Esdras 8:17 - Chuj San Sebastian Bible

¹⁷ 'Ix wal 'a eb' to tz'at sc'umc eb' win Iddo, yajl yaj 'a jun lugar tzcuch Casifia to tzalx 'a Iddo cha, yet' 'a smasnil eb' yican, atn eb' yin̈tl eb' tz'a'n cuenta yatut Dios cajn 'a Casifia cha, to tzchec cot ewin eb' 'anma tztac' scolwj quet' 'a yatut qui Diosalec.

Chuj San Mateo Bible

¹⁷ Ix in checb'at eb' vin̈ yal d'a vin̈aj Iddo, yajal d'a jun lugar scuch Casifia yed' d'a masanil eb' ayec' yed' vin̈ ta', aton eb' yin̈tilal eb' munlajnac d'a stemplo Dios to scheccot eb' anima eb' yic scolvaj eb' qued'oc d'a scajnub' co Diosal.

Esdras 8:17 ပူးပေါင်းရင်းမြစ်များ

A Ch'an̈ Schab'l Libro Samuel 14:19

'Ix yaln win rey chi 'ixtc 'a 'ix: —¿Man̈oc am Joab tz'a'n al jun tzo'n̈ tic 'ayin? xchi winac. 'Ix ta'w 'ix 'a winac: —Yel tzal mamin rey. Matz ach satc' a sayn 'ec' jun tic, a tas 'ix ala, caw wal yel. Atn win a checb' Joab, a win tzwul 'a'nc wal jun tzo'n̈ tic 'ayach.

A Ch'an̈ Schab'l Libro Samuel 14:3

Tzlajw cha, tzach c'och 'a yojltac win rey, ax aln jun tzo'n̈ paxti 'oj wal 'aych tic, xchi. Xlajw cha, 'ix yaln Joab 'a 'ix tas jun tzo'n̈ paxti 'oj yal 'ix cha.

1 Cr 9:2

A eb' israel b'ab'l meltzjnac cot pax 'a slu'um yet' 'a schon̈ab', atn eb' ya'mal 'och sti eb' 'anma', eb' ya'mal servil yatut Dios, yet' jun c'aj xo eb' levita.

Esdras 2:43

Eb' tz'a'n cuenta yatut Jehová, atn eb' yin̈tl Ziha, eb' yic Hasufa, eb' yic Tabaot, eb' yic Queros, eb' yic Siaha, eb' yic Padón, eb' yic Lebana, eb' yic Hagaba, eb' yic Acub, eb' yic Hagab, eb' yic Salmai, eb' yic Hanán, eb' yic Gidel, eb' yic Gahar, eb' yic Reaía, eb' yic Rezin, eb' yic Necoda, eb' yic Gazam, eb' yic Uza, eb' yic Paseah, eb' yic Besai, eb' yic Asena, eb' yic Meunim, eb' yic Nefusim, eb' yic Bacbuc, eb' yic Hacufa, eb' yic Harhur, eb' yic Bazlut, eb' yic Mehída, eb' yic Harsa, eb' yic Barcos, eb' yic Sísara, eb' yic Tema, eb' yic Nezía, yet' eb' yic Hatifa.

Esdras 2:58

A smasnil eb' tz'a'n cuenta yatut Dios yet' eb' yin̈tl eb' ya'mal servil Salomón, 'ay 392 eb' 'a smasnil.

Esdras 7:7

A 'a yic yucl ab'il xo yoch Artajerjes reyal, 'ix jaw Esdras 'a Jerusalén yet' nan̈l eb' yit israelal, yet' eb' yit ya'mal 'och sti eb' 'anma 'a Dios, yet' jun tzo'n̈ xo eb' levita, eb' tzb'itni, eb' tan̈m puerta, yet' eb' tz'a'n cuenta yatut Dios.

Esdras 8:16

Xlajw cha, xin checn 'at Eliezer, Ariel, Semaías, Elnatán, Jarib, Elnatán, Natán, Zacarías, yet' Mesulam. A eb' tic, caw niwn yel'ch eb', an̈jtona xin checb't Joiarib, yet' Elnatán, caw wal cuywjum eb'.

Ex 4:15

Paxtinan̈ yet'oc, tzaln 'a 'a tas 'oj yutc paxtinc sb'a; an xo 'oj wal 'ayex tas 'oj eyal cha, 'oj wac' e nab'enoc yet' smasnil tas 'oj e b'o'.

Jeremías 1:9

Xlajw cha, xya'n cot Jehová sc'ab', xwul squilnc 'och sc'ab' 'a in ti', xyaln 'ayn 'ixtic:

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

Nm 18:6

An Jehová in, an xin pojcn 'el eb' levita 'a scal eb' eyit israelal, yic tzwa'n eb' 'ayex, sec tzmunlj eb' eyet' 'a yol Mantiado cha.

Dt 18:18

'Oj in sic' 'elt junc xo in checb' 'a scal eb' 'icha ach tic, junc mach to yit chon̈b' eb', sec a tas 'oj wal 'a 'a, a chi 'oj yalx 'a eb'.

Tito 1:5

Cannc ach wuj 'a lugar Creta cha, sec tza wach' b'oj jun tzo'n̈ tas 'ayt sb'o'i. Tza si'n pax 'elt eb' tz'och ancianoal 'a eb' creyente 'a junjn chon̈ab'. Tza sic' 'elt eb' 'icha yaj waln can 'ayach.