Dt 6:2 - Chuj San Sebastian Bible

² Yic wach' 'oj e xiw 'a Jehová qui Diosalec, 'oj eyiclc smasnil schecnb'il, sley yet' smasnil scuynb'il yic 'ayx 'ec' 'a yolyib'n̈q'uinl tic yet' eyunnal, eyiechiquin, sec 'oj najtxb'oc e q'uinal.

Chuj San Mateo Bible

² C'anab'ajejec checnab'il sval tic d'ayex yed' eb' eyuninal yed' eb' eyi e chiquin, yic vach' ayn̈ej yelc'och Jehová co Diosal d'a yol e sat ayic ayex ec' d'a yolyib'an̈q'uinal tic. Tato icha chi', ol najatb'oc e q'uinal.

Dt 6:2 ပူးပေါင်းရင်းမြစ်များ

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Gn 22:12

'Ix yaln jun ángel chi 'ixtic: —Man̈ a mil cham onnal, a ticnec wojcxo to tzach xiw 'ayin, 'in xa yiclj a'n jun c'otn̈ onnal chi 'ayin, xchi jun ángel cha.

A Ch'an̈ B'ab'el Libro Yic Yab'ixal Eb' Rey 8:40

Toto 'ixta', 'oj yal sb'a smasnil eb' a chon̈b' 'ayach, ax ach syiclni eb' ya' sb'a pitzn eb' 'a sat lum lum a'jnac can 'a eb' qui mam quichm tic on̈.

Job 28:28

'Ix yaln Dios 'ixtc 'a eb' 'anma': Toto niwn wel'ch 'a e sat, atn jelnal cha; toto tzeyij 'el e b'a 'a scal maysch'olnil, caw 'ay e nab'en tzyal cha, xchi Dios, xchi Job.

Salmos 111:10

Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.

Salmos 128:1

Caw wach' yic eb' yiclum tzyutj sb'a 'a Jehová, yujto 'oj scha eb' swach'c'ojlal.

Salmos 91:16

'Oj wac' e q'uinl 'a najtil, ax in ch'oxn in colwal 'ayex, xchi Dios.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Ex 20:20

'Ix ta'w Moisés 'ixtc 'a eb': —Man̈ ex xiwoc, ton̈j tzwul ex yac' prowal Dios, yic wach' 'ay e xiwc'ojlal 'a 'a, sec ma'oj laj 'och e mul, xchi.

Pr 16:6

Toto tzqui chamc'ojlejec eb' quit 'anma'il, toto yiclum tzcutjec qui b'a, to 'ixta', tz'ajx niwnc'ojlal qui mulec; toto 'ay yel'ch Jehová 'a qui satec, yajn̈ej tzon̈ 'elc 'a scal maysch'olnil.

Pr 3:16

Toto tzqui b'eylb'ej jelnal, tznajtxb'i qui q'uinal, tzon̈ 'och ricoal, caw niwn tzon̈ 'aj 'el'ch yu'uj.

Pr 9:11

Yuj wal jelnal cha, caw najtl tzon̈ 'e'c 'a yolyib'n̈q'uinl tic, tznajtxb'i wal qui q'uinal.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Ez 20:19

An Jehová e Diosal in, an tzwal 'ayx 'ixtic: Yiclum cab' tzeyutj e b'a 'a in ley yet' 'a in checnb'il, tze b'eylb'ani.

Lc 12:5

Palta 'oj wal 'ayex, mach 'aj smoj tzex xiwi: Xiwn̈ec 'a Dios, atn jun 'oj lajwc ex smilni, 'ay pax spoder ex ya'n pax 'at 'a infierno. Atn wal jun chi 'aj smoj tzex xiwi.

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

Dt 11:9

yic wach' najtl 'oj eyec' 'a sat lu'um, atn lum ya'jnac Jehová sti ya'n 'a eb' qui mam quichmec, yet' 'a yin̈tl eb'. A jun lum cha, caw wal wach' lu'um.

Dt 13:4

Tza'nex cab'n̈ej yuj qui Diosalec, 'ijec chan̈ sb'i; yicljec smasnil schecnb'il, chajec eyab' tas tzyala, 'ochn̈ec 'emmquilal 'a 'a, sec junxn̈ej tzex can yet'oc.

Dt 15:5

toto wach' 'oj eyutc eyiclni, mto e b'eylb'an jun tzo'n̈ schecnb'il Jehová wan waln can 'ayx tic.

Dt 22:7

cojn e no cotc chi tzeyama, ax no snun cha, tzeyactj can 'at no'. Toto 'ixta 'oj e b'o', caw wach' eyico', 'oj najtxb'oc e q'uinal.

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Dt 30:20

Chamc'ojlejc Jehová qui Diosalec, yiclumn̈ej tzeyutj e b'a 'a 'a, tzex 'och tza'n yu'uj. Toto 'ixta', yujn̈ej Jehová 'oj e cha e q'uinal, najtl 'oj eyec' cajn 'a sat lum lum 'ix yac' Jehová sti ya'n 'a eb' qui mam quichmec, atn Abraham, Isaac yet' Jacob, xchi Moisés.

Dt 4:10

Nac cot jun c'u yic 'ayn̈ec 'ec' 'a yojltac Jehová qui Diosalec 'a lum yich witz Sinaí. Ata 'ix yal Jehová 'ayn 'ixtic: Yamb'tzej eb' 'anma tic, yujto 'oj wac' yojcoc 'el eb' in paxti'. Ax scuyn sb'a eb' yoch 'emmquilal 'ayin, sec 'ay wel'ch 'a sat eb' yic pitzn eb' 'a sat lum lum 'oj wac' 'a cha, ax scuyn can eb' yunnal, xchi.

Dt 4:40

Yicljec jun tzo'n̈ sley tic, yet' schecnb'il wan waln can eyab' 'a jun c'u tic, sec wach' 'oj 'aj yec' tiempo eyu'uj, yet' pax yuj eb' eyin̈tl b'aq'uin̈. Najtl 'oj e caj lum lum chi 'oj yac' Jehová eyico'oc chi 'a smasnil tiempo, xchi Moisés.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 5:16

'Ay cab' yel'ch e mam e nun 'a e sat, 'icha wal yaj waln 'ayex, sec 'oj najtxb'oc e q'uinl 'a sat lum lum 'oj wac' eyico'oc yic wach' 'oj eyel'chi.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Dt 6:1

'Ix yaln pax Moisés 'ixtic: Atn wal jun tzo'n̈ checnb'il tic, ley yet' cuynb'il tzyac' Jehová qui Diosalec wal 'ayex, sec a jun tzo'n̈ tic 'oj e b'eylb'oc 'a sat lum lum 'oj eyico'oc cha.

Dt 6:24

'Ix ya'n Jehová qui Diosalec qui yiclc smasnil jun tzo'n̈ schecnb'il tic, sec wach' tzon̈ tan̈wxec yu'uj. 'Ay cab' yel'ch 'ayn̈ec, sec wach' yec' cujec, a pax tz'a'n qui tzatzil, 'icha cajc ticnec.

Dt 6:7

'A junjn c'u, tze cuyn eb' eyunnal 'a jun tzo'n̈ paxti tic. Tzeyalb'tan̈j 'a yol eyatut, 'a yol b'e, 'a yic tzex waycn 'ejmi yet' pax 'a yic tzex q'uexwa'an.

Josué 4:24

'Ixta tz'aj yojcan 'el smasnil 'anma 'a yolyib'n̈q'uinl tic, chajtlto a Jehová caw 'ay spoder, yuj cha, 'ay cab' yel'ch 'a e sat 'a smasnil tiempo, xe chi 'a eb', xchi Josué cha.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.