Dt 25:16 - Chuj San Sebastian Bible

¹⁶ Yujto a Jehová qui Diosalec, matz nib'j jun tzo'n̈ 'anma to man̈ tz'acnoc yechtab' yet' jun tzo'n̈ xo tas man̈ tojloc.

Chuj San Mateo Bible

¹⁶ yujto malaj sgana co Diosal chi' d'a eb' max b'eyb'alan tojolal.

Dt 25:16 ပူးပေါင်းရင်းမြစ်များ

Pr 11:1

A Jehová, matz chaj sc'ojol eb' tzc'anlb'an junc 'echtab' man̈ tz'acnoc, palta ax eb' tzc'anlb'an 'echtab' tz'acan, caw tzalj yet' eb'.

Pr 20:23

A wal jun tzo'n̈ 'echtab' man̈ tz'acnoc, caw wal yajb'il 'el yuj Jehová.

Miqueas 6:10

A 'a yatut eb' maysch'olnil sb'eyb'al, til wal ricoal 'ayq'ui, ata tzyij eb' 'a spatc maysch'olnil, ¿tom 'oj 'at satc'ojlal jun tzo'n̈ tic wu'uj? 'Ixta pax jun tzo'n̈ 'echtab' man̈ tz'acnoc, caw yajb'il 'el wu'uj.

Dt 18:12

Yujto a eb' tzb'on jun tzo'n̈ tic, caw yajb'il 'el eb' yuj Jehová. Yuj wal to tzb'o eb' nacion̈ jun tzo'n̈ cha, yuj cha, a Jehová qui Diosalec, 'oj 'i'nc 'el eb' 'a eyojltac.

Dt 22:5

A eb' 'ix 'ix, matz tac' ya'n 'och eb' 'ix spichl win winac, an̈jtona win winac, matz tac' ya'n 'och win spichl eb' 'ix 'ix, yujto a mach tzb'on jun tzo'n̈ tic, caw tzyajx 'el eb' yuj Jehová Dios.

Dt 25:17

Nac cot nab'an tas on̈ yutjec eb' yin̈tl Amalec yic 'ayn̈ec 'och 'a yol b'e, yic on̈ 'eltec 'a Egipto.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.