Esdras 4:24 - Chuj San Sebastian Bible

²⁴ 'Ixtnta 'ajnc yoch wan sb'o yatut Dios 'a Jerusalén 'a jun tiempoal cha, masnto yic schab'l ab'il yoch win Darío reyl 'a Persia.

Chuj San Mateo Bible

²⁴ Yuj schucal eb' ajc'ol chi', ix och vaan sb'ochajxiq'ue scajnub' Dios d'a Jerusalén tic, masanto d'a schab'il ab'il yoch vin̈aj Darío reyal d'a Persia.

Esdras 4:24 ပူးပေါင်းရင်းမြစ်များ

Esdras 3:8

A yic schab'l xo 'uj schan 'och schab'l ab'il sjapx eb' israel, 'ix 'el yich sb'ox yatut Dios jun 'ejm xo 'a Jerusalén. Eb' xb'oni, atn Zorobabel win yunnal Zalatiel, Jesúa win yunnal Josadac, yet' eb' ya'mal 'och sti eb' 'anma 'a Dios yet jun tzo'n̈ xo eb' levita, yet' smasnil eb' paxncta 'a Babilonia. 'Ix ya'ch eb' jun munljel chi 'a yol sc'ab' jun tzo'n̈ eb' levita to 'ec'b'al 'a junc'l ab'il sq'uinal.

Esdras 4:23

Ax yic 'ix 'awtx ch'an̈ scarta rey Artajerjes 'a yojltac win comandante Rehum yet' Simsai win 'ajtz'ib', yet' eb' yitb'eym eb' cha, wal 'a yajn̈ej x'at eb' smasnil mu'c 'a Jerusalén, xit' ya'nc pural eb' yoch wan eb' 'aj Judá chi smunlji.

Esdras 4:5

An̈jtona', 'ix yac' eb' 'ajc'ojl chi tumn smontnub'loc jun tzo'n̈ eb' yajl 'a Persia cha, sec wach' tztenx 'och wan eb' israel yet' jun munljel cha. 'Ixtan̈ej xyutj sb'a eb' 'a smasnil tiempo yic 'aych Ciro reyl 'a Persia, masnto 'a yic x'och win Darío reyal.

Esdras 5:1

A eb' schecb' Dios 'a jun tiempoal cha, atn Hageo yet' Zacarías, yunnal Iddo, xyaln eb' 'a eb' 'aj Judá yet' 'a eb' 'aj Jerusalén yuj tas 'ix yal sDiosal eb' 'a 'a.

Esdras 5:5

Palta caw 'aych Dios yet' eb' tzjucb'tzan jun munljel cha, ma'ix tenx 'och wan eb' yuj eb' 'ajc'ojl cha. Ax win gobernador cha, ton̈j 'ix yac' win tz'ib'xoc 'at jun ch'an̈ carta 'a win rey Darío, stan̈wni win spac yuj tas 'oj yutc win rey chi yaln yu'uj.

Esdras 6:1

Yuj cha, xya'n win rey Darío sayxc 'ilxoc 'a 'aj tzmolx ch'an̈ un̈ to niwc yel'ch 'a Babilonia;

Esdras 6:14

Ax eb' tzjucb'tzan jun munljel cha, x'ochx eb' swach' b'oc yatut Dios, masnto xlajw sb'o'i, 'icha wal yaj yaln can eb' schecb' Dios, atn Hageo, yet' Zacarías yunnal Iddo. 'Ixtnta x'aj swach' b'o yatut Dios cha. 'Ix b'o 'icha 'ix yutj yaln sDiosal chon̈b' israel, yet' tas xyal eb' sreyl Persia, atn Ciro, Darío yet' Artajerjes.

Esdras 6:15

A yatut Dios cha, 'ix lajw sb'o 'a yoxl xo c'u yoch 'uj Adar, yic swacl xo ab'il yoch Darío reyl 'a Persia.

Nehemías 6:3

Xlajw cha, xin checn 'at jun in checb' yal 'a eb', chajtlto caw witz'n waji, may in colnal yuj jun munljel caw niwn yel'ch tic. Matz tac' in 'at 'a eb', yujto matz tac' yoch wan jun munljel tic, matz tac' wactcn can paxi.

Nehemías 6:9

A eb' cha, tzyal eb' 'ixta', yuj on̈ xib'tn chan̈ eb', snan am eb' to 'oj cac' chab'c'ojlal, sec man̈xtzac lajw sb'o jun munljel tic; palta to xwach' 'och in te'nal.

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Dn 11:2

A ticnec, 'oj wac' ojcoc 'el jun tzo'n̈ tas to caw yel 'oj ujoc. 'Ayt chan̈wn̈ eb' rey 'oj yac' yajlil 'a Persia cha, 'oj 'e'cn 'oxwn̈ eb', ax yoch win schan̈l cha. A jun cha, yel xo 'oj q'ue'choc ricoal 'a yib'n̈ 'oxwn̈ xo eb' cha. Yuj wal sricoal cha, ax yi'n wal yip eb' soldado, ax ya'n owl si'mb'il yet' jun sreyl Grecia cha.

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

Hageo 1:1

A 'a yic b'ab'l c'u yoch swacl 'uj yic schab'l ab'il yoch win Darío reyal, ata in schec Jehová an Hageo in tic yic tz'at in paxtinc yet' win gobernador 'a Judá, atn Zorobabel, yunnal can Salatiel, yet' pax Josué win sat ya'mal 'och sti eb' 'anma 'a Dios, win yunnal can Josadac.

Hageo 2:15

A ticnec, nac coti tas eyaj 'a yic mantzac eyij 'el yich e b'on pax watut tic.

Hageo 2:18

A 'a yic 24 yoch sb'aln̈il 'uj yic jun ab'il tic, a 'a jun c'u tic xe ya'x can 'ejm yipnub'al yich watut.

Zacarías 1:1

A yic swajxquil 'uj yic schab'l ab'il xo yoch Darío reyal, ata xyal Jehová jun tzo'n̈ paxti tic 'ayn an Zacarías in tic, yunnal in Berequías, yixchicn in Iddo, schecb' Dios waji. Tzyaln 'ixtic:

1 Ts 2:18

'Ix ca'lj qui 'at on̈. 'Ixta pax in an Pablo in tic, til wal 'ejm xwa'lj in 'ati. Palta a win Satanás, ma'on̈ chan 'at on̈.