Ec 3:19 - Chuj San Sebastian Bible

¹⁹ Wal yel an̈ 'anman̈ec tic, lajn tzon̈ 'ajc qui satl yet' no noc' cha, yujto tzcham no', tzon̈ chamc paxi. Lajn tzcutjec qui'n quic' yet' no'. Man̈ 'ec'b'aloc quel'chec 'a no'. Smasnil jun tzo'n̈ tic nab'an̈ej.

Chuj San Mateo Bible

¹⁹ Val yel a on̈ anima on̈ tic yed' noc' noc' chi', lajann̈ej tz'aj co chami, scham noc', tzon̈ champaxi. Lajann̈ej tz'aj quic'an quic' yed' noc', man̈ ec'b'aloclaj quelc'och d'a yichan̈ noc', yujto malaj yelc'och masanil.

Ec 3:19 ပူးပေါင်းရင်းမြစ်များ

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Salmos 49:12

An̈ 'anman̈ec tic chamlb'a cajec, wach'xam caw rico on̈ec, palta lajnn̈ej 'oj cajc qui cham 'icha tz'aj scham no noc'.

Salmos 49:13

'Ixta 'oj 'aj sat 'ejm eb' tzyal wach'l sb'a, ax cob' tas 'aych yipc sc'ojl eb', 'oj can yuj eb'.

Salmos 49:20

An̈ 'anman̈ec tic, wach'xam caw rico on̈ec, toto matz nachj 'el cujec, lajnn̈ej 'oj cajc qui cham 'icha tz'aj scham no noc'.

Ec 1:14

Ata snachj 'el wu'uj, to a smasnil tas tzcob' qui b'oc 'a yolyib'n̈q'uinl tic, matz c'och qui c'ojlec yu'uj, 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Ec 2:14

A eb' 'ay sjelnal, caw tzya'ilj eb' 'aj tz'eq'ui, ax pax eb' may snab'en, 'icha to q'uic'q'uinl 'aj tzb'ey eb'. Palta xnachj 'el wu'uj, to lajnn̈ej tzon̈ 'ajc 'el'chi.

Ec 2:16

Yujto may xon junc eb' 'oj naxc cot b'aq'uin̈, man̈oc eb' jelan, man̈oc pax eb' may snab'en. A yic tzb'ey tiempo, tz'at satc'ojlal smasnil. A eb' jelan yet' eb' may snab'en 'oj chamn̈j eb', xin chi.

Ec 7:2

Yel xo wach' yic tzon̈ 'atc tan̈j 'ac'wl 'a 'aj tz'och chamel, 'a yib'n̈ to tzon̈ 'atc can 'a q'uin̈, yujto a chaml cha, to quiquec yaj qui masnil. Wach' toto tzqui nac 'a yib'an̈ yic pitzn on̈c to.

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Ec 9:2

Palta ax tz'aji, jun lajnn̈ej pax tz'aj sjaw 'a quib'n̈ec. Tzjaw 'a yib'n̈ eb' tojl snab'en yet' 'a eb' tu snab'en, 'a eb' wach' yet' 'a eb' tu'. Tzjaw 'a yib'n̈ eb' yiclum yet' 'a yib'n̈ eb' man̈ yiclumoc, 'a eb' tzyac' xajmb'al yet' 'a eb' matz yac' xajmb'al; lajn junc may smul yet' junc 'ay smul, tzjaw 'a yib'n̈ eb' tzlocn sb'i Dios yet' eb' tzxiw slocn sb'i.

Nm 16:29

Toto yab'il tzmiln jun tzo'n̈ 'anma tic, toto 'ixta', man̈oc Jehová 'ayn schecb' tzyal cha.