Ester 9:28 - Chuj San Sebastian Bible

²⁸ 'Ixta x'ajcni, sec tznax cot yuj smasnil yin̈tl eb' israel 'a junjn niwc chon̈ab' yet' 'a jun tzo'n̈ xo chon̈ab', to yowlal tzna cot eb' q'uin̈ Purim chi 'a smasnil tiempo.

Chuj San Mateo Bible

²⁸ Icha chi' ix ajcani yic snachajcot yuj eb' yin̈tilal Israel d'a junjun macan̈ smacb'en vin̈ rey yed' d'a junjun chon̈ab' to yovalil snacot eb', syac'anoch q'uin̈ eb' yic Purim d'a sc'ual ix checlajcan chi' d'a masanil tiempo.

Ester 9:28 ပူးပေါင်းရင်းမြစ်များ

Ester 9:27

a chi 'ix sb'eylb'ej eb' israel chi yet' yin̈til, yet' pax smasnil eb' tzya'ch sb'a israelal yet' eb'. Yowlal tzna eb' chab' c'u q'uin̈ chi 'a junjn ab'il, 'icha 'ix 'aj yalxcani.

Ester 9:29

Ax pax 'ix reina Ester yisl win Abihail, yet' Mardoqueo win israel, 'a sb'i yopiso eb', 'ix stz'ib'n eb' junx ch'an̈ carta yuj q'uin̈ yic Purim, yic tzwach' 'ajx 'och yip ch'an̈ b'ab'l carta.

Salmos 103:2

Tzwal in wach' paxti 'a 'a, a swach'c'ojlal 'ayin, may b'a'n̈ 'oj 'at satc'ojlal wu'uj.

Salmos 145:4

A eb' mamb'il, 'oj laj yalcn eb' 'a eb' yunnal b'aq'uin̈, chajtlto 'ay tas b'ob'il o'oj, ax laj yaln eb' yab'xil a b'ob'en cha.

Ex 12:17

Yowlal tzeyiclj jun q'uin̈ yic 'ixm pan may yich, yujto a 'a yic jun c'u cha, ata 'oj ex wic' 'elt e masnil 'a yol yic Egipto tic. Junjn ab'il tze nan jun q'uin̈ cha; ley tz'ajcn jun chi 'ayex, 'oj syiclcn̈ej eb' eyin̈tl b'aq'uin̈.

Zacarías 6:14

Ax jun corona 'oj a b'o cha, 'icha snanb'il cot watut 'oj 'ajcni yic tznax cot yuj Helem, Tobías, Jedaías yet' Hen yunnal Sofonías, xa chi 'a 'a, xchi Dios 'ayin.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.