Ester 7:5 - Chuj San Sebastian Bible

⁵ Yuj cha, sc'anb'n win rey Asuero chi 'a 'ix 'ixtic: —¿Mach wal jun cha? ¿'Ajtil 'ay jun chi tznib'n b'onc jun tzo'n̈ chi tzal cha? xchi winac.

Chuj San Mateo Bible

⁵ Ix sc'anb'an vin̈aj rey Asuero chi' icha tic: —¿Mach jun chi'? ¿B'ajtil ay jun mach snaan jun tzal chi'? xchi vin̈.

Ester 7:5 ပူးပေါင်းရင်းမြစ်များ

Gn 27:33

Caw wal 'ix sat sc'ojl Isaac, toxn̈ej tzquecni spaxtini, xyaln 'ixtic: —¿Mach pax ni xit' ma'j noc' chi jun, yuj cha, 'ix wul sb'ab'l 'a'nc ni no in chi'? An tic 'ix in c'ux smasnil, yic mantzac ach jaw 'ayin, yuj cha, xwaln can 'el wach' paxti 'a yib'n̈ na. A ticnec, yic xo ni yaj wach'l cha, xchi Isaac.

Ester 7:4

Yujto an tic yet' eb' in chon̈ab', on̈ chon̈xi, sec tzon̈ milx cham qui masnil on̈. Comnoc ton̈j on̈ chon̈x 'at mosoal on̈ mto 'a'j servil, to 'ixta', may tas tzwal ab'i'; nab'a am tzwij 'ec' a tiempo. Ocxo jun, to 'oj qui satx 'el 'a jun 'ejmn̈ej on̈, xchi 'ix Ester cha.

Ester 7:6

—A jun 'ajc'ojl tu snab'en cha, atn ton win Amán tic, xchi 'ix. A wal yic xyab'n win Amán jun paxti cha, caw wal sacb'el sat win yuj xiwlal 'a yojltac win rey yet' 'a yojltac 'ix reina Ester.

Job 9:24

A yic tzcan yolyib'n̈q'uinl tic 'a yol sc'ab' eb' 'anma maysch'olnil snab'en, tzmacn sat eb' 'aych juezal. Toto man̈oc Dios 'ixta tz'utni, ¿mach pax b'in jun?

A Tas Sc'ulejnac Eb' Schecab' Jesús Hechos 5:3

Ax Pedro 'ix aln 'a win 'ixtic: —Ananías, ¿tas yuj xyac' win satanás a c'ojloc, yuj cha, tza'n 'es 'a Yespíritu Dios? 'In 'ix ejcan 'el nan̈l ec 'a stojl jun a lum cha.