Ester 9:30 - Chuj San Sebastian Bible

³⁰ Xlajw cha, xya'n 'at eb' ch'an̈ 'a smasnil eb' yit israelal cajn 'a 127 niwc chon̈b' 'ay 'a yol smacb'en win rey cha. 'Ix 'ajx 'at stzatzl sc'ojl eb' yet' jun tzo'n̈ paxti to caw yel.

Chuj San Mateo Bible

³⁰ Ix schecan eb' pucchajb'at d'a masanil eb' yetisraelal eb' cajan d'a 127 macan̈ yaj smacb'en vin̈aj rey Asuero chi'. Ix ac'jib'at stzatzil sc'ol eb' yetisraelal eb' chi' yuuj.

Ester 9:30 ပူးပေါင်းရင်းမြစ်များ

Gn 23:1

A 'ix Sara, 'ay 127 ab'il sq'uinal,

Ester 1:1

'Ix uj jun tic yic 'aych win Asuero reyl 'a yol smacb'en Persia. 'Ay 127 niwc chon̈b' 'a yol smacb'en, tz'el yich 'a India masnto tzc'och 'a Etiopía.

Ester 8:9

Wal 'a yajn̈ej 'ix 'awtx cot smasnil eb' yajtz'ib' win rey. A 'a yic 23 yoch yoxl 'uj atn 'a jun 'uj tzcuch Siván. Smasnil tas xyal Mardoqueo, 'ix tz'ib'x 'at 'a smasnil eb' israel, 'a eb' gobernador, 'a eb' capitan̈, yet' pax 'a smasnil eb' yajl 'a 127 niwc chon̈b' macb'il yuj win rey cha, tz'atn̈j 'a India masnto 'a Etiopía. 'Ix tz'ib'x 'at 'a sti', yet' 'a sletra junjn chon̈ab'. An̈jtona 'ix tz'ib'x 'at 'a sti eb' israel cha.

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Is 32:17

Yujto tzb'eylb'ax tojlal cha, yuj cha, 'ay junc'ojlal, tzaljc'ojlal, yet' wach' nab'enal 'a smasnil tiempo.

Is 39:8

Xlajw cha, 'ix yaln Ezequías 'ixtc 'a win Isaías: —A jun paxti 'ix al 'ayn yuj Jehová, caw wal wach', xchi. 'Ix yal 'ixta', yujto a snani to 'ay junc'ojlal yic 'ayt 'och 'a yopiso cha.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.