Esdras 7:6 - Chuj San Sebastian Bible

⁶ A Esdras tic paxncta 'a Babilonia cha. Caw cuywjum 'a sley Jehová, atn sDiosal chon̈b' Israel, atn jun ley ya'jnac Jehová 'a Moisés. Yujto 'ix colwj Jehová Dios yet'oc, yuj cha, xya'n win rey Artajerjes smasnil tas 'ix sc'ana.

Chuj San Mateo Bible

⁶ A vin̈aj Esdras chi', c'ayb'um vin̈ d'a sc'ayb'ub'al Jehová sDiosal Israel, aton c'ayb'ub'al yac'nac Jehová d'a vin̈aj Moisés. Masanil tas ix sc'an vin̈, ix yac' vin̈aj rey Artajerjes chi' d'a vin̈, yujto a Jehová ayoch yed' vin̈. Ix lajvi chi' ix paxta vin̈ d'a Babilonia.

Esdras 7:6 ပူးပေါင်းရင်းမြစ်များ

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Esdras 5:5

Palta caw 'aych Dios yet' eb' tzjucb'tzan jun munljel cha, ma'ix tenx 'och wan eb' yuj eb' 'ajc'ojl cha. Ax win gobernador cha, ton̈j 'ix yac' win tz'ib'xoc 'at jun ch'an̈ carta 'a win rey Darío, stan̈wni win spac yuj tas 'oj yutc win rey chi yaln yu'uj.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Esdras 7:21

An rey Artajerjes in, an tzwal ax e masnil ex molm tumn eyaj 'a sc'axpil 'ec' a Éufrates, 'a'c mu'c smasnil tas tzc'an Esdras ya'mal 'och sti eb' 'anma 'a sDiosal, to cuywjum 'a sley jun Dios 'ay yic satcha'an̈.

Esdras 7:28

Yuj schamc'ojlal Jehová, yuj cha, wach'n 'a sat win rey, 'a sat eb' ya'mal 'och snab'en winac, yet' 'a sat smasnil eb' niwc yel'ch yopiso yet' win rey cha. Yuj scolwal Jehová qui Diosalec 'a wib'an̈, yuj cha, xin te'wtzan in b'a, 'ix wa'n syam sb'a smasnil eb' yajl yaj 'a yib'n̈ yin̈tl eb' wit israelal, sec tzmeltzj eb' wet'oc, xchi Esdras.

Esdras 8:1

Atn slistail eb' yajl yaj 'a yib'n̈ eb' yican tic, a tzyal yaj stzib'x eb' 'a junjn 'in̈tal, eb' x'elt yet' Esdras 'a Babilonia yic 'aych win Artajerjes reyal.

Esdras 8:18

Yuj scolwal Dios, 'ix checx cot Serebías yuj eb'. A jun winc cha, caw wal tznachj 'el yu'uj, yin̈tl jun levita tzcuch Mahli. A jun cha, 'ix cot yet' eb' yunnal, yet' eb' yu'tac; wajxclajn̈wan̈ sb'ey eb' 'a smasnil.

Esdras 8:22

Tox 'ix calc 'a win rey cha, to a qui Diosalec a tztan̈wni mach tz'och 'emmquilal 'a 'a, palta tzcot yowl sc'ojl 'a mach matz yiclni tas tzyala. Yuj cha, tzin q'uixw in c'ann in soldado 'a win rey, atn eb' tzb'ey 'a yoc, yet' eb' tzq'ue 'a yib'n̈ chej yic tzon̈ stan̈wni eb' 'a yol b'e, xin chi 'a eb'.

Esdras 8:31

A yic lajchwe yoch b'ab'l 'uj, on̈ 'el 'a sti a Ahavá, 'a yol yic Babilonia yic on̈ 'at 'a Jerusalén. A qui Diosalec caw 'ix colwj quet' on̈, a on̈ coln 'el 'a yol sc'ab' eb' 'ajc'ojol yet' 'a eb' 'elc'm 'a yol b'e.

Nehemías 12:26

A jun tzo'n̈ eb' tic, 'ayc' eb' 'a yol stiempoal Joiacim, yunnal Josué, yixchicn Josadac; atn 'a yol stiempoal win gobernador Nehemías, yet' Esdras ya'mal 'och sti eb' 'anma 'a Dios.

Nehemías 12:36

An̈jtona', ajun pax jun tzo'n̈ yican eb' yet'oc, atn eb' 'et'jnac jun tzo'n̈ yamc'ab' yic tz'och b'it 'a Dios, atn Semaías, Azarel, Milalai, Gilalai, Maai, Natanael, Judá yet' Hanani; atn eb' tic 'et'jnac jun tzo'n̈ yamc'ab' cha, 'icha yaj yaln can rey David, win schecb' Dios 'a pecti'. Palta a Esdras win cuywjum, a b'ab'l s'at yuj eb'.

Nehemías 2:12

in q'ue wan 'a 'ac'wl yet' jaywn̈ eb' winc ajun wet'oc, palta may junc mach 'aj 'ix wala tas xyal Dios 'a in nab'en, yuj tas 'oj in b'o 'a Jerusalén. May schej eb' xyi'aj, cojn 'in xwij no 'in cuchmal.

Nehemías 2:18

A yic xwaln 'a eb' chajtlto xyac' Dios swach'c'ojlal 'a wib'an̈, yet' tas 'ix yal win rey 'ayin, 'ix ta'w eb', xyaln eb' 'ixtic: —Qui'c 'el yich qui b'oni, xchi eb'. Yet' swach' nab'enal eb' 'ix yiptzan sb'a junjn eb'.

Nehemías 2:8

Tza'n pax junc xo carta 'a win Asaf, atn win yilmal te niwc te 'ay 'a yol a macb'en, sec wach' tzyac' win te 'ayin. 'Oj c'anxoc te 'a spuertail yatut eb' 'ayc' stan̈wc yatut Dios, yet' spuertail smuroal chon̈ab', yet' pax stel watut 'aj 'oj waji, xin chi 'a 'a. Yuj swach'c'ojlal in Diosal 'a wib'an̈, 'ix ya'n win rey smasnil jun tzo'n̈ tic 'ayin.

Nehemías 4:15

Ax yic 'ix yab'n eb' 'ajc'ojl yajch 'ayn̈ chi 'on̈, chajtlto lista caj qui macn sjaw eb', 'ix nachj 'el yuj eb' to a Dios 'ix jun 'el smasnil tas 'ix smol alj eb' cha, 'ixtnta x'aj cochx 'a qui munljel junjn on̈.

Nehemías 8:1

'Ix syamn sb'a smasnil eb' chon̈b' 'a plas; junn̈j xyutj sb'a eb' 'a sti puerta 'aj tz'elt eb' 'ix 'ix cuchj a'. 'Ix alx 'a win cuywjum Esdras, to tzyij cot win ch'an̈ libro yic ley Moisés, atn jun ley ya'jnac Jehová 'a chon̈b' Israel.

Nehemías 8:13

Ax 'a junx c'u, 'ix syamn sb'a pax eb' yajl yaj 'a yib'n̈ junjn macn̈ eb' yican 'a scal smasnil eb' chon̈ab', eb' ya'mal 'och sti eb' 'anma 'a Dios, yet' eb' levita. 'Ix syam sb'a eb' yet' Esdras cha, yic tzmol cuyn eb' tas wal yel'ch tas tzyal ch'an̈ ley cha.

Nehemías 8:4

A Esdras cha, lin̈n q'ue 'a yib'n̈ jun b'achnub' nab'a te', yujn̈ej jun cha xb'o cha'an̈. Ax 'a swach' c'ab', ata lin̈n 'ec' pax Matatías, Sema, Anías, Urías, Hilcías yet' Maasías. Ax 'a surito lin̈n 'ec' Pedaías, Misael, Malquías, Hasum, Hasbadana, Zacarías, yet' Mesulam.

Nehemías 8:9

Ax Nehemías gobernador yet' Esdras ya'mal 'och sti eb' 'anma 'a Dios, cuywjum paxi, yet' eb' levita cha, xyaln eb' 'ixtc 'a smasnil eb' chon̈ab': A jun c'u tic yic Jehová qui Diosal yaji, man̈ ex cusoc, man̈ ex 'oc'oc, xchi eb' 'a eb', yujto a smasnil eb' chon̈ab', tz'oc' eb' yab'n tas tzyal ch'an̈ ley cha.

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Salmos 109:27

Yojcoc cab' 'el eb' 'anma', to ach xa b'o jun tzo'n̈ tic.

Salmos 147:19

An̈ israel on̈c tic, yin̈tl on̈c can Jacob, 'ix yac' qui Diosalec cojcoquec 'el spaxti', sley yet' schecnb'il.

Salmos 45:1

'Ay wal paxti caw wach' 'ayc' 'a in nab'en. A chi tzin c'anlb'ej yic tzwaln in wach' paxti 'a win rey. A 'in paxti', lajn 'icha spaxti junc mach jeln stz'ib'ni.

Salmos 80:18

Toto 'ixta', man̈x 'a cab' b'a'n̈ 'oj qui'l qui nab'en 'ayach. Tza'n pax qui q'uinl on̈, sec cojn 'aych 'oj cal qui b'a on̈.

Pr 3:6

Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Is 59:1

A tzeyutj e nani to x'el yip Jehová, man̈xtzac stac' on̈ scolni. Tze nan paxi tecn to x'och chacn̈il yuj cha matz yab' tas tzeyal 'a 'a.

Jeremías 8:8

¿Tas yuj tzeyal 'ixtic: An̈ tic caw wal jeln on̈, cojc sley Jehová, xe chi? ¡'Intax eb' tz'ib'n ley, tzjel pax eb' tas tzyal jun ley cha!

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Mt 23:2

A eb' cuywjum 'a ley yic Moisés yet' eb' fariseo, 'ay yopiso eb' scuywj 'a ley yic Moisés.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

1 Co 15:1

Al ticnec, ex wu'tac, ex wanab', tzin nib'j tze na cot jun wach' 'ab'x yic colnb'il waljnac 'ayex. A jun 'ab'x tic, e chajnac xo, caw te'n exx 'a ticnec.

Dt 28:1

Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.