Dt 4:23 - Chuj San Sebastian Bible

²³ Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Chuj San Mateo Bible

²³ B'at ta val strato Jehová co Diosal satc'olal eyuuj, aton strato ix yac' qued'oc. Malajocab' junoc yechel tze b'o'o, yic tzeyaloch e diosaloc, yujto ay yovalil yuj Jehová.

Dt 4:23 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 17:38

Matz 'at cab' 'a satc'ojlal in trato in b'ojnac eyet'oc,

1 Cr 16:15

Wach'xam til wal smacquixtacl 'anma tz'ec' 'a sat lum lum tic, palta nann̈ej strato yu'uj.

Ex 23:13

Yicljec smasnil tas 'ix wal 'ayx tic. Man̈ eyal e b'a 'a jun tzo'n̈ tzalx 'och diosal, man̈ e b'inoc sb'i eb'.

Is 24:5

Caw wal xjuw 'el lum lum tic yuj eb' cajn 'a 'a, yujto matz yiclj eb' 'icha tzyal ley, matz yiclj eb' jun tzo'n̈ checnb'il, caw xyixtj 'el eb' jun trato b'ob'il 'a jun 'ejmn̈ej.

Jeremías 31:22

¿B'a'n̈ to 'oj eyoch wan eyoyb'x 'ec' 'icha junc 'ix 'ix tzoyb'x 'ec' yuj stenmtaquil? An Jehová in tic, 'oj wac' ujc junc tas to mant 'a 'aj tzuj 'a yolyib'n̈q'uinl tic, to a junc 'ix 'ix, a 'oj tan̈wnoc junc winac, xchi Dios.

Ez 16:59

An Jehová in, an tzwal 'ixtic: 'Oj wac' spac tas 'ix sb'o'o, yujto ma'ix syiclj tas tzyal in trato.

Ez 8:10

Ax in 'ochchi, 'ix wilni to a 'a yojl cha, ata tz'ib'b'il 'och yechl smasnil no noc' tzjuc sb'a, yet' no yajb'entac yilxi, yet' pax smasnil jun tzo'n̈ yechl 'aj tzyal sb'a eb' wit israelal cha.

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Nm 15:39

sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli.

Mt 24:4

Yuj cha, xyaln pax 'a eb' 'ixtic: —Caw tzeyil wal e b'a, sec may junc mach 'oj eyixtn paxti'.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

Lc 21:8

Yuj cha, xyaln Jesús 'a eb' 'ixtic: Caw lista tzeyutj e b'a, sec may mach 'oj eyixtn paxti'. Yujto til wal mach 'oj jawoc, ax yesn 'el eb' in b'i. An ton tic Cristo in, 'oj xchic eb'. 'Ix jaw stiempoal jun slajb' tic, 'oj schic cob' eb'. Palta caw man̈ eya'ch e nab'en 'a eb'.

Dt 16:22

Man̈ e b'o chan̈ q'uen q'uen 'aj tzyac' 'ejm sb'a eb' 'anma'. A jun tzo'n̈ cha, yajb'il 'el yuj Jehová Dios.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Dt 27:9

Ax Moisés, ajun eb' ya'mal 'och sti eb' 'anma chi yet'oc, atn eb' yin̈tl Leví, 'ix yaln 'a eb' yit chon̈b' chi 'ixtic: Sictac tzex 'aji, macljec eyab' tas 'oj wala'. Yujto a ticnec, on̈ 'och schon̈b'oc Jehová qui Diosalec.

Dt 29:25

Ax spacx 'a eb' 'ixtic: Yujto xyactj can eb' strato Jehová, atn sDiosal smam yichm eb', jun sb'ojnac strato yet' eb' yic yi'n 'elt eb' 'a Egipto.

Dt 31:20

A yic 'oj lajwc wi'n 'och eb' 'anma tic 'a sat lum lum 'aj 'ix wac' in ti wa'n 'a eb' e mam eyicham, lum caw 'ay syaxil sat, caw 'oj wa eb' si'mb'il, 'oj b'ut'joc sc'ojl eb', ax sb'a'chb'i eb'. 'Oj lajwc cha, ax yoch tza'n eb' yuj jun tzo'n̈ comn dios, ax yi'n 'ejm sb'a eb' 'a 'a; an xo tic, 'oj in spatquilc can 'el eb', ax sjun 'el eb' in trato 'ix in b'o yet'oc.

Dt 4:25

A yic 'ayx eyunnal, mto eyiechicn 'a sat lum lum 'aj 'oj e c'och cajn cha, 'ayt laj ex xeya'ch e b'a man̈ nab'enal, tze b'on junc yechl junc tas e diosaloc. Toto 'ixta tzeyutej, caw tz'och e mul 'a Jehová Dios, tzeyi'n cot yowl sc'ojl 'a eyib'an̈.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 5:2

A Jehová qui Diosalec, sb'o jun strato tic quet'ec 'a lum yich witz Sinaí.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

Josué 23:11

Caw tze tan̈wj e b'a, tze chamc'ojlan Jehová qui Diosalec.

Josué 23:16

Toto ma'oj eyiclc jun strato Jehová qui Diosalec, jun xya'cn 'ayn̈ec, ax 'a jun tzo'n̈ comn dios 'aj 'oj eyac' 'emmquilal, tzex 'em n̈ojn 'a yojltac eb'; toto 'ixta', caw 'oj cot yowl 'ayex, yajn̈ej ax ex satn 'el 'a sat jun lum caw wach' tic, xchi Josué.