Dt 28:51 - Chuj San Sebastian Bible

⁵¹ 'Oj schi eb' yune smasnil e cajb'en noc', ax sc'uxn eb' sb'al sat e lu'um, masnto 'oj e lajw 'el yuj eb'. Man̈x 'a e trigo 'oj yactc can eb', e yal uva, yet' eyaceite. Man̈x 'a pax e cotc wacax, e cotc calnelu mto e chiwo 'oj can yuj eb'. Yuj cha, 'oj e cham yuj wejel.

Chuj San Mateo Bible

⁵¹ Ol schib'at yune' noc' e molb'etzal noc' eb', ol sloanb'at sat eyavb'en te' eb', masanto ol ex ixtajval. Man̈xalaj e trigo, e vino, eyaceite, ma yune' noc' e vacax yed' yune' noc' e calnel ol to can yuj eb', an̈ej to ol ex cham yuj vejel.

Dt 28:51 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:10

Ax smasnil eb' soldado caldeo ajun yet' win comandante cha, 'ix sma'cn 'ejm lan̈chjoc eb' smasnil smuroal Jerusalén chi oyn 'och 'a 'a.

Is 1:7

A qui nacion̈ec tic, tox xcan 'a cusltaquil, 'ayx 'och sc'a'l qui chon̈b'ec. Ax smasnil sat cawb'enec, q'ueln on̈ wal 'ochi sc'uxn eb' chuc chon̈b'al. Xlajw can 'ejm smasnil yuj eb', cusltac xoj yilx x'ajcni.

Is 62:8

Yuj cha, yet' wal spoder Jehová xya'n can sti 'ixtic: Man̈x 'a wal b'a'n̈ 'oj wac' swa eb' 'ajc'ojl e trigo, ax wa'n yuc' eb' chuc chon̈b'al eyal uva tzeyij 'a e munljel.

Jeremías 15:13

Yuj smasnil e mul, yuj cha, ax wa'n e ricoal 'a eb' 'ajc'ojl yajch 'ayex. A smasnil tas 'ay 'a sat e lum tic, ton̈j 'oj yi'c eb' 'ayx 'a nab'an̈ej.

Jeremías 17:3

yet' 'a lum jolmctac witz 'ay 'a sti 'el chon̈ab'. Yuj wal maysch'olnilal tzlaj e b'o 'a jun tzo'n̈ lugar yic 'emmquilal 'ay 'a 'aj chan̈ yaj chan̈ 'a yol e nacion̈, yuj cha, ax wa'n 'elc'xoc 'at smasnil e ricoal, yet' jun tzo'n̈ tas molb'il eyu'uj.

Lm 4:9

Yel xo wach' yic eb' 'anma chamnc yuj owal, 'a yib'n̈ pax eb' tzcham yuj wejel, yujto c'ojnc'ojnil scham eb', yujto man̈x 'a tas wach' sc'uxn eb'.

Ez 12:19

Tzlajw cha, tzaln 'ixtc 'a eb' et israelal cha, to an Jehová Yajl in, an tzwal 'ixtc 'a yib'n̈ eb' cajn to can 'ec' 'a yol smacb'en Jerusalén, yet' 'a smasnil yol yic Israel cha: 'Oj laj wa eb' 'a scal xiwc'ojlal, 'a scal cusc'ojlal 'oj laj yuc' eb' a'. A jun chon̈b' cha, smul yujoc eb' 'anma cajn 'a 'a, ax scan 'a sictaquil, man̈x 'a xon jac tas 'oj can 'a 'a

Ez 25:4

Yuj cha, 'oj ex wac' 'a yol sc'ab' eb' 'anma 'oj cot 'a stojlal 'aj tzq'uel c'u. 'Oj yico'oc eb' e lu'um, ax sb'on eb' scamplamento yet' yatut 'a e lum cha. 'Oj smol chan̈ eb' sat smasnil eyawb'ente', a 'oj sc'ux eb', ax yu'n eb' e lech tzyac' e chiwo.

Lv 26:26

Ya' sb'a macnex yic tze coln e b'a 'a yol e chon̈b' cha, a yic cha, 'oj wic' 'emt yoc e wa'i. Lajn̈e n̈al eb' 'ix 'ix 'oj b'onc tas tzc'ux 'a junc c'aq'uil. Yechl xoj 'oj 'aj yajx tas tze c'uxu. 'Oj cob' e wa'i, palta ma'oj e b'ut'ji.

Dt 28:33

A smasnil sb'al sat e lu'um, yet' sat smasnil eyawb'en, a eb' 'anma man̈ eyojcoc, a eb' 'oj c'uxnoc, 'oj eyab' wal syail, caw 'oltac 'oj eyaji.

Dt 28:50

A jun tzo'n̈ 'anma cha, caw ow eb', may yel'ch eb' 'ichmtac winc 'a sat eb', matz 'o'ch pax sc'ojl eb' 'a eb' 'unin.

Dt 28:52

'Oj 'och oyn eb' 'ajc'ojl chi 'a spatc 'el e chon̈ab'. 'Oj yac' eb' owl eyet'oc, masnto 'oj lan̈chjoc 'ejm smuroal e chon̈b' chi yuj eb', yet' jun tzo'n̈ yet'l eb' soldado 'aych yipc e c'ojol. 'Oj yoy eb' smasnil chon̈b' 'ay 'a sat lum lum 'oj yac' Jehová qui Diosalec 'ayex.