Dt 4:49 - Chuj San Sebastian Bible

⁴⁹ A smacb'en eb', atn smasnil lum pan̈n 'ay 'a sti a Jordán 'a stojlal 'aj tzq'uel c'u, masnto tzc'och lum 'a a Mar Muerto, atn a 'ay 'a yich lum witz tzcuch Pisgá.

Chuj San Mateo Bible

⁴⁹ Masanil smacb'en eb' chi', aton pan̈an ay d'a sti' a' Jordán d'a stojolal b'aj sjavi c'u, masanto sc'och lum d'a a' mar Muerto, aton d'a yich lum vitz Pisga.)

Dt 4:49 ပူးပေါင်းရင်းမြစ်များ

Ez 47:8

'Ix yaln 'ayn 'ixtic: A jun a tic tz'atcn 'a stojlal 'aj tzq'uel c'u, 'oj c'och a 'a sch'olnal a Jordán, ax stupch a 'a sti a Mar Muerto, ax a mar cha, 'oj b'o a yuj a'.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

Dt 34:1

'Ix 'at Moisés 'a lum cusltac lum 'a yol yic Moab, 'ix q'ue'ch 'a sjolm lum witz tzcuch Nebo, 'a lum switzl Pisgá, lum 'ay 'a yojltac Jericó. Ata 'ix sch'oxcn 'at Jehová yil Moisés lum slum Galaad, masnto 'aj tzc'och lum yic Dan,

Dt 5:1

'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic: Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.