Ester 9:20 - Chuj San Sebastian Bible

²⁰ 'Ix stz'ib'n Mardoqueo smasnil jun tzo'n̈ tas 'ix uj tic, xya'n 'at scarta 'a smasnil eb' yit israelal cajn 'a yol smacb'en win rey Asuero, 'a eb' cajn 'a lac'an, yet' pax 'a eb' cajn 'a najat.

Chuj San Mateo Bible

²⁰ Ix schecan tz'ib'chaj masanil juntzan̈ tas ix uji tic vin̈aj Mardoqueo, ix schecan vin̈ to tz'ac'chajb'at d'a masanil eb' yetisraelal vin̈ cajan d'a masanil yol smacb'en vin̈aj rey Asuero chi', eb' cajan d'a slac'anil yed' eb' cajan d'a najat.

Ester 9:20 ပူးပေါင်းရင်းမြစ်များ

1 Cr 16:12

An̈ yin̈tl on̈ can Israel win schecb' Dios yaji, atn Jacob, an̈ sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.

Ester 1:1

'Ix uj jun tic yic 'aych win Asuero reyl 'a yol smacb'en Persia. 'Ay 127 niwc chon̈b' 'a yol smacb'en, tz'el yich 'a India masnto tzc'och 'a Etiopía.

Ester 1:22

Xlajw cha, xya'n 'at win scarta 'a junjn niwc chon̈ab', 'ix tz'ib'x 'at 'a sti junjn chon̈ab'. 'Ix yaln 'at win 'a ch'an̈ scarta cha, chajtlto 'ay cab' yel'ch eb' winc 'a yol yatut, a cab' eb' tzalni tas smoj tzb'o'i.

Ester 3:12

A 'a yic yoxlajn̈il yoch b'ab'l 'uj 'a jun ab'il cha, 'ix 'awtx smasnil eb' yajtz'ib' win rey, ax eb' stz'ib'n jun ley 'ix yac' Amán b'o'oc, yic tz'ajx 'at 'a junjn eb' yajl 'ay 'a junjn niwc chon̈b' 'ay 'a yol smacb'en win rey. A jun ley cha, 'ix tz'ib'x 'a sti', yet' 'a sletra junjn chon̈b'al eb' 'anma', 'ix 'och seyo win rey 'a 'a, yujto locn win 'ix alni.

Ester 8:9

Wal 'a yajn̈ej 'ix 'awtx cot smasnil eb' yajtz'ib' win rey. A 'a yic 23 yoch yoxl 'uj atn 'a jun 'uj tzcuch Siván. Smasnil tas xyal Mardoqueo, 'ix tz'ib'x 'at 'a smasnil eb' israel, 'a eb' gobernador, 'a eb' capitan̈, yet' pax 'a smasnil eb' yajl 'a 127 niwc chon̈b' macb'il yuj win rey cha, tz'atn̈j 'a India masnto 'a Etiopía. 'Ix tz'ib'x 'at 'a sti', yet' 'a sletra junjn chon̈ab'. An̈jtona 'ix tz'ib'x 'at 'a sti eb' israel cha.

Ester 9:19

Ax pax eb' israel cajn 'a jun tzo'n̈ xo chon̈ab', yet' 'a jun tzo'n̈ aldea to may smuroal schon̈ab', a 'a yic chan̈lajn̈e yoch 'uj Adar sb'i, ata xya'ch eb' q'uin̈ 'a tzaljc'ojlal, 'ix laj siylan eb' tastc 'a 'a.

Ester 9:21

'Ix yaln 'ati, to a 'a junjn ab'il 'a yic chan̈lajn̈e' yet' 'a yic olajn̈e yoch jun 'uj Adar, yowlal tznax q'uin̈ ta'.

Ester 9:26

Yuj cha, a jun tzo'n̈ c'u tic, tzcuch sc'ul Purim. A jun paxti tic, tzyal 'el'chi, jun tzo'n̈ tas tzc'an eb' 'a suerteal. A tas tzyal ch'an̈ scarta win Mardoqueo, yet' tas 'ix sb'o eb',

Ester 9:27

a chi 'ix sb'eylb'ej eb' israel chi yet' yin̈til, yet' pax smasnil eb' tzya'ch sb'a israelal yet' eb'. Yowlal tzna eb' chab' c'u q'uin̈ chi 'a junjn ab'il, 'icha 'ix 'aj yalxcani.

Ester 9:29

Ax pax 'ix reina Ester yisl win Abihail, yet' Mardoqueo win israel, 'a sb'i yopiso eb', 'ix stz'ib'n eb' junx ch'an̈ carta yuj q'uin̈ yic Purim, yic tzwach' 'ajx 'och yip ch'an̈ b'ab'l carta.

Ex 17:14

Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Jeremías 29:1

An Jeremías in tic in cancn 'a Jerusalén tic, palta til wal eb' 'aj Jerusalén yet' eb' 'aj Judá 'ix 'ijx 'at 'icha presoal 'a Babilonia yuj win rey Nabucodonosor. 'Ix 'ijx 'at win rey Jeconías yet' 'ix reina, atn 'ix snun winac, yet' eb' 'aych yopiso 'a sdespacho winac, eb' yajl yaj 'a Judá yet' 'a Jerusalén, eb' b'om yamc'ab', yet' pax eb' tenmq'ue'en. Yuj cha, 'ix in tz'ib'n 'at jun in carta 'a eb' schecb' Dios, 'a eb' ya'mal 'och sti eb' 'a Dios, yet' 'a eb' tzjucb'tzan eb' chon̈ab', yet' 'a smasnil eb' quit chon̈b' 'ijxnac 'at 'a Babilonia cha.