Dt 27:14 - Chuj San Sebastian Bible

¹⁴ A eb' yin̈tl Leví, caw 'ip 'oj yal eb' jun tzo'n̈ paxti tic 'ixtc 'a eb' yit chon̈b' chi smasnil:

Chuj San Mateo Bible

¹⁴ Axo eb' yin̈tilal Leví, te chaan̈ syal juntzan̈ lolonel tic eb' d'a eb' yetisraelal icha tic:

Dt 27:14 ပူးပေါင်းရင်းမြစ်များ

Dn 9:11

An̈ tic on̈, xqui ten tas xyal a checnb'il, ma'ix qui chaj cab' tas xala. Yuj wal qui mul cha, xjaw jun tzo'n̈ yailal tic 'a quib'n̈ on̈, atn jun tzo'n̈ tz'ib'b'il can 'a ch'an̈ libro yuj a checb' Moisés.

Dt 27:13

Ax eb' yin̈tl Rubén, Gad, Aser, Zabulón, Dan yet' Neftalí, ata tz'aj eb' 'a lum yich witz Ebal, sec ata tzyal eb' catb' 'a yib'n̈ eb' chon̈ab'.

Dt 27:15

Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Josué 8:33

Ax eb' israel chi smasnil, eb' chuc chon̈b'al cajn 'a scal eb', eb' yichm wincal chon̈ab', eb' yajl yaj 'a scal eb' soldado, yet' eb' yajl tzb'on yaj eb' 'anma', 'ix spoj eb' snan̈al; nan̈l eb' 'ix can 'a yich witz Gerizim, ax nan̈l xo eb' xcan 'a yich witz Ebal. 'Ix cot q'ueln eb' schac'ajil 'a eb' ya'mal 'och sti eb' 'anma 'a Dios, atn eb' yin̈tl can Leví, eb' 'et'jnac te scaxail strato Jehová. 'Ixta 'ix 'aj yel'ch tas yaljnac can Moisés, atn win schecb' Jehová yuj tas tz'aj yalx wach' paxti 'a yib'n̈ eb' israel.

Josué 8:34

Xlajw cha, xyawtn Josué chi smasnil jun tzo'n̈ ley tzib'b'il can cha, atn jun tzo'n̈ ley yic yaxilal yet' jun tzo'n̈ yic catab'.