Esdras 4:1 - Chuj San Sebastian Bible

¹ 'Ix yab'n sb'a eb' 'ajc'ojl yajch 'a eb' paxncta 'a Babilonia, atn eb' yin̈tl Judá yet' eb' yic Benjamín, to wan xo sb'on pax eb' yatut Jehová sDiosal Israel.

Chuj San Mateo Bible

¹ Ayic ix yab'an eb' ajc'ol yaj d'a eb' yic Judá yed' d'a eb' yic Benjamín to a eb' ix meltzajcot d'a Babilonia van sb'oanxiq'ue stemplo Jehová sDiosal eb',

Esdras 4:1 ပူးပေါင်းရင်းမြစ်များ

Esdras 1:11

A sb'isl jun tzo'n̈ yamc'ab' oro yet' plata 'ay 5,400 'a smasnil. Smasnil jun tzo'n̈ tic, 'ix yij pax meltzjoc Sesbasar yic 'ix 'elt 'a Babilonia yet' eb' ajun yet'oc, 'ix c'ochx eb' 'a Jerusalén.

Esdras 10:16

Palta ax eb' 'anma chi smasnil 'ix chaj sc'ojl eb' sb'on jun cha, yuj cha, 'ix si'n 'el Esdras eb' ya'mal 'och sti eb' 'anma 'a Dios, yet' jun tzo'n̈ winac, to yajl yaj 'a yib'n̈ eb' yican. A 'a yic b'ab'l c'u yic slajn̈il 'uj, ata syam sb'a eb' winc si'x 'el cha, x'em wocn eb' sb'eyc'ojlan jun tzo'n̈ mul cha.

Esdras 10:7

Xlajw cha, xya'n 'awtxoc cot smasnil eb' 'aj Judá yet' eb' 'aj Jerusalén, yic tzyamn sb'a eb' 'a Jerusalén cha, atn smasnil eb' xit'nc 'a 'icha presoal.

Esdras 3:13

Man̈xtzac nachj 'el yuj eb' chon̈ab' tas chi tzuji. 'Ay mach tz'el yaw yuj tzaljc'ojlal, 'ay mach tz'oq'ui, caw checl yel yaw eb' 'a najat.

Esdras 6:16

Ax eb' israel, eb' ya'mal 'och sti eb' 'anma 'a Dios, yet' jun tzo'n̈ xo eb' levita yet' smasnil eb' paxncta 'a Babilonia, 'ix sna eb' sq'uin̈l yatut Dios 'a tzaljc'ojlal.

Dn 5:13

Xlajw cha, x'at 'ijxoc cot Daniel, ax yic xjaw 'a yojltac win rey cha, 'ix sc'anb'n win 'a 'ixtic: —¿Ach am tic Daniel a b'i, ach tic yamb'ilch can cot 'icha presoal yuj in mam 'ichm Nabucodonosor 'a chon̈b' Judá?

Dn 9:25

Yowlal 'oj nachjoc 'el jun tic o'oj: A yic 'oj alxoc chajtlto 'oj 'ajxoc b'o jun chon̈b' Jerusalén jun 'ejm xo, yowlal 'oj 'e'cn uque seman b'ab'el ax sjapx junx 62 seman. 'Ixta to b'i'an, ax sjaw jun Yajl sic'b'il 'eli. A 'a yic jun tiempoal cha, 'a scal niwn yailal ax sb'o scayeal yet' smuroal chon̈b' Jerusalén jun 'ejm xo.

1 Co 16:9

Yujto tzwila, caw wach' tzin munlj 'a yic Cajlilec 'a tic. Wach'xam niwn eb' tzchichn 'och 'ayin, palta libre waj in munlji.