Dt 32:11 - Chuj San Sebastian Bible

¹¹ 'Icha wal tz'a'jt jen̈n sc'axl no salt'iw 'a yib'n̈ so', mto 'icha wal tzyutj no scuyn yune' yic tzjen̈wi, mto 'icha tzyutj no yi'n 'at yune 'a yib'n̈ sc'axil, 'ixta wal on̈ 'ajc yuj Jehová.

Chuj San Mateo Bible

¹¹ Icha tz'aj sjuanb'at so' noc' nivac ch'acb'a, sc'ayb'an yune' noc' yic sjen̈vi, icha pax tz'aj yic'anb'at yune' noc' chi' d'a yib'an̈ sc'axil, icha val chi' ix on̈ yutej Jehová.

Dt 32:11 ပူးပေါင်းရင်းမြစ်များ

Gn 1:2

A yic jun tiempoal cha, may stzol-l yaj lum lum tic sb'o'i, sictac yilxi, mayn 'ec' a 'a yib'n̈ lu'um, q'uic'q'uinl yilx smasnil. Ax Yespíritu Dios, a tz'ec' 'a yib'n̈ smasnil a a cha.

Salmos 18:10

Ach q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.

Ex 19:4

Ax tic, eyiljnac wal tas wutjnac eb' 'aj Egipto, yet' tas ex wutj ex wi'n 'elta, yic ex wi'n cot 'a tic, 'icha to a 'a yib'n̈ sc'axl junc no salt'iw 'ayx q'ue'i, yic ex jaw 'a tic.

Is 31:5

'Icha wal tzyutj no ch'ic stan̈wni yune 'a yol so', tz'ec' jen̈n̈oc no 'a yib'an̈. 'Ixta wal 'oj wutc in tan̈wni chon̈b' Jerusalén, an Jehová in, an 'oj in tan̈woc, 'oj in colo', xchi Dios.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 13:11

'Icha wal junc mach tzjaln 'och junc jal-l 'a snan̈al, 'ixta wal xwutj eb' chon̈b' israel, yet' pax eb' 'aj Judá. Caw junn̈j yaj eb' wet'oc, in chon̈b' yaj eb', yic tzyaln 'el eb' chajtlto caw niwn wel'chi, palta ma'ix syiclj eb' tas xwala.

Os 11:3

'Ixta x'el sb'on eb', wach'xam an xin quetz b'ey eb', palta ma'ix yojquej 'el eb', toto an tzin tan̈wj eb'.

Dt 33:12

'Ix yaln 'ixtc 'a yib'n̈ eb' yin̈tl Benjamín: Caw wal nib'b'il eb' yin̈tl Benjamín yuj Jehová, caw tzaljc'ojlal yaj eb', a Dios caw niwn yel'chi, a tzcolwj yet' eb'. ¡A 'aych stan̈malc eb'! xchi.

A Ch'an̈ Carta D'a Eb' Hebreo 11:3

Yujto tzca'c 'och Dios 'a qui c'ojol, cojquec, an̈j yet' spaxti sb'ojnac can yolyib'n̈q'uinl tic, yet' jun tzo'n̈ tz'ec' 'a satcha'an̈. A jun tzo'n̈ tas tzquilc ticnec, b'ob'il yet' jun tzo'n̈ tas man̈ checloc.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.