Ec 11:5 - Chuj San Sebastian Bible

⁵ Man̈ cojcoquec 'aj tzcot 'ic', man̈ cojcoquec pax tas tz'aj sq'uib' junc 'unn 'a yol sc'ojl snun; 'ixtnta pax man̈ cojcoquec tas wan sb'on Dios, atn jun Dios xb'on smasnil tas.

Chuj San Mateo Bible

⁵ Man̈ cojtacoc b'aj scot ic', man̈ cojtacocpaxi tas tz'aj sq'uib' junoc nene' unin d'a yol sc'ol snun, ichaton chi' man̈ cojtacoc tastac sc'ulej Dios, aton ix b'oan masanil tas.

Ec 11:5 ပူးပေါင်းရင်းမြစ်များ

Job 37:23

Matz tac' cojcanec 'eli jantc wal spoder Dios tztac' yuj smasnil, yujto man̈x yalnb'ilc sjelnal. Caw tojl paxi, wach' snab'en, may junc mach tzcomn 'ixtej.

Job 38:4

¿'Ajtil 'aych 'eq'ui yic xin b'on 'ejm yipnub'al yich lum lum tic? Al wab'i', tom yel xo niwn tas ojtac.

Job 5:9

A Dios til wal tas satjub'tac tzb'o'o, man̈x b'ischjb'enoc tas tzb'o cha.

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Salmos 40:5

Mamin Jehová ach in Diosal, til wal jun tzo'n̈ tas satjub'tac yilx xa b'o'o, yet' jun tzo'n̈ a nab'en 'ix a nalb'ej cuj on̈. Tzin nib'j tzwal-l jun tzo'n̈ tic, palta matz techj waln 'eli, yujto 'ec'b'al 'a yib'n̈ smasnil tas tztac' walni.

Salmos 92:5

Caw niwn yel'ch jun tzo'n̈ a b'ob'en tic, man̈x 'a mach tz'e'ch snab'en 'icha jun tzo'n̈ a nab'en tic.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Ec 1:6

A 'ic', tz'atcn 'a stojlal sur, tzmeltzj can pax 'at 'a stojlal norte, ton̈j tz'ec' 'oyyoc, tzmeltzj can pax 'a spatquil.

Ec 11:4

Toto tzqui macljec quil chajtl yilx tiempo 'aj 'ayn̈ec 'eq'ui, toto 'ixta', may b'a'n̈ tzon̈ 'awec, may pax b'a'n̈ 'oj qui molc chan̈ sat cawb'enec cha.

Ec 3:10

An tic, xwila to til wal munljel 'ix ya'cn Dios qui b'o'ec.

Ec 3:11

Caw wach' xyutj Dios sb'on smasnil tas, toto tzb'o 'a 'icha sc'ual. 'Ix ya'n pax qui nib'quec yic tzcojcan 'elec smasnil tas tot oj ujc yic b'aq'uin̈, palta matz yac' wal cojcoc 'elec si'mb'il tas tzb'o'o.

Ec 7:24

A smasnil jun jelnal tic, matz nachj 'el wu'uj, yujto caw wal 'ajltac yojcax 'eli, may mach tznachj 'el yu'uj.

Ec 8:17

'Ix wojquej 'eli, to a smasnil tas tzb'o Dios yet' tas tz'ec' 'a tic, matz nachj 'el cujec. Wach'xam tzca'c 'ip cob' cojcanc 'eli, palta ma'oj nachjoc 'el xon cujec. Wach'xam tzcob' yal junc jeln snab'en to yojtac, palta wal yel, may junc mach tztac' yojcan 'eli.

Is 40:28

¿Tom mant eyojcoc? ¿Tom mant 'a 'aj eyab'jnac to a Jehová Dios 'ayc' 'a jun 'ejmn̈ej? A b'ojnac smasnil yolyib'n̈q'uinl tic. May b'a'n̈ tz'el yip, may tz'aj sc'unb'i, may mach tza'wni snab'en 'a 'icha snab'en.

Jn 3:8

A 'ic', tz'atn̈j 'a 'aj tz'ati. Tzcab'c sc'an̈i, palta man̈ cojcoquec 'aj tzcoti, yet' 'aj tzc'ochi. 'Icha jun 'ic' cha, 'ixta pax eb' tz'alj yuj Yespíritu Dios, xchi Jesús 'a winac.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.