Ester 8:14 - Chuj San Sebastian Bible

¹⁴ Wal 'a yajn̈ej x'at eb' checb' chi 'a yib'n̈ chej 'icha yaln win rey. 'Ix alx 'el pax jun ley chi 'a yol chon̈b' Susa, atn 'aj 'aych win rey yajlil.

Chuj San Mateo Bible

¹⁴ A eb' vin̈ ix b'at yal jun ley chi', elan̈chamel ix checjib'at eb' vin̈ yuj vin̈ rey chi', ix q'ue eb' vin̈ d'a yib'an̈ noc' schej vin̈. Ix alchajpaxel jun ley chi' d'a chon̈ab' Susa chi', b'ab'el chon̈ab' yaj d'a yol smacb'en vin̈ rey chi'.

Ester 8:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:28

A mach 'aych 'a stzol-l yi'n cot jun tzo'n̈ cha, tzyij cot 'ixm cebada, yet' yan̈ no chej, yet' pax yic jun tzo'n̈ xo no 'ictzum noc', tz'at can 'a slugar 'aj 'ayc' cha.

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

Nehemías 1:1

Atn wab'xil an Nehemías in tic, yunnaln Hacalías. A 'a yic sjunc'lil ab'il yoch Artajerjes reyal, 'a yol 'uj tzcuch Quisleu, an Nehemías in tic, ata 'ayn 'a chon̈b' Susa, sat yaj 'a eb' chon̈b' 'ay 'a yol yic Persia.

Ester 1:2

Ax chon̈b' Susa a sat yaj 'a eb' chon̈b' cha, ata 'ay sdespacho win rey.

Ester 2:3

Si' cab' win rey tic junjnoc schecb' 'a junjn niwc chon̈ab' 'a yol smacb'en, yic wach' a eb' tz'i'n cot smasnil eb' 'ix cob'stac 'ix to caw wach' yilxi. Jaw cab' eb' 'ix 'a yatut win rey 'a Susa tic. Tz'ochcn eb' 'ix 'a yol sc'ab' win Hegai, atn win tztan̈wni eb' 'ix yistl win rey, ax win tzb'on yilx eb' 'ix.

Ester 3:13

Wal 'a yajn̈ej, 'ix 'ajx 'at eb' checb' 'a smasnil chon̈b' 'ay 'a yol smacb'en win rey cha. A 'a jun ley cha, ata tzyala chajtlto junn̈j c'u 'oj satxoc 'el eb' israel smasnil, tzyal 'el'chi smasnil eb' winac, eb' 'ix 'ix, eb' 'ichmtac 'anma' yet' smasnil eb' 'unin; tzlajw cha, tz'ijx can 'ec' smasnil tas 'ay 'a eb'. A jun cha, tz'el'ch 'a yol jun 'uj Adar sb'i.

Ester 3:14

C'uxn 'ix pucb't scopiail jun ley chi 'a smasnil niwc chon̈b' 'a yol smacb'en win rey. 'Ix alx 'el 'a scal smasnil eb' 'anma', sec wach' lista xo yaj eb' 'a jun c'ul cha.

Ester 3:15

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.

Ester 8:13

A scopiail jun un̈ cha, yowlal tz'at 'a junjn chon̈b'al, tzlajw cha, tzalx 'el 'a smasnil eb' 'anma', chajtlto caw ley jun cha, yic wach' a 'a jun c'u cha, a smasnil eb' israel yojc xo eb' to 'oj spac sb'a eb' 'a eb' 'ajc'ojl cha.

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Dn 8:2

A wal xwutj wilni, 'icha wal to 'ayn 'ec' 'a chon̈b' Susa, jun 'ay 'a yol yic Elam 'a sti a niwn a Ulai sb'i.

A Ch'an̈ B'ab'el Libro Samuel 21:8

'Ix yaln David 'ixtc 'a Ahimelec cha: —¿'Ay am junc lanza mto junc espada 'ayc' 'ayach? Yujto caw ji'lti in checx cot yuj win rey, yuj cha, man̈x 'ic wij cot wespada yet' jun tzo'n̈ xo in yamc'ab' yic owal, xchi David.