj eb' sb'on smasnil tas 'icha yaj yaln Jehová 'a Moisés.

Ex 39:43

A yic xyiln Moisés to caw wach' x'aj 'el'ch sb'o jun tzo'n̈ tic yuj eb', 'icha yaj yaln can Jehová, 'ixta to b'i'an, xyaln can swach' paxti 'a yib'n̈ eb' chon̈b' cha.

Ex 7:10

Xlajw cha, 'ix 'at Moisés yet' Aarón 'a yojltac win rey cha, sb'on eb' 'icha xyutj Jehová yalni: 'Ix sjuln 'at Aarón te sc'occh chi 'a yojltac win rey yet' smasnil ewin 'aych yajlil yet' winac, yajn̈j wal cha, 'ix 'och te c'occh chi chanil.

Ex 7:6

Syiclj Moisés yet' Aarón sb'on 'icha tas 'ix yal Jehová.

Lv 24:23

'Icha wal xyutj Dios yalni, 'ixta pax xyutj Moisés yaln jun tzo'n̈ paxti chi 'a eb' yit israelal. Yuj cha, 'ix yi'n 'el eb' chon̈b' chi jun winc 'ix b'ajwj 'a Dios chi 'a sti 'el camplamento, axta sjul cham eb' yet' q'uen q'ue'en. 'Ix syiclj eb' sb'on 'icha 'ix yutj Jehová yaln 'a Moisés cha.

Nm 1:54

'Ix syiclj eb' israel sb'on smasnil tas xyal Jehová 'a Moisés.

Nm 31:31

'Ix sb'on Moisés jun tzo'n̈ chi yet' Eleazar, 'icha 'ix yutj Jehová yalni.

Nm 31:41

Xlajw cha, xya'n Moisés smasnil jun tzo'n̈ chi 'a Eleazar, win ya'mal 'och sti eb' 'anma 'a Dios, 'icha wal xyutj Jehová yalni.

Nm 31:47

A 'a scal jun c'aj xo tic, ata xyij 'elt Moisés junjn 'a junjn nan̈l ciente, atn eb' 'anma yet' no noc'. Xlajw cha, xya'n 'a eb' levita 'aych stan̈wc scajnub' Jehová. 'Ix b'o wal 'icha 'ix yutj Jehová yalni.

Nm 5:4

'Ix syiclj eb' israel tas xyal Jehová 'a Moisés, 'ix yij 'elt eb' jun tzo'n̈ 'anma cha.

Dt 34:9

Ax Josué yunnal win Nun, 'ix schaj can sjelnal 'a Moisés, yujto ya'jnac can Moisés chi yopiso 'a 'a, ax eb' yit israelal, yiclum xyutj sb'a eb' 'a Josué, 'icha yutjnac Jehová yaln can 'a Moisés yic 'ayt 'ec' yet' eb' yit chon̈b' cha.

A Ch'an̈ Carta D'a Eb' Hebreo 11:28

A Moisés cha, yujto ya'jnac 'och Dios 'a sc'ojol, yuj cha, syiclni yi'n 'el yich jun q'uin̈ yic snanb'il cot yel eb' israel 'a libre. Yaljnac 'a eb' yit israelal, to tzlaj stzicch eb' chic' 'a spuerta, sec a jun ángel 'ay yopiso smilwji, matz 'ec' smil junjn sb'ab'l 'unnal eb'.

Josué 14:5

'Icha wal yaj yaln can Jehová 'a Moisés, 'ixta xyutj eb' israel spojn can 'ec' lum lum chi 'a 'a.

Josué 2:21

—'Ixta cab' tz'aj 'icha tzeyutj eyaln tic, xchi 'ix 'a ewinac. Xlajw xoj cha, xyaln can sb'a ewin 'a 'ix, 'ix 'at ewinac, spixn can 'och 'ix ch'an̈ chac lasu chi 'a swentnual yatut cha.

Josué 4:8

'Ix syiclni eb' chi tas xyal Josué. Si'n q'uet eb' lajchwe q'uen q'uen chi 'a yojl a Jordán cha, junjn q'uen 'a junjn eb' yin̈tl israel. 'Ix yi'n 'at eb' q'uen 'a 'aj 'ay scamplamento, axta stuscn chan̈ eb' q'ue'en, 'icha yaj yaln Jehová 'a Josué.