Ec 7:18 - Chuj San Sebastian Bible

¹⁸ Wach' tzcutjec qui yamn 'och wan qui b'a 'a jun tzo'n̈ tic, man̈ ca'c sat 'a qui nab'en. Toto 'ay yel'ch Dios 'a qui satec, wach' 'oj quelc c'och yet' jun tzo'n̈ tic.

Chuj San Mateo Bible

¹⁸ Sco ya'ilej co b'a d'a chab' b'eyb'al tic, tato ay yelc'och Dios d'ayon̈, vach' ol on̈ elc'och yed' juntzan̈ tic.

Ec 7:18 ပူးပေါင်းရင်းမြစ်များ

Pr 12:21

A eb' wach' snab'en, may tas tu tzjaw 'a yib'n̈ eb'; ax eb' tu sb'eyb'al, caw wal tzactzj eb' yuj yailal tz'el-l 'a yib'an̈.

Pr 8:20

Yuj jelnal, yuj cha 'ayn̈ec 'och 'a jun b'e yic tojlal.

Ec 11:6

Ca'c 'och qui b'ab'l trigo, tzca'nec pax 'och qui tza'n trigo, yujto man̈ cojcoquec 'aj 'ay junc'ajoc wach' 'oj 'ajoc, tom a jun b'ab'el, mto a jun tza'n to cha; mto wach' 'oj 'aj schac'ajil.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Ec 3:14

'Ix wojcan 'eli, to a smasnil tas b'ob'il yuj Dios, 'ayc'n̈ej 'a smasnil tiempo. May tas tztac' ca'nec 'och stz'acub', matz tac' pax qui'nec 'el jab'oc. A Dios 'ixta x'utni, sec wach' tzon̈ 'ochc 'emmquilal 'a 'a.

Ec 5:7

Yel xo wach' 'ay cab' yel'ch Dios 'a qui satec, 'a yib'n̈ to cob' niwn tas tzqui nalb'ejec qui ta'wni 'a 'a.

Ec 8:12

Wach'xam 'ay 'anma 'ipn ya'n 'och smul, palta najtl pax tzyila, cojn tas wojtac, to a eb' 'ay yel'ch Dios 'a sat, caw wach' 'oj 'el'choc eb' 'a yib'n̈ eb' maysch'olnil cha.

Ec 8:13

A eb' maysch'olnil sb'eyb'al, may jac wach'l 'oj yil eb', ax sq'uinl eb', lajn yec' 'icha junc wewen, yujto may yel'ch Dios 'a sat eb'.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Lc 1:50

Smasnil tiempo tz'o'ch sc'ojl 'a jantcn̈ej mach 'ay xiwc'ojlal 'a 'a.

Lc 11:42

'Oltacx wal ax fariseo ex tic. Tzeyac' cob' sdiesmoal jun tzo'n̈ te 'alwena, yet' jun tzo'n̈ te ruda. Jantcn̈ej jun tzo'n̈ xo 'itaj, c'uxn tzeyac' sdiesmoal. Palta tze na'a, to man̈ yowlalc tojl tzeyutj e nab'en. Man̈ yowlalc tze chamc'ojlej Dios. Octom wal xe b'eylb'ej jun tzo'n̈ tic, ax jun tzo'n̈ xo tze b'o cha, matz eyactj can cab' e b'oni.