Ex 11:2 - Chuj San Sebastian Bible

² Yuj cha, al 'a smasnil eb' et israelal tic, eb' winac yet' eb' 'ix 'ix, to tzc'an eb' oro yet' plata 'a eb' 'aj Egipto cajn 'a stz'ey, xchi Dios.

Chuj San Mateo Bible

² Yuj chi' al d'a masanil eb' israel, eb' vin̈ vinac yed' eb' ix ix to sc'an q'uen oro eb' yed' q'uen plata d'a eb' aj Egipto cajan d'a slac'anil, xchi.

Ex 11:2 ပူးပေါင်းရင်းမြစ်များ

Gn 24:53

Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

Gn 31:9

'Ixta xyutj Dios yi'n 'ec' scajb'en noc' e mam, xya'n 'ayin.

Salmos 105:37

Xlajw xoj cha, xyi'n 'elt eb' schon̈b' cha, til wal q'uen oro yet' q'uen plata xlaj yic' eb' israel cha. May xon pax eb' xyab'ilan 'a scal eb'.

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Ex 3:21

An̈jtona', an 'oj wac' snab'enoc eb' 'aj Egipto cha, sec 'ay eyel'ch 'a sat eb', caw wal tzaljc'ojlal 'oj eyaj eyelta, may tas ma'oj eyic' ax eyelta.

Ex 3:22

Junjn eb' 'ix 'ix israel, 'oj sc'an eb' 'ix tas 'ay 'a eb' 'ix 'aj Egipto cajn 'a stz'ey. Toxn̈ej tzann̈j 'ixl 'ayc' 'a e cal, 'oj yac' eb' plata mto oro, mto pichul, sec a 'oj eya'ch yet' eb' eyunnal yic 'oj eyelta. 'Ixta 'oj eyutc eyi'n 'ec' tas 'ay 'a eb' 'aj Egipto cha, xchi Dios.

Ex 32:24

Yuj cha, 'ix waln 'a eb' 'ixtic: A mach 'aj 'ay q'uen oro yet' q'uen yumchiquin, 'ijec cot q'uen 'ayin, xin chi 'a eb'. Xlaj yi'noc cot eb' jun tzo'n̈ chi 'ayin, 'ix wa'n 'ulb'xoc 'a scal c'ac'. Ax x'aji, 'ix 'el-l tza'njoc jun yechl quelm wacx tic, xchi Aarón cha.

Ex 35:22

Xlaj jaw eb' winac yet' eb' 'ix 'ix yet' yofrenda chi 'a Moisés, caw wal tzalj eb'. 'Ix laj yi' cot eb' q'uen yelwnub'l pichul, q'uen colc'ab', q'uen yumchiquin, q'uen ton̈ yet' smasnil q'uen q'uen to nab'a oro 'aych 'a 'a, atn chi 'ix yac' eb' 'a Jehová.

Pr 13:22

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

Hageo 2:8

An 'ay wic q'uen plata yet' pax q'uen oro.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.