Esdras 2:58 - Chuj San Sebastian Bible

⁵⁸ A smasnil eb' tz'a'n cuenta yatut Dios yet' eb' yin̈tl eb' ya'mal servil Salomón, 'ay 392 eb' 'a smasnil.

Chuj San Mateo Bible

⁵⁸ Masanil eb' tz'ac'vi servil d'a scajnub' Dios yed' pax yin̈tilal eb' ac'jinac servil vin̈aj Salomón, 392 eb' d'a smasanil.

Esdras 2:58 ပူးပေါင်းရင်းမြစ်များ

1 Cr 9:2

A eb' israel b'ab'l meltzjnac cot pax 'a slu'um yet' 'a schon̈ab', atn eb' ya'mal 'och sti eb' 'anma', eb' ya'mal servil yatut Dios, yet' jun c'aj xo eb' levita.

Esdras 2:59

Eb' yin̈tl Delaías, yet' eb' yic Tobías, yet' eb' yic Necoda 'ay 652 eb' 'a smasnil. A eb' cha, ma'ix stac' sch'oxn 'el sb'a eb' toto israel eb' yuj yin̈til. Atn eb' xcot 'a Tel-mela, 'a Tel-harsa, 'a Querub, 'a Addán, yet' 'a Imer.

Esdras 7:7

A 'a yic yucl ab'il xo yoch Artajerjes reyal, 'ix jaw Esdras 'a Jerusalén yet' nan̈l eb' yit israelal, yet' eb' yit ya'mal 'och sti eb' 'anma 'a Dios, yet' jun tzo'n̈ xo eb' levita, eb' tzb'itni, eb' tan̈m puerta, yet' eb' tz'a'n cuenta yatut Dios.

Nehemías 3:26

masnto xc'och 'a sti spuertail 'aj tz'elt eb' 'ix 'ix yic' ya'al, jun tz'atcn 'a stojlal 'aj tzq'uel c'u, 'a sla'nil jun torre niwquil ste'il. A eb' tz'a'w servil 'a yatut Dios, atn eb' cajn 'a Ofel, 'ix sb'o pax eb' nan̈l muro cha.

Nehemías 7:60

A sb'isl eb' ya'mal servil yatut Dios 'a smasnil yet' eb' yin̈tl eb' ya'mal servil Salomón, 392 eb' 'a smasnil.

Ec 2:7

'Ay ewin in moso xlaj in mana', 'ay pax eb' 'ix wa'mal servil; 'ay pax eb' 'aljnac 'a watut. An̈jtona', til wal x'aj in wacax yet' in calnelu 'a yib'n̈ eb' 'e'nc 'a Jerusalén tic 'a yic yaln̈taxi.

Josué 9:21

'Ixta 'ix yutj eb' yajl chi yalni sec matz cham junc'aj eb' 'anma cha. 'Ix can cajn eb' chuc chon̈b'al chi 'a scal eb' israel, sec ax eb' tz'i'w cot c'atzitz yet' a a tzc'an eb' israel cha. 'Ixta 'ix yutj eb' yajl chi ya'n 'el'choc sti cha.

Josué 9:23

A ticnec b'i'an, yujn̈ej jun e nab'en tic, tz'ochcn jun catb' tic 'a eyib'an̈. Tzex 'ochcn 'a'j servil 'a smasnil tiempo 'ayn̈ on̈, ax 'oj e tzu'l te c'atzitz, ax eyi'n cot a a 'oj c'anxoc 'a yatut qui Diosal on̈, xchi Josué chi 'a eb'.

Josué 9:27

Xya'cn 'och eb' tzu'j c'atzitz yet' cuchj cot a 'a scal eb' israel cha, yet' pax yic yet'l xajmb'al yic Jehová, atn jun lugar sic'b'il 'el yu'uj. 'Ixta 'ix 'ajcn eb' yoch 'a jun smunljel cha.