Dt 3:10 - Chuj San Sebastian Bible

¹⁰ C'uxn xquijec 'ec' jun tzo'n̈ chon̈b' 'aj tzyac' win Og yajlil, atn smasnil lum chon̈b' 'ay 'a lum pan̈n cha, smasnil lum Galaad yet' lum Basán, masnto tzc'och 'a chon̈b' Salca yet' 'a chon̈b' Edrei, xchi Moisés.

Chuj San Mateo Bible

¹⁰ Masanil juntzan̈ chon̈ab' d'a yol smacb'en vin̈aj Og d'a Basán, ix cac' ganar, aton juntzan̈ chon̈ab' d'a lum pan̈an, masanil d'a yol yic Galaad yed' Basán, masanto d'a Salca yed' Edrei.

Dt 3:10 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:13

A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

1 Cr 5:11

Eb' yin̈tl Gad, cann̈c cajn eb' 'a yojltac 'ec' eb' yin̈tl Rubén, 'a yol yic Basán, masnto 'a chon̈b' Salcá.

Nm 21:33

Xlajw cha, 'ix meltzj eb', 'ix stojlb'tzan 'at sb'a eb' 'a stojlal lum Basán, palta ax win Og, win sreyl Basán, 'ix 'elt yet' eb' soldado smasnil yic tzya'n owl yet' eb' israel chi 'a lum Edrei.

Dt 4:43

A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Dt 4:49

A smacb'en eb', atn smasnil lum pan̈n 'ay 'a sti a Jordán 'a stojlal 'aj tzq'uel c'u, masnto tzc'och lum 'a a Mar Muerto, atn a 'ay 'a yich lum witz tzcuch Pisgá.

Josué 13:16

Tz'atn̈j slum eb' chi 'a Aroer, tz'ec' 'a sti a a Arnón, yet' pax jun chon̈b' 'ayc' 'a spacl snan̈l span̈nil sti a cha, yet' smasnil lum ya'lical Medeba, masnto tzc'och 'a Hesbón yet' smasnil jun tzo'n̈ chon̈b' 'ay 'a span̈nil cha: Atn Dibón, Bamot-baal, Bet-baal-meón, Jahaza, Cademot, Mefaat, Quiriataim, Sibma, Zaret-sahar, jun 'ay 'a stzalnil lum pan̈n cha, Bet-peor, Bet-jesimot, yet' lum spa'ctacl Pisga.

Josué 13:30

A eb' x'ica'an smasnil lum yic win Og sreyl Basán, smasnil lum Mahanaim yet' 60 chon̈b' 'ay 'a yol yic Jair 'a yol yic Basán cha.

Josué 13:31

'Ix yij eb' spacl xo lum Galaad, lum Astarot yet' pax lum Edrei, atn schon̈b' win Og sreyl Basán. A smasnil jun tzo'n̈ lum tic, xyique'ej eb' yin̈tl win Maquir yunnal Manasés, a tzyal jayc'aj eb' 'a smacl cha.