Esdras 4:20 - Chuj San Sebastian Bible

²⁰ A yic cha, 'ay eb' sreyl Jerusalén caw 'ay yip. A eb' tz'a'n ganar 'a yib'n̈ smasnil tas 'ay 'a sc'axpil 'ec' a Éufrates cha. Xya'n eb' yac' eb' 'anma chi stojlb'al, yet' q'uen tumn x'ajx yac' eb'.

Chuj San Mateo Bible

²⁰ A d'a yic chi' ay eb' sreyal Jerusalén te tec'an, a eb' ix ac'an mandar d'a lum luum d'a stojolal b'aj tz'em c'u d'a a' Éufrates chi'. Ix yac' q'uen tumin eb' anima d'a eb' yuj stupan eb' b'aj cajan chi'.

Esdras 4:20 ပူးပေါင်းရင်းမြစ်များ

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

A Ch'an̈ B'ab'el Libro Yic Yab'ixal Eb' Rey 4:24

A Salomón yajl yaj 'a yib'n̈ lum lum 'a stojlal 'aj tz'ejm c'u 'a a Eufrates, tzchaj cot 'a Tifsa, masnto 'a Gaza; a yajl 'a yib'n̈ smasnil sreyl jun tzo'n̈ chon̈b' cha, caw wal 'ay junc'ojlal 'a scal yet' jun tzo'n̈ nacion̈ 'ay 'a stz'ey.

A Ch'an̈ B'ab'el Libro Yic Yab'ixal Eb' Rey 5:1

A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

A Ch'an̈ B'ab'el Libro Yic Yab'ixal Eb' Rey 5:4

Ax ticnec, a Jehová in Diosal, a 'ix 'a'n junc'ojlal 'a smasnil lugar, yuj cha, man̈x 'a junc 'ajc'ojol, may junc maysch'olnil 'aj tzon̈ xiw on̈.

1 Cr 18:13

Xlajw cha, 'ix ya'n 'och David jun tzo'n̈ eb' soldado stan̈wc chon̈b' Edom. A smasnil eb' edomita cha, 'ix ya'ch sb'a eb' 'a yaln̈ schecnb'il, yujto a Jehová a tz'a'n yac' ganar owal, yaln̈j 'aj tzxit'q'ui.

1 Cr 18:3

An̈jtona', 'ix 'ajx pax ganar Hadad-ezer sreyl chon̈b' Soba, ata 'ay 'a stojlal Hamat. A jun rey cha, wan smacn 'ec' yico'oc lum lu'um, masnto 'a a Éufrates.

1 Cr 18:6

Xlajw cha, 'ix ya'n 'och David jun tzo'n̈ eb' soldado tztan̈wni eb' sirio 'a yol yic Damasco. Ax eb' sirio cha, 'ix can eb' 'a yaln̈ schecnb'il, tzya'n pax eb' stojlb'al, yujto a Jehová a tz'a'n yac' ganar David owal, yaln̈j 'aj tzxit'q'ui.

1 Cr 19:19

Ax xyiln eb' schecb' rey Hadad-ezer, chajtlto tox 'ix 'ajx ganar eb' yuj eb' israel, yuj cha, xya'n 'och sb'a eb' 'a junc'ojlal yet' David, 'ix 'ochcn eb' 'a yaln̈ schecnb'il. Ax eb' sirio cha, man̈x 'ic yal sc'ojl eb' xcolwj yet' eb' amonita cha.

2 Cr 17:11

Locn pax eb' filisteo 'ix yij cot siylab' 'a Josafat, atn q'uen plata, 'icha to xyac' eb' q'uen stojlb'alc 'a Josafat. An̈jtona pax eb' árabe, 'ix yij cot eb' 7,700 no mam calnelu, 'ixta pax sb'isl no chiwo 'ix yij cot eb' 'a 'a.

2 Cr 9:14

Man̈ 'ayc 'och pax q'uen stojlb'al eb' chon̈wjum stz'acb'oc q'ue'en. An̈jtona yet' smasnil eb' sreyl Arabia yet' smasnil eb' gobernador 'a yol smacb'en chon̈b' Israel, tzyij cot eb' q'uen oro yet' q'uen plata 'a 'a.

Esdras 4:13

An̈jtona', tzca'n pax ojcoc 'el mamin rey, toto a jun chon̈b' cha, 'oj b'ox chan̈ yet' smuroal, a jun tzo'n̈ 'anma cha, man̈x 'oj yac' eb' stojlb'al yet' q'uen tumn tzc'anx 'a eb', man̈x 'oj 'och q'uen tumn 'a mach tzmolni.

Esdras 4:16

Tzcac' ojcoc 'eli, toto a jun chon̈b' tic, to tzb'ox chan̈ yet' smuroal, toto 'ixta', man̈x 'a aln ec 'a sc'axpil 'e't sti a Éufrates tic, xchi eb' 'a win rey cha.

Esdras 4:19

'Ix wa'n sayx 'ilxoc, 'ix 'ilchj toni, to a jun chon̈b' cha, caw wal tenmtac xyutj sb'a 'a eb' rey 'a yic yaln̈taxi, 'ix syam sb'a eb' ya'n tenmtacl 'a eb' rey cha.

Esdras 4:21

Yuj cha, 'at 'a'c alxoc 'a jun tzo'n̈ winc cha, to tz'och wan eb' smunlji, masnto an 'oj walxi, mant cab' b'o chan̈ jun chon̈b' cha.

Esdras 7:24

Tzeyojcan pax 'eli to matz tac' e c'ann jun tzo'n̈ tojlb'al yet' q'uen colwal tumn 'a eb' 'ay yopiso 'a yatut Dios cha: atn eb' ya'mal 'och sti eb' 'anma 'a Dios, yet' jun tzo'n̈ xo eb' levita, eb' tzb'itni, eb' tan̈m puerta, yet' eb' ya'mal cuenta yatut Dios cha.

Salmos 72:8

Ya' cab' win yajlil 'a yib'n̈ smasnil lum lum tzc'och 'a sti a mar Mediterráneo masnto 'a sti a Chac Mar; yet' 'a sti a Éufrates, masnto 'aj tzlajw c'och lum lu'um.

Lm 1:1

Cusltac xoj yilx x'ajcn chon̈b' Jerusalén, atn jun niwquil chon̈b' 'aj til wal 'anma 'a pecti'. Lajn xoj yilx x'ajcn 'icha junc 'ix 'ix chamnc yichmil. A 'a pecti cha, 'icha to yajl yaj 'a scal jun tzo'n̈ xo nacion̈, ax ticnec, 'ix 'ajx pural yoch 'a munljel.

Ez 19:11

Caw wal ch'ijmtac x'aj eb' te sc'ab', ax te x'och sc'occhoc eb' rey, yel xo wal xq'uib' te si'mb'il. 'Ix 'ec' stel 'a yib'n̈ jun tzo'n̈ te niwc te', caw wal 'ay xo smay yilx yuj ste'il yet' pax yuj te sc'ab' 'ix q'uib'l cha.

Mt 9:9

Ax Jesús, 'ix 'atxi. Yic wan sb'eyi, 'ix yiln jun Mateo sb'i. Wocn 'ejm 'a yet'l 'aj tztecl tumn 'a eb' 'anma'. —'Ochn̈ in cuywumoc, xchi Jesús 'a 'a. Yajn̈j cha, xq'ue wa'an, 'ix 'och scuywumoc.