Dt 32:13 - Chuj San Sebastian Bible

¹³ 'Oj eyijx 'at yuj 'a lum jolmctac witz, 'oj laj e c'ux tas 'ay 'a sat lum lum cha, 'oj laj eyuc' yal chab' tz'elt 'a sat q'uen q'ue'en, yet' aceite tz'elt 'a te olivo tzlaj pac' 'a sat q'ue'en.

Chuj San Mateo Bible

¹³ Ix laj yac'can lum tzalquixtac quiquej. A tas sq'uib'q'ue d'a sat luum ix yac' cab'lej, ix yac'anpax noc' yalchab' tz'elta d'a yoltac q'uen q'ueen d'ayon̈ yed' aceite tz'el d'a te' olivo sq'uib' d'a scaltac q'uen q'ueen.

Dt 32:13 ပူးပေါင်းရင်းမြစ်များ

A Ch'an̈ Schab'l Libro Samuel 22:34

'Icha sjelnal sb'ey no c'ultquilchej, 'ixta in b'ey yu'uj, a tz'a'n wip yic tzin 'ec' 'a 'aj pa'ctac.

Job 20:17

Man̈x 'oj yac' eb' tzaljoc sc'ojl sc'uxn smasnil tas 'ay 'a 'a, atn lech yet' no yal chab' to man̈x yalnb'iloc.

Job 29:6

Caw wal tzyac' sobra slech no 'in wacax, ax eb' te wawb'en olivo 'a cal q'ue'en, caw tzyac' sobra yaceiteal te'.

Salmos 18:33

'Icha wal sjelnal sb'ey junc no nun c'ultquil chej, 'ixta in b'ey o'oj; tza'n wip yic tzlaj in 'ec' 'a 'aj pa'ctac.

Salmos 81:16

Q'uinloc syiclj eb' israel tas xwal cha, to 'ixta', ax 'ixm trigo caw wach' a xwac' swa eb', xwa'n am yuc' eb' no calte'al yal chab', xchi Dios.

Is 48:21

Nac coti tas 'e'nc eb' e mam eyichm 'a lum cusltac lu'um, to man̈ 'ochncoc stacn̈til eb'. An 'ix wac' jat snan̈l q'uen niwc q'ue'en, axta 'ix 'elt secnjoc a niwc a 'ix b'ey yoctac.

Is 58:14

Toto 'ixta 'oj eyutc e b'a, 'oj 'ilchjoc e tzaljc'ojlal 'ayin. An xo 'oj wala', to niwn eyel'ch 'a yib'n̈ smasnil chon̈b' 'a yolyib'n̈q'uinl tic, ax wa'n pax eyico'oc lum e macl lum 'aycn yuj e mam 'ichm Jacob, atnta 'oj e wa 'a sat lu'um, xchi Dios.

Ez 16:13

'Ixta wal 'ix 'aj sb'o yet' q'uen oro, q'uen plata; a sera pichl tz'ib'quintac yilx 'ix ya'chi. Ax yarinail 'ixm trigo caw wach', a xwac' swa', xwa'n slec' no yal chab' yet' pax yaceiteal te olivo. Caw wal wach' yilxi, yuj cha, 'ix 'och reinail.

Ez 21:17

An xo tic, 'oj in poc' in c'ab' yic tzwi'n 'el yowl in c'ojl 'a yib'n̈ eb' 'anma'. An Jehová in, an tzwala, xchi Dios, xa chi 'a eb', xchi 'ayin.

Ez 36:2

An Jehová in, an tzwal 'a eb' 'ixtic: A eb' 'ajc'ojl yajch 'ayex, xcob' yal eb' to yic xoj eb' smasnil lum jolmctac witz cha.

Os 13:6

Palta a yic ya'n sobra tas tzc'ux eb', 'ix sb'an̈n sb'a eb', in 'atcn 'a satc'ojlal yuj eb'. 'Ixta pax ex ax tic.

Dt 28:47

Yujto ma'ix eyac' servil Jehová qui Diosalec 'a tzaljc'ojlal, yet' 'a smasnil e c'ojol yic til wal tas wach' xyac' 'ayex.

Dt 33:26

Ex 'aj Jesurún, may xon junc mach tztac' slajb'tzan sb'a yet' qui Diosalec, yujto ata tz'ec' 'a yib'n̈ 'asun, caw 'ay smay yic tzjaw colwjoc quet'ec.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

Dt 8:15

Yujto a 'on̈ 'i'nec b'ey 'a lum cusltac lum caw 'ay smay, lum 'aj 'ay no chan man̈x 'a yan̈il, 'a 'aj 'ay no sina'an, 'a 'aj may a a wach' yu'xi. Palta a Jehová, a 'ix 'a'n 'eltoc a a 'a sat q'uen q'ue'en, 'ix laj cu'nec a'.

Dt 8:8

A lum lum cha, caw wal yelb' trigo, cebada, uva, higo, granado, olivo, 'ay pax no yal chab' ta'.