Ec 8:9 - Chuj San Sebastian Bible

⁹ Smasnil jun tzo'n̈ tic, 'ix wila yic xwa'n 'ip wojcan 'el tas 'ay 'a yolyib'n̈q'uinl tic. 'Ay 'aj 'ay eb' 'aych yajlil 'a scal eb' yit 'anma'il, ax tz'aji, a eb' tz'ixtn pax eb' 'anma cha.

Chuj San Mateo Bible

⁹ Ayic ix vac'anoch d'a in c'ol vojtacaneli tastac tzuji d'a yolyib'an̈q'uinal tic, masanil juntzan̈ tic ix vila'. Ay b'aj ay eb' ayoch yajalil d'a scal eb' yetanimail, axo tz'aji a eb' tz'ixtanpax eb' anima chi'.

Ec 8:9 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:7

Q'ueln 'och Sedequías cha, 'ix milx cham eb' yunnal. Xlajw cha, 'ix 'ijx 'elt yol sat. Jalb'il yet' q'uen cadena 'ix 'ijx 'at 'a Babilonia.

Ex 14:28

'Ixta 'ix 'aj a schan can pax sb'a, 'icha xon yaji. 'Ix mucchj can 'ejm scaruaje ewinac, ewin 'et'jnac e no chej yet' smasnil eb' soldado win rey cha, atn eb' xcob' 'och tza'n yuj eb' israel cha; c'uxn 'ix 'atcn eb' 'a yojl a', man̈x 'a junc eb' xcani.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 3:10

An tic, xwila to til wal munljel 'ix ya'cn Dios qui b'o'ec.

Ec 3:16

A 'aj tzb'eyc'ojlax eb' 'anma 'a yolyib'n̈q'uinl tic, smoj wal to 'ay wach'il yet' tojlal, palta xwilni to cojn maysch'olnil tzb'o ta'.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Ec 5:13

'Ix wilni to 'ay junx tas yel xo wal cusc'ojlal 'a yolyib'n̈q'uinl tic: 'Ay wal eb' caw wal tz'och 'il sayn 'ec' sricoal, palta ax tz'aji, a sricoal eb' chi tzjun'eli.

Ec 5:7

Yel xo wach' 'ay cab' yel'ch Dios 'a qui satec, 'a yib'n̈ to cob' niwn tas tzqui nalb'ejec qui ta'wni 'a 'a.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Ec 7:25

'Ix wac' wal in tiempo in cuyni, xin sayc' yet' jelnal yic tzwojcan 'eli, tas yaj smasnil. A yic xnachj 'el jun tzo'n̈ tic wu'uj, 'ix wojcan 'eli, to man̈ wach'c 'a sat Dios yic pit tzcutj qui b'a yuj qui man̈ nab'enal.

Ec 7:7

A q'uen c'ultac tumin, a q'uen tz'a'n yixtc 'el sb'a eb' jelan, lajn xoj tz'ajcn eb' 'icha eb' may snab'en.

Dt 2:30

Palta ax win rey Sihón cha, ma'ix yal sc'ojl win on̈ 'e'tec 'a sat slum cha, yujto a Jehová qui Diosalec, a x'a'n sna winac, to matz on̈ schajec 'e'ta, sec wach' tzcan win 'a yol qui c'ab'ec, 'icha ton wal wan yuj tic.