Dt 32:31 - Chuj San Sebastian Bible

³¹ Caw wal yojc eb' 'ajc'ojl cha, to a scolmal eb', matz tac' slajb'tzan sb'a yet' qui Colmal.

Chuj San Mateo Bible

³¹ A eb' cajc'ol chi' yojtac eb' to a sdiosal eb' scolani, max yal slajb'an sb'a yed' co Columal a on̈ tic.

Dt 32:31 ပူးပေါင်းရင်းမြစ်များ

Esdras 1:3

Yuj cha, tzann̈j ex to schon̈b' Jehová eyaji, colwjan̈ec, 'ixquec 'at b'oc chan̈ yatut Jehová e Diosal 'a Jerusalén 'a yol yic Judá.

Salmos 18:31

May junc xo Dios, cojxn ach Mamin Jehová. ¿Tom 'ay junc comn dios tztac' on̈ scoln 'icha ach tic?

Ex 14:25

'Ix laj 'el setetal scaruaje eb', man̈xtzac stac' sb'ey eb', 'ix laj yal-lanc eb' 'a 'ixtic: —'El coyc 'a eb' israel tic. Yuj eb' tzya'n Jehová owl quet'ec, xchi ewinac.

Ex 8:6

Xlajw cha, 'ix ya'n 'at Aarón sc'occh 'a yib'n̈ smasnil a a 'ay 'a yol yic Egipto. Yajn̈j wal cha, 'ix q'uel tzicn̈joc no pajtza', 'ix laj pucb't no 'a smasnil yol yic Egipto cha.

Is 31:9

Yuj wal jun xiwlal cha, ax s'at win rey yet' eb' scapitan̈il eb' soldado 'eloc, ax yactn can eb' sbandera. A Jehová a tzaln jun tic, atn jun 'ay yic jun yet'l xajmb'al 'aych sc'a'l 'a tzaln Sión, a sc'a'l yowl sc'ojol, caw tzn̈ilchj 'a Jerusalén, yic tzya'n 'och yailal 'a eb' 'ajc'ojl yajch 'a 'a.

Jeremías 40:3

A ticnec, 'ix 'el'ch tas yaljnac Jehová. 'Ix ya' cot jun tzo'n̈ tic 'a eyib'an̈, yujto ma'ix eyiclj tas 'ix yala.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Dn 3:29

A ticnec, an tzwala, to a smasnil mach tzaln tu paxti'al 'a sDiosal jun tzo'n̈ quelm tic, caw wal choc' 'oj 'aj smilx chamoc. Ax yatut, 'oj ma'xoc can 'ejm lan̈chjoc, wach'xam chuc chon̈b'al, chuc nacion̈al, mto chuc til tzyala. Yujto may wal junc xo dios tztac' scolwj 'icha sDiosal ewin tic, xchi winac.

Nm 23:23

A 'a eb' yin̈tl Jacob, may yel'ch eb' tzyal jelnal sb'a, may yel'ch eb' b'alm 'a sat eb'. A ticnec b'i'an, yowlal tzalx 'ixtc 'a yib'n̈ eb' israel: Til wal satjub'tacl 'ix sb'o Dios yet'oc, xchi cab' eb' 'anma yuj eb'.

Nm 23:8

Palta, ¿tas wal tzwutj in catb'tzan junc 'anma', toto man̈oc Dios tzcatb'tzani? ¿Tas wal tzwutj waln can 'el tu paxti'al 'a yib'an̈, toto man̈oc Jehová tzalni?

A Ch'an̈ B'ab'el Libro Samuel 2:2

Mamin Jehová, may junc xo mach wach'. May junc xo mach wach' scolwj 'icha ach tic. Ach qui Diosal on̈, cojn ach colwjum ach.

A Ch'an̈ B'ab'el Libro Samuel 4:8

'Oltacn̈ec wali. ¿Mach wal 'oj qui colnec 'a yol sc'ab' jun tzo'n̈ dios 'ay yip? Atn jun tzo'n̈ dios satjnac 'el eb' 'aj Egipto 'a lum cusltac lu'um yet' jun tzo'n̈ yailal.