Dt 4:16 - Chuj San Sebastian Bible

¹⁶ Tzeyil wal e b'a, man̈ eyixtc 'el e b'a yic tze b'on junc yechl e diosaloc. Man̈ e b'o yechl junc winac mto junc 'ix.

Chuj San Mateo Bible

¹⁶ Naec val coti yic max eyixtejb'at e b'a e b'oanq'ue junoc yechel tas e diosaloc, yechel junoc vinac, ma yechel junoc ix ix,

Dt 4:16 ပူးပေါင်းရင်းမြစ်များ

Ex 32:7

Yuj cha, 'ix yaln Jehová 'a Moisés 'ixtic: A ticnec paxn̈ 'ejm muc'uc, yujto a eb' chon̈b' ejnac 'elt 'a Egipto, caw wal 'ix juw 'el snab'en eb'.

Is 40:18

¿Tom 'ay junc mach tztac' e lajb'tzan yet' Dios cha? ¿Tom 'ay junc yechl tztac' slajb'tzax yet'oc?

Is 44:13

'Oj quil pax tas tzyutj munljoc sb'a junc win josmte' tzb'on junc yechel: Tzyechtej win yet' junc yechtab', tzya'n 'och win yechl yet' lápiz, yet' pax compás. Tzlajw cha, tzyamn 'och win smunlj yet' stz'ucub'. 'Icha yilx junc 'anma wach' yilxi, 'ixta tzyutej. Tzlajw cha, tz'at 'ajxoc 'och 'a yojl junc yatutal.

Ez 8:10

Ax in 'ochchi, 'ix wilni to a 'a yojl cha, ata tz'ib'b'il 'och yechl smasnil no noc' tzjuc sb'a, yet' no yajb'entac yilxi, yet' pax smasnil jun tzo'n̈ yechl 'aj tzyal sb'a eb' wit israelal cha.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Jn 4:24

A Dios Espíritu, yuj cha, toto 'ay mach tzyal sb'a 'a 'a, yowlal tzyal sb'a eb' wal 'a yel, 'a 'esal, xchi Jesús 'a 'ix.

A Tas Sc'ulejnac Eb' Schecab' Jesús Hechos 17:29

Yel ton tzyal eb', yunnaln̈ec Dios. Yuj cha, man̈xtoc tzqui na'a, to Dios jun tzo'n̈ yechl tic b'ob'il yet' q'uen oro, q'uen plata, q'uen q'ue'en. A jun tzo'n̈ yechl tic, yujn̈ej sjelnal 'anma', tzb'o'i.

Dt 16:22

Man̈ e b'o chan̈ q'uen q'uen 'aj tzyac' 'ejm sb'a eb' 'anma'. A jun tzo'n̈ cha, yajb'il 'el yuj Jehová Dios.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

Dt 4:25

A yic 'ayx eyunnal, mto eyiechicn 'a sat lum lum 'aj 'oj e c'och cajn cha, 'ayt laj ex xeya'ch e b'a man̈ nab'enal, tze b'on junc yechl junc tas e diosaloc. Toto 'ixta tzeyutej, caw tz'och e mul 'a Jehová Dios, tzeyi'n cot yowl sc'ojl 'a eyib'an̈.

Dt 5:8

Man̈ e b'o yechl junc tas e diosaloc, wach'xam junc tas 'ay 'a satcha'an̈, mto junc tas 'ay 'a sat lu'um, mto junc tas 'ay 'a yojl a mar.

Dt 5:9

Man̈ eyac' 'ejm e b'a 'a 'a, man̈ eyal e b'a 'a a', yujto an Jehová e Diosal in, caw tzcot wowl 'ayex, toto tzeyac' 'ejm e b'a 'a jun tzo'n̈ cha. A eb' mamb'il to may wel'ch 'a sat, 'oj wac' syailal eb' yet' 'a eb' 'unnab'il, eb' 'ichicnab'il yet' 'a eb' schab'l 'ichicnab'il.

Dt 9:12

'Ix yaln 'ayn 'ixtic: 'Ixic, paxn̈ 'ejm muc'uc, yujto a jun chon̈b'al eb' 'anma 'ix ej 'elt 'a Egipto, caw wal 'ix juw 'el eb'. Ma'ix syiclj eb' in checnb'il alb'il can wu'uj, yajn̈ej sb'on eb' jun sdiosal to nab'a oro.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.