Ef 4:32 - Chuj San Sebastian Bible

³² Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

Chuj San Mateo Bible

³² Vach' tzeyutej e pensar d'ayex junjun ex. Slaj oc' e c'ool d'ayex junjun ex. An̈ejtona', tzeyac'laj nivanc'olal e b'a, icha ix aj on̈ yac'an nivanc'olal Dios yuj Cristo.

Ef 4:32 ပူးပေါင်းရင်းမြစ်များ

A Ch'an̈ Schab'l Libro Samuel 7:21

Smasnil jun tzo'n̈ paxti satjub'tac tic, ach 'ix ac' wojcoc 'eli, a tzyal 'ixta tz'el 'a a c'ojol.

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Salmos 145:9

Caw wal wach'ch 'a yib'n̈ smasnil, caw 'ay a chamc'ojlal 'a yib'n̈ tas b'ob'il o'oj.

Pr 12:10

A eb' wach' snab'en, tzya'ilj eb' scajb'en noc', ax eb' tu snab'en, caw tzyixtj eb' e no'.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Pr 19:22

A tas tznib'x 'a junc 'anma', to tz'el'ch tas tzyala; yel xo wach' yic eb' meb'a', 'a yib'n̈ eb' 'a'm 'es.

Is 57:1

A yic tzcham eb' 'anma wach' snab'en, ¡toc 'ay mach tznan eb'! A yic tzsat 'ejm eb' wach' snab'en cha, toc 'ay mach tznachj 'el yu'uj, to a yic tzcham eb' cha, to tzcolchj 'el eb' 'a yol sc'ab' smasnil yailal.

Jeremías 38:12

'Ix yaln win 'ixtc 'ayin: —'A'ch jun tzo'n̈ nip chi 'a yaln̈ a c'ab', sec wach' ma'oj a lajw yuj ch'an̈ lasu tic, xchi winac. Yuj cha, xin b'on 'icha 'ix yal win cha.

Mt 6:12

'Ac' lajwc qui mul on̈, yujto an̈ tic on̈, tzcac' niwnc'ojlal eb' tzlaj 'och smul 'ayn̈ on̈.

Mr 11:25

Toto 'ay mach tz'och smul 'ayex, a yic tzex leslwi tzeyac' niwnc'ojlal 'a 'a. Toto 'ixta', ax qui Mam Dios 'ayc' 'a satcha'an̈, 'oj yac' lajwc e mul jun xo.

Lc 1:78

A qui Diosalec caw tz'o'ch sc'ojl 'ayn̈ec. 'Icha tz'aj sq'uel c'u tzya'n sacq'uinl 'ayn̈ec, 'ixta 'oj 'aj sjaw jun checb'il cot yu'uj.

Lc 11:4

'Ac' lajwc qui mul on̈, yujto an̈ tic on̈ tzcac' pax niwnc'ojlal 'a jantcn̈ej eb' tzlaj 'och smul 'ayn̈ on̈. Man̈ on̈ a cha 'ejmc yuj maysch'olnil on̈, [tzon̈ a coln can pax 'el 'a yol sc'ab' win syajlil maysch'olnil on̈,] xe chi, xchi 'a eb'.

Lc 17:4

Wach'xam uc 'ejm tz'och smul 'ayx 'a junc c'u, toto tz'at yal pax sb'a uc 'ejmoc, tzyaln 'ayx 'ixtic: Man̈x b'a'n̈ 'oj in b'o 'ixta', toto xchi, yowlal tzeyac' niwnc'ojlal 'a 'a, xchi Jesús.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Lc 6:37

Man̈ e b'eyc'ojloc junc xo mach, toto 'ixta', ma'oj ex sb'eyc'ojloc Dios. Man̈ e comn aloc, to 'ay smul junc xo mach, toto 'ixta', ma'oj yal Dios to 'ay e mul jun xo. 'A'cn̈ej niwnc'ojlal, toto 'ixta', 'oj ex ya'n̈j pax niwnc'ojlal Dios jun xo.

A Tas Sc'ulejnac Eb' Schecab' Jesús Hechos 28:2

Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

1 Co 13:4

'Oj wala', tas tzcutjec qui b'a, toto yel 'ay qui chamc'ojlalec. Caw niwn tzcutjec qui c'ojl 'a eb' quit 'anma'il, tzqui ch'oxnec pax qui wach'c'ojlal 'a eb'. Man̈ comnoc tzon̈ chichnec 'och 'a junc xo mach yuj tas 'ay 'a 'a. Man̈ qui b'an̈c qui b'a, mto tzquijec chan̈ qui b'a.

2 Co 2:10

Al ticnec, a mach 'oj eyac' niwnc'ojlal yuj junc tas, eyu'uj 'oj wac' pax niwnc'ojlal 'a 'a. Wach'xam man̈oc 'ayn tz'och smul, palta 'a sat Cristo, ax wa'n niwnc'ojlal.

2 Co 2:7

Al ticnec, yel xo wach' tzeyac' niwnc'ojlal 'a 'a. Tzeya'n pax sniwnal sc'ojol, sec wach' ma'oj somchjc 'el snab'en yuj cusc'ojlal.

2 Co 6:6

Palta caw tojln̈ej tzcutj qui nab'en on̈. Cojc xo on̈ 'aj 'ay yel. Niwn tzcutj qui c'ojl on̈. Wach' tzcutj qui nab'en on̈. A Yespíritu Dios 'aych 'ayn̈ on̈. Yelc'ojlal caw 'ay qui chamc'ojlal on̈.

Ef 5:1

An̈ec tic, yunnaln̈ec xo Dios ticnec, chamc'ojlb'iln̈ec xo yu'uj. Yuj cha, yowlal tzqui b'eylb'ejc 'icha sb'eyb'al.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

1 Jn 1:9

Toto tzcalc q'uet qui mul 'a Dios, a tz'a'n lajwc can qui mulc cha, tzyi'n can pax 'el jantcn̈ej maysch'olnil 'aych 'ayn̈ec. Yujto caw tojl snab'en. Caw tz'el'ch jantcn̈ej tas tzyala.

1 Jn 2:12

Ex 'ac' creyente, tzin tz'ib'j 'at jun tzo'n̈ tic 'ayex, yujto a Dios x'a'n can lajwc e mul yuj Jesucristo.

Rt 2:20

'Ix yaln pax 'ix Noemí: —Ya' cab' Jehová syaxilal 'a yib'n̈ jun winc cha, yujto caw wal wach' xyutj snab'en 'ayon̈, 'ixtnta pax yutjnac snab'en 'a win wichmil chamnac. A jun winc cha, 'ayt cuj qui b'a yet'oc, yuj cha, to 'ay yaln yic on̈ scolni, xchi 'ix.