Esdras 6:15 - Chuj San Sebastian Bible

¹⁵ A yatut Dios cha, 'ix lajw sb'o 'a yoxl xo c'u yoch 'uj Adar, yic swacl xo ab'il yoch Darío reyl 'a Persia.

Chuj San Mateo Bible

¹⁵ Ayic oxe' c'ualxo yoch uj Adar yic svaquil ab'il yoch vin̈aj Darío reyal d'a Persia, ata' ix b'oel templo chi'.

Esdras 6:15 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:63

A Salomón 'ix yac' 22 mil no wacax, yet' 120 mil no calnelu yic tz'och no xajmb'al-l yuj yic junc'ojlal. 'Ixta xyutj win yet' smasnil eb' israel ya'n can 'och yopiso jun yatut Jehová cha.

Esdras 4:24

'Ixtnta 'ajnc yoch wan sb'o yatut Dios 'a Jerusalén 'a jun tiempoal cha, masnto yic schab'l ab'il yoch win Darío reyl 'a Persia.

Esdras 5:16

Xlajwn̈ej sc'och Sesbasar 'a Jerusalén, xya'n 'ejm yipnub'al yich yatut Dios. Yictax cha, x'el yich sb'o'i, palta mantzac lajw sb'o ticnec.

Esdras 9:9

Wach'xam mosoal caji, palta ma'on̈ actjcan on̈. Ach qui Diosal on̈, 'ix a ch'ox a chamc'ojlal 'a q'uib'n̈ 'a sat eb' sreyl Persia. 'Ix 'ac' qui tzatzl on̈ yic tzqui b'on pax sjel atut 'aj pojnc 'ejmi, ach on̈ a tan̈wj 'a Judá yet' 'a Jerusalén tic on̈.

Ester 3:13

Wal 'a yajn̈ej, 'ix 'ajx 'at eb' checb' 'a smasnil chon̈b' 'ay 'a yol smacb'en win rey cha. A 'a jun ley cha, ata tzyala chajtlto junn̈j c'u 'oj satxoc 'el eb' israel smasnil, tzyal 'el'chi smasnil eb' winac, eb' 'ix 'ix, eb' 'ichmtac 'anma' yet' smasnil eb' 'unin; tzlajw cha, tz'ijx can 'ec' smasnil tas 'ay 'a eb'. A jun cha, tz'el'ch 'a yol jun 'uj Adar sb'i.

Ester 3:7

A yic b'ab'l 'uj 'a jun ab'il cha, atn 'a jun 'uj Nisán sb'i 'a yic slajchwil xo ab'il yoch win Asuero reyal, 'ix 'och suerte 'a yojltac Amán yic tzyojcan 'eli tas c'ual yet' tas tiempoal tz'el'ch tas tzna cha. Ax x'aji, 'ix 'el'ch jun suerte chi 'a yic 'oxlajn̈e yoch slajchwil 'uj, atn 'a jun 'uj Adar sb'i.

Ester 8:12

A jun tzo'n̈ tic, junn̈j c'u tz'aj sb'o smasnil 'a yol smacb'en win rey cha, atn 'a jun c'u checl xon yaji, 'a 'oxlajn̈e yoch slajchwil 'uj, jun 'uj Adar sb'i.

Ester 9:1

A 'a yic yoxlajn̈il c'u yoch slajchwil 'uj, 'a jun 'uj Adar sb'i, atn jun c'u chi checlxon yaji, yic tz'el'ch tas tzyal jun ley alb'il yuj win rey, palta atn 'a jun c'u chi sc'ul slajw 'el eb' israel chi yuj eb' 'ajc'ojl cha. Ax x'aji ma'ix 'el'ch 'ixta', palta to a eb' x'ejm yuj eb' israel cha.

Ester 9:15

Smasnil eb' israel cajn 'a yol chon̈b' Susa, 'ix syam sb'a eb' 'a yic chan̈lajn̈e yoch 'uj Adar sb'i. 'Ix smiln cham eb' 'oxe xo ciente eb' winac, palta may jac tas 'ay 'a eb' xcham chi xyij 'at eb'.

Ester 9:19

Ax pax eb' israel cajn 'a jun tzo'n̈ xo chon̈ab', yet' 'a jun tzo'n̈ aldea to may smuroal schon̈ab', a 'a yic chan̈lajn̈e yoch 'uj Adar sb'i, ata xya'ch eb' q'uin̈ 'a tzaljc'ojlal, 'ix laj siylan eb' tastc 'a 'a.

Ester 9:21

'Ix yaln 'ati, to a 'a junjn ab'il 'a yic chan̈lajn̈e' yet' 'a yic olajn̈e yoch jun 'uj Adar, yowlal tznax q'uin̈ ta'.

Zacarías 1:1

A yic swajxquil 'uj yic schab'l ab'il xo yoch Darío reyal, ata xyal Jehová jun tzo'n̈ paxti tic 'ayn an Zacarías in tic, yunnal in Berequías, yixchicn in Iddo, schecb' Dios waji. Tzyaln 'ixtic:

Zacarías 1:16

Yuj cha, an Jehová in, an tzwal 'ixtic: A ticnec 'oj in meltzj 'a Jerusalén yuj in ch'oxni to tz'o'x 'och in c'ojl 'a 'a. 'Oj b'ox chan̈ watut ta jun 'ejm xo, ax yechtax chon̈b' Jerusalén yic tzb'ox chan̈ jun 'ejm xo, xchi Dios. Ax ticnec 'at al-l jun tzon̈ tic muc'uc, xchi jun ángel chi 'ayin.

Zacarías 4:9

A Zorobabel a 'ix 'a'n 'ejm yipnub'al yich jun watut tic, a pax 'oj lajnc 'el'chi. 'Ixta to b'i'an, ax snachj 'el yuj eb' in chon̈ab', chajtlto an Jehová in, tztac' wuj smasnil, an ach in chec coti.