Ef 4:31 - Chuj San Sebastian Bible

³¹ Caw tzeyactj can smasnil e chichnc'ojlal, e c'a'lc'ojlal. Man̈ comnoc tzchacb' e sat scot eyowal. An̈jtona', man̈ comnoc tzq'ue eyaw e tumwji. Caw tzeyactj can e b'on jantcn̈ej tas maysch'olnil.

Chuj San Mateo Bible

³¹ Actejeccan masanil e chichonc'olal yed' e c'ac'alc'olal. Man̈ comonoc schacb'i e sat scot eyoval. An̈ejtona', man̈ comonoc sq'ue e jaj e tumvaji. Actejeccan e c'ulan masanil tas chuc.

Ef 4:31 ပူးပေါင်းရင်းမြစ်များ

Gn 27:41

At xo ta xchichn can 'och sc'ojl Esaú 'a Jacob, yuj tas 'ix alx can 'a yib'n̈ yuj smam cha. Yuj cha, 'ix snan 'ixtic: Jab'xoj wal 'oj in cus yuj schamlil in mam tic. Lajw xoj cha, ax in miln cham jun wu'tac Jacob tic, xchi.

Gn 37:21

A yic xyab'n Rubén jun tzo'n̈ paxti cha, snani tas tzyutj scoln 'el win José 'a yol sc'ab' ewinac, xyaln 'ixtic: —Ma'ay, man̈ qui milc chamoc.

Gn 37:4

Ax yic tzyiln eb' 'u'tacab'il cha, to caw yel xo wal chamc'ojlb'il win yuj smam, yuj cha, caw xchichn 'och ewin 'a 'a. Man̈xtzac snib'j xon ewin sc'umc 'a tzaljc'ojlal.

Gn 4:8

'Ay jun c'ual, 'ix yawtj 'at Caín win Abel cha, yic tz'at eb' b'eyc'oc. Ax yic 'ayc' eb' 'a 'aj 'ix 'at b'eyc'oc cha, 'ix meltzj 'och win Caín 'a win yu'tac cha, 'ix sma'n chamoc.

A Ch'an̈ Schab'l Libro Samuel 13:22

An̈jtona Absalón may tas xyal 'a Amnón, wach'xam caw tzchichn sc'ojl Absalón chi 'a winac, yujto xyac' pural win yixtn 'ix yanb' win cha.

A Ch'an̈ Schab'l Libro Samuel 19:27

'Ix spitzn chan̈ win 'es 'a wib'an̈, 'ix yaln 'aych wuj mamin rey. Palta a a jelnal lajn 'icha junc yángel Dios, b'o cab' tas 'icha tza nib'j 'a wib'an̈.

A Ch'an̈ Schab'l Libro Samuel 19:43

Yuj cha, 'ix ta'w eb' yit israelal eb' chi 'ixtic: —Wach'xam to 'ixta', palta an̈ tic on̈, lajn̈e 'in̈tal 'ec'b'aln̈ 'a eyib'n̈ on̈. Yuj cha, caw wal 'ay caln quic 'a win rey tic 'a eyib'n̈ on̈. ¿Tas yuj tzon̈ e patquilj can 'eli? ¿Tom man̈oc on̈ 'ix qui b'ab'l alej to tzmeltzj qui reyal? xchi eb'. Palta ax eb' 'aj Judá, caw wal ya tas 'ix yal eb' 'a yib'n̈ jun tzo'n̈ xo eb' yit israelal cha.

Salmos 101:5

A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

Salmos 140:11

A eb' alm peclal, sat cab' 'el eb' 'a sat lum lum tic, a cab' maysch'olnil chi tzsatn 'el eb' tu snab'en cha.

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

Salmos 37:8

Cactquec can owal, tzcactnec can chichnc'ojlal. Man̈ on̈ comn owxoc, yujto a jun tzo'n̈ cha, niwn tas tzjuw 'el yu'uj.

Salmos 50:20

Tzc'ac'b' 'och e c'ojl 'a eyit 'anma'il. Tze nachan̈ e b'on tas tu 'a eb' eyu'tac to junn̈j e nun yet'oc.

Salmos 64:3

A yic tzyaln eb' paxti caw ya, caw lajn sti eb' chi 'icha junc cuchlub' caw jay ye, 'icha junc jul-lab' tzcham 'anma yu'uj.

Pr 10:12

A eb' 'ay schichnc'ojlal, caw tzsay eb' tas tz'aj spitzw chan̈ owal, ax eb' 'ay schamc'ojlal, tzya'n̈j eb' niwnc'ojlal yuj tas tz'aj yixtxi.

Pr 10:18

A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Pr 14:17

Toto c'un scot cowlec, caw man̈ wach'c tas tzqui b'oc 'ixta'; an̈jtona', toto si'mb'il wal tzqui na'ec yic tzqui b'onec tas tu 'a junc quit 'anma'il, caw wal tz'och eb' 'anma 'ajc'ojlal 'ayn̈ec.

Pr 18:8

A spaxti eb' alm peclal, lajn wal 'icha junc tas caw wach' sc'uxxi, tzc'och schil 'a spixn eb'.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Pr 25:23

A tu paxti tzalxi, a tz'a'n owxoc 'el qui satec, lajn wal 'icha 'ic' tz'i'n cot n̈ab' 'a stojlal norte.

Pr 26:20

Toto may te c'atzitz, tztupl te c'ac', 'ixta pax 'a yic may alj peclal, may owal.

Pr 29:22

A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.

Pr 29:9

Toto a junc jeln tztej sb'a yet' junc may snab'en 'a yojltac eb' yajal, a jun may snab'en cha, tzcot yowal mto ton̈j tzb'uchwji, may tas tzb'o yu'uj.

Ec 7:9

Man̈ c'unoc cab' scot cowlec, yujto a jun owl cha, yic eb' may snab'en yaji.

Jeremías 6:28

Caw tenmtac eb' smasnil, may snab'en eb', alm peclal eb'. 'Ix pitb' 'el eb', lajn eb' 'icha wal stzatzl q'uen bronce mto q'uen hierro.

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

A Tas Sc'ulejnac Eb' Schecab' Jesús Hechos 21:30

Ax eb' chon̈b' smasnil, caw xcot yowl eb'. 'Ix syamn sb'a eb'. X'at stzicnc 'elt eb' Pablo chi 'a yamq'uil yatut Dios cha, xutn can 'el eb' 'a sti 'elt 'amc' cha. Yajn̈j cha, 'ix smacn eb' 'a 'a.

Ro 3:14

Cojn catb' paxti tzyal eb', caw owln̈ej tzyutj paxtinc sb'a eb'.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.

1 Co 5:8

Yuj cha, yowlal tzqui nac cot jun schaml chi 'a smasnil qui c'ojol. To 'ixta', 'icha junc pan may yich, may jac spaltail, 'ixta qui b'eyb'alec. Toto tzqui nac cot jun schaml cha, man̈xtzac stac' qui 'atc 'a scal 'ajmulal, 'a scal maysch'olnilal. Yujto a jun tzo'n̈ cha, lajn 'icha junc yich pan cha.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

A Scarta San Pablo D'a Eb' Aj Colosas 3:19

Ax xo pax ex 'ichmilab'il, chamc'ojlejc eyistl junjn ex, matz tac' ow tzeyutj e b'a 'a 'a.

A Scarta San Pablo D'a Eb' Aj Colosas 3:8

Ax ticnec, yowlal 'oj e wach' 'actc can pax jun tzo'n̈ xo tic 'oj walb't tic: Atn owal, chichnc'ojlal, tu'al, b'ajwal, yet' tzann̈j tu paxti'al.

1 Ti 3:11

'Ixta pax eb' 'ix 'ix tz'och yopiso, yowlal caw wach' tzyutj eb' sb'eyb'al 'a sat eb' yit 'anma'il. Matz tac' yalw peclal eb'. Yowlal caw te'n tzyutj eb' snab'en. An̈jtona', caw yiclum tzyutj sb'a eb' sb'on smasnil tas.

1 Ti 3:3

Caw matz tac' yu'n eb' 'an̈. Matz tac' sma'wj pax eb'. [Matz tac' snib'n eb' yac' ganar stumn 'a spatc maysch'olnil.] Yowlal niwn tzyutj eb' sc'ojol. Matz tac' ya'n eb' owl yet' junc xo mach. Man̈ pec' tumnoc eb'.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

2 Ti 2:23

'Ay eb' ton̈j tzcomn tej sb'a 'a nab'an̈ej. Caw may yel'ch tas tzyal eb'. Man̈ a c'umc a b'a yet' eb'. 'In ojtac, ton̈j tzpitzw owl yuj tas tzyal eb' cha.

2 Ti 3:3

May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'.

Tito 1:7

Yujto a eb' tz'och yilmalc eb' yit creyenteal, yowlal caw wach'n̈j tzyutj eb' sb'eyb'al, yujto yilmal smunljel Dios yaj eb'. Matz tac' axn̈ej eb' tznib'j tzyal yico'. Matz tac' 'utzn tzyutj eb' sc'ojol. Matz tac' yu'n eb' 'an̈. Matz tac' sma'wj pax eb'. An̈jtona', matz tac' snib'n eb' yac' ganar stumn 'a spatc maysch'olnil.

Tito 2:3

Yet' pax 'a eb' chichmtac 'ix, tzal 'a eb', to yowlal wach' tzyutj eb' sb'eyb'al 'icha tznib'j Dios. Man̈ comnoc tzyal eb' speclal eb' yit 'anma'il. Caw matz tac' yu'n pax eb' 'an̈. Yowlal tzch'ox eb' swach' b'eyb'al,

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Santiago 3:14

Palta caw man̈ e b'an̈ e b'a yuj e jelnal 'a sat Dios, toto tzex comn chichni, toto cojxn̈ej eyic tze nib'j tzeyala, tze nib'n ax xoj tzeyac' mandar. Toto 'ixta tzeyutj e b'a, caw wan eya'n 'es yuj jun e b'eyb'al cha, yujto matz eyiclj jun cuynb'il caw yel.

Santiago 4:11

Ex wu'tac, ex wanab', man̈x eyal-lac e peclal. Toto tzcalc speclal junc quit creyenteal, mto tzqui b'eyc'ojlej, tzyal 'el'chi, a sley Dios tzcalc speclal, mto wan qui b'eyc'ojlani. Palta toto tzqui b'eyc'ojlejc sley Dios, man̈xtzac qui yicljec sley cha, wan ca'nec 'och qui b'a juezal.

A Sb'ab'el Carta San Pedro 2:1

Yuj cha, yowlal tze wach' 'actj can jantcn̈ej tas maysch'olnil. Man̈x eyixtc paxti junc 'anma'. Man̈x chab'satoc tzeyutj e b'a. Man̈ ex chichnc 'och 'a junc mach yuj tas 'ay 'a 'a. Man̈ ex b'uchwjc 'a spatc junc xo mach.

1 Jn 3:12

Yuj cha, matz tac' lajn tzcutjec qui b'a 'icha yutjnac sb'a win Caín. A win cha, yic win diablo winac. Yuj cha, smiln cham win jun yu'tac. 'Ixta yutjnac sb'a winac, yujto tojl snab'en jun yu'tac cha. Ax winac, man̈ tojloc snab'en.

1 Jn 3:15

Toto tzon̈ chichnec 'och 'a junc quit creyenteal, ax 'a sat Dios, milm on̈c cham 'anma'. Palta cojquec, may junc milm cham 'anma 'ay sq'uinl 'a jun 'ejmn̈ej.

Apoc 12:10

Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.