Ex 10:25 - Chuj San Sebastian Bible

²⁵ 'Ix yaln pax Moisés 'ixtc 'a winac: —Yowlal tzon̈ a chaj 'at yet' qui cajb'en noc', yujto a no 'oj cac' qui xajmb'alc 'a Jehová qui Diosal on̈.

Chuj San Mateo Bible

²⁵ Ix yalan vin̈aj Moisés chi': Yovalil tzon̈ a chab'at yed' noc' co molb'etzal noc' chi', yujto a noc' co noc' chi' ol cac' co silab'oc d'a Jehová co Diosal.

Ex 10:25 ပူးပေါင်းရင်းမြစ်များ

Gn 8:20

'Ix sb'on Noé jun yet'l xajmb'al 'a yojltac Jehová, 'ix yi'n cot win no noc' yet' no ch'ic wach' yoch xajmb'alil. Junjn 'a junjn c'aj no', xya'n tz'a win e no 'a yib'n̈ yet'l xajmb'al.

Ex 10:24

Yuj cha, 'ix ya'n win rey chi 'awtxoc cot Moisés, 'ix yaln win 'ixtc 'a eb': —Tztac' tzex 'at eyac' 'emmquilal 'a Jehová, 'ijec 'at eyistzil yet' eyunnal; cojn b'i'an, tzeyactj can e calnelu, e wacax yet' e chiwo, xchi.

Ex 10:26

Yuj cha, a smasnil no qui cajb'en noc' chi 'on̈, 'oj quic' no smasnil quet' on̈. Man̈x 'a junc no 'oj stac' scani, yujto a 'a scal no 'oj qui sic' 'elt no 'oj ca' qui xajmb'alc 'a Jehová qui Diosal on̈. Yic mantzac on̈ c'och 'a jun lugar cha, mantzac nachj 'el cu'uj, 'aj 'ay no 'oj cac' qui xajmb'alc 'a Jehová qui Diosal chi 'on̈, xchi.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Lv 16:9

A no chiwo suerte yoch xajmb'al-l 'ayn an Jehová in, 'oj yi' cot Aarón no', tzya'n no xajmb'al-l 'ayn yuj smul eb' chon̈ab'.

Lv 9:22

Xlajw cha, xyi'n chan̈ Aarón sc'ab', 'ix yaln wach' paxti 'a yib'n̈ eb' yit chon̈ab'. Ax yic tox xlajw ya'n tz'a no xajmb'al yuj mul, yet' no xajmb'al tz'a smasnil yet' pax no xajmb'al yic junc'ojlal, 'ix 'emt 'a stz'ey jun yet'l xajmb'al cha.