Ef 3:12 - Chuj San Sebastian Bible

¹² Yuj Cristo, 'ayx calnec quic caln qui b'a 'a Dios, matz on̈ xiwec, yujto 'aych qui c'ojlec 'a Cristo.

Chuj San Mateo Bible

¹² Yuj Cajal Jesucristo chi' ayxo calan quic calan co b'a d'a Dios. Maxtzac on̈ xiv co lesalvi d'ay, yujto a' ayxo och yipoc co c'ool.

Ef 3:12 ပူးပေါင်းရင်းမြစ်များ

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

2 Co 3:4

'Ixta tzcutj qui nan on̈, yujto yuj Cristo tzca'n 'och Dios yipc qui c'ojl on̈.

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

A Ch'an̈ Carta D'a Eb' Hebreo 10:35

Yuj cha, caw man̈ eyactc can e te'nal cha. Yu'uj, ax e chan wal jun spac caw niwan.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

1 Jn 3:21

Ex wu'tac, ex wanb' chamc'ojlb'il wu'uj, toto cojquec, to wach' qui b'eyb'alec 'a sat Dios, matz on̈ xiwc qui leslwi 'a 'a.