Esdras 6:16 - Chuj San Sebastian Bible

¹⁶ Ax eb' israel, eb' ya'mal 'och sti eb' 'anma 'a Dios, yet' jun tzo'n̈ xo eb' levita yet' smasnil eb' paxncta 'a Babilonia, 'ix sna eb' sq'uin̈l yatut Dios 'a tzaljc'ojlal.

Chuj San Mateo Bible

¹⁶ Axo eb' israel, eb' sacerdote, eb' levita yed' masanil eb' ix xid'ec' d'a Babilonia, ix yac'och q'uin̈ eb' yic tzalajc'olal yuj scajnub' Dios chi'.

Esdras 6:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:62

Xlajw cha, xya'n win rey yet' smasnil eb' israel xajmb'al 'a Jehová.

A Ch'an̈ B'ab'el Libro Yic Yab'ixal Eb' Rey 8:63

A Salomón 'ix yac' 22 mil no wacax, yet' 120 mil no calnelu yic tz'och no xajmb'al-l yuj yic junc'ojlal. 'Ixta xyutj win yet' smasnil eb' israel ya'n can 'och yopiso jun yatut Jehová cha.

1 Cr 15:28

Smasnil eb' israel caw tzya'l eb' yaw yuj tzaljc'ojlal, yic 'ix 'ijx cot te caxa cha. 'Ix 'utz'x pax cacha, trompeta, syucn eb' platillo, salterio yet' arpa.

1 Cr 9:2

A eb' israel b'ab'l meltzjnac cot pax 'a slu'um yet' 'a schon̈ab', atn eb' ya'mal 'och sti eb' 'anma', eb' ya'mal servil yatut Dios, yet' jun c'aj xo eb' levita.

2 Cr 29:30

Xlajw cha, a win rey yet' eb' yajl yaj yet'oc, xyaln eb' 'a eb' levita to tzyal eb' wach' paxti 'a Jehová, yet' jun tzo'n̈ b'it yic David yet' yic Asaf, atn schecb' Dios. Caw 'ix yal eb' wach' paxti 'a tzaljc'ojlal, 'ix 'em cumn eb' yaln sb'a.

2 Cr 30:23

Ax smasnil eb' chon̈ab', 'ix yal eb' to tzyac' uque'ocx c'u q'uin̈, caw wal tzaljc'ojlal 'ix sna eb' junx uque c'u cha.

2 Cr 30:26

Caw niwn tzaljc'ojlal x'och 'a Jerusalén, yujto a yictax stiempoal Salomón, atn yunnal David sreyl can chon̈b' Israel, caw mant 'a 'aj tzuj 'icha jun tic 'a Jerusalén.

Esdras 4:1

'Ix yab'n sb'a eb' 'ajc'ojl yajch 'a eb' paxncta 'a Babilonia, atn eb' yin̈tl Judá yet' eb' yic Benjamín, to wan xo sb'on pax eb' yatut Jehová sDiosal Israel.

Esdras 6:22

Uque c'u sna eb' sq'uin̈l 'ixm pan may yich 'a tzaljc'ojlal, yujto a Jehová a x'a'n 'och tzaljc'ojlal 'a snab'en eb', yujto xyac' jelmjoc snab'en win sreyl Persia, sec tzcolwj sb'on yatut Dios, atn sDiosal chon̈b' Israel.

Nehemías 12:27

A yic 'ix c'och sc'ul yajx can 'och smuroal Jerusalén 'a yol sc'ab' Dios, 'ix 'awtx cot eb' levita 'a smasnil lugar 'a 'ajtil cajn eb'. 'Ix jaw eb' 'a Jerusalén yuj jun q'uin̈ cha, yet' yuj yalx wach' paxti', tzb'itnax b'it 'a tzaljc'ojlal yet' platillo, arpa yet' lira.

Nehemías 12:43

A wal yic jun c'ul cha, man̈x jantcoc xajmb'al x'ajxi. Ax eb' 'anma cha, caw 'ix tzalj chan̈ eb', yujto a Dios x'a'n jun niwquil tzaljc'ojlal chi 'a eb'. An̈jtona', caw 'ix tzalj pax eb' 'ix 'ix yet' eb' 'unin. A jun tzaljc'ojlal 'ix uj 'a Jerusalén cha, caw 'ix 'ab'x 'a najat.

Nehemías 7:73

A eb' ya'mal 'och sti eb' 'anma 'a Dios, eb' levita, eb' tan̈m puerta, eb' tzb'itni yet' eb' 'anma 'ay 'a chon̈b' cha, eb' ya'mal servil yatut Dios yet' smasnil eb' israel, 'ix sb'on pax 'ejm sb'a eb' 'a yol schon̈ab'. A yic 'ix 'el yich yic yucl 'uj, tox 'ix tz'acw c'och eb' quit israelal 'a slugar.

Nehemías 8:10

An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Salmos 122:1

Til wal sja'l xwab'i yic xyaln eb' 'ayn 'ixtic: Coyc 'a yatut Jehová, xchi eb'.

Dn 5:13

Xlajw cha, x'at 'ijxoc cot Daniel, ax yic xjaw 'a yojltac win rey cha, 'ix sc'anb'n win 'a 'ixtic: —¿Ach am tic Daniel a b'i, ach tic yamb'ilch can cot 'icha presoal yuj in mam 'ichm Nabucodonosor 'a chon̈b' Judá?

Jn 10:22

Ax 'a yic xjaw stiempoal n̈ab'lq'uinal, 'ix 'och sq'uin̈ yatut Dios 'a Jerusalén.

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.