Ec 2:23 - Chuj San Sebastian Bible

²³ Smasnil tiempo somc'ojlal cajec, 'al tzcab'c 'icha yal-l junc 'icatz, matz 'ilj xon jac qui nab'enec tz'ec' 'ac'wal. An̈jtona pax jun tic, may jac yel'chi.

Chuj San Mateo Bible

²³ Masanil tiempo sco te naub'tan̈ej, al yajoch d'a quib'an̈ icha val junoc icatz. Max yic' jab'oc yip co pensar, yuj chi' malaj yelc'och jun chi'.

Ec 2:23 ပူးပေါင်းရင်းမြစ်များ

Gn 3:17

Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

Ester 6:1

A wal 'a yic jun 'ac'wl cha, caw ma'ix cot xon swayn̈ win rey. Yuj cha, 'ix yaln winac, to tz'ijx cot ch'an̈ un̈ 'aj tz'ib'b'il smasnil tas 'e'nc xo 'a yib'n̈ jun nacion̈ cha, 'ix 'awtx ch'an̈ 'a yojltac winac.

Job 14:1

An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.

Job 5:7

Mun wal tzquij cot yailal 'a quib'an̈, 'icha tz'aj stz'itj 'el snich te c'ac', 'ixta tz'aj sjaw 'ayon̈.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Salmos 32:4

Ach in Diosal, sc'ual, yac'wlil scot yowl a c'ojl 'a wib'an̈. 'Icha wal tz'aj stacj te nichte yuj cuaresma, 'ixta 'in 'aji.

Salmos 90:15

Tzqui nib'j on̈ to niwn cab' yab'lilal tzac' quil jac tzaljc'ojlal, 'icha yab'lil yailal x'ec' 'a quib'n̈ on̈.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Ec 1:18

Wal yel, a yic tzniwtj qui jelnalec, a pax ta tzniwtj sjaw qui somc'ojlalec. A yic tzniwtj cojcanec 'el junc tas, a pax ta tzniwtj sjaw qui cusc'ojlalec.

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Ec 5:12

Toto munljum on̈ec, toxn̈ej niwn tas tzqui c'uxec, mto ma'ay, palta tzon̈ wayc 'a tzaljc'ojlal. Ax toto rico on̈ec, matz on̈ way qui nan yuj tas 'ay 'ayn̈ec.

Ec 8:16

Sc'ual, yac'wlil in cuyn yuj tas tzuj 'a yolyib'n̈q'uinl tic, matz in way xon jac yu'uj.

Dn 6:18

Xlajw cha, 'ix paxx win rey chi 'a sdespacho. Man̈x 'ic wa'i, man̈x 'ic cot eb' sonnum b'itnc 'a yojltac. 'Ix 'at win wayoc, palta ma'ix cot xon jac swayn̈ win 'a jun 'ac'wl cha.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.