Esdras 4:19 - Chuj San Sebastian Bible

¹⁹ 'Ix wa'n sayx 'ilxoc, 'ix 'ilchj toni, to a jun chon̈b' cha, caw wal tenmtac xyutj sb'a 'a eb' rey 'a yic yaln̈taxi, 'ix syam sb'a eb' ya'n tenmtacl 'a eb' rey cha.

Chuj San Mateo Bible

¹⁹ Ix in chec saychaj ilchajoc, icha ix eyala'. Ix ilchaji to a eb' anima cajan d'a Jerusalén chi', te pit ix yutejn̈ej sb'a eb' d'a eb' rey ec'nacxo.

Esdras 4:19 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 18:7

Ax smasnil tas sb'o Ezequías cha, wach' 'ix 'el'chi yujto 'aych Jehová yet'oc. 'Ix meltzj 'och 'a sreyl chon̈b' Asiria, ma'ix schaj 'och sb'a yac' servil.

A Ch'an̈ Schab'il Libro Yic Yab'ixal Eb' Rey 24:20

Yuj cha, 'ix cot yowl sc'ojl Jehová 'a Jerusalén yet' 'a Judá, masnto 'ix yij 'el eb' 'a yojltac. 'Ix meltzj 'och Sedequías 'ajc'ojlal 'a sreyl Babilonia.

Esdras 4:15

Sayx cab' 'ilxoc 'a ch'an̈ libro yic snanb'il cot eb' a mam echam. Ata 'oj yala', ax ojcan 'eli to a jun chon̈b' cha, caw wal tenmtac. 'Ay smay 'a eb' rey, yet' 'a jun tzo'n̈ xo chon̈ab', yujto a 'a yic yaln̈taxi 'ix syamch ya'n stenmtaquil, yuj cha, 'ix lajw 'el jun chon̈b' tic.

Esdras 4:18

A ch'an̈ e carta xeya' cot 'ayin, caw wach' x'aj yawtx ch'an̈ 'a wojltac.

Esdras 4:20

A yic cha, 'ay eb' sreyl Jerusalén caw 'ay yip. A eb' tz'a'n ganar 'a yib'n̈ smasnil tas 'ay 'a sc'axpil 'ec' a Éufrates cha. Xya'n eb' yac' eb' 'anma chi stojlb'al, yet' q'uen tumn x'ajx yac' eb'.

Esdras 5:17

A ticnec mamin rey, toto wach' jun tic tzab'i, tzqui c'an 'ayach, to tzsayx 'ilxc 'a eb' ch'an̈ un̈ molb'il 'a sdespacho win rey 'a Babilonia cha, toto yel a rey Ciro tz'a'n b'o sjel yatut Dios 'a Jerusalén, tzal cot cab'i', tas tzotj a cuyn 'a yib'n̈ jun tic, xchi eb' 'a scarta cha.

Pr 25:2

Smoj wal qui'nec chan̈ sb'i Dios yuj tas c'ultac yaj yu'uj, ax eb' rey tzcalc eb' wach'il, yujto tzcham wal sb'eyc'ojlan eb' junc tas.

Dt 13:14

ax xo tic, tzcham wal e c'anb'n eyab'i'. Toto yel jun tzo'n̈ paxti cha, to 'ay eb' wan sb'eylb'an jun tzo'n̈ maysch'olnil chi 'a e cal,