Esdras 5:15 - Chuj San Sebastian Bible

¹⁵ 'Ix yaln ab' Ciro chi 'a Sesbasar, to tzyij 'at jun tzo'n̈ yamc'ab' chi 'a yatut Dios 'a Jerusalén. An̈j 'ijnoc 'a yet'l 'aj pojnc 'ejmi, ata tzb'ox chan̈ sjel yatut Dios cha, xchi ab' win Ciro cha.

Chuj San Mateo Bible

¹⁵ Ix ab' yalan vin̈ to syic'b'at juntzan̈ yamc'ab' chi' vin̈ d'a Jerusalén chi' masanto yic sb'ochajxiq'ue scajnub' Dios chi' b'aj aytaxoni.

Esdras 5:15 ပူးပေါင်းရင်းမြစ်များ

Esdras 1:2

An Ciro in tic, sreyl in Persia, an tzwal 'ixtic: A Jehová Dios 'ay yic satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá.

Esdras 3:3

Wach'xam to tzxiw eb' 'a eb' chon̈b' 'ay 'a stz'ey eb' cha, palta 'ix scha b'oj pax chan̈ eb' jun yet'l xajmb'al chi 'a yet'l xoni. 'A junjn sq'uin̈b'ial yet' 'a junjn yemc'ual, 'ix ya'n tz'a eb' xajmb'al to tz'a smasnil yuj yijx chan̈ sb'i Jehová yuj eb'.

Esdras 5:14

An̈jtona', yijnac 'at ab' win Nabucodonosor chi jun tzo'n̈ yamc'ab', to nab'a oro, nab'a plata, yijnac 'elt 'a yatut Dios 'a Jerusalén, 'ix 'at ya'nc 'och 'a yol yatut sdiosal 'a Babilonia. Ax ab' win rey Ciro x'a'n pax meltzjoc jun tzo'n̈ chi 'a Sesbasar, atn win 'ix 'ajx 'och gobernadoral.

Esdras 5:16

Xlajwn̈ej sc'och Sesbasar 'a Jerusalén, xya'n 'ejm yipnub'al yich yatut Dios. Yictax cha, x'el yich sb'o'i, palta mantzac lajw sb'o ticnec.

Esdras 6:3

A 'a yic yab'lil yoch Ciro reyal, xyaln winac to tzb'ox sjel yatut Dios 'a Jerusalén. Caw wach' tz'aj yejm can yipnub'al yich sec wach' ata tz'ajx xajmb'al 'a yojol, 27 metro tz'aj ste'il, 27 metro pax tz'aj schiquin.